إطمئنوا على ريماس(مرة تانية)+تحديث +تحديث
إلى كل المدونين والمدونات انا بس
باقولكم اطمئنوا على ريماس والحمد لله ريبال طمنني عليها وده مجرد عنوان عشان تطمنوا أما التفاصيل فهو قاللي انه حايطمننا جميعا على صفحة مدونته
أنا بس عارفة القلق اللي كلنا عايشين فيه فقلت لازم اطمنكوا وطبعاً مازالت وستظل الدعوات مستمرة حتى تما م الشفاء ان شاء الله ..
ملحوظة :من الفرحة انا حاخلي التعليقات مفتوحة عشان تفرحوا معايا
بلا تأجيل ...
ملحوظة تانية :ياريت اللي يقرا رسالتي يكتب في مدونته ان احنا جميعا نسجد الساعة تمانية مساءً بتوقيت القاهرة
سجدة شكر لله تعالى وندعوه انه يتمم شفاها على خير يارب
ماتنسوش والعارف يقول في مدونته عشان الناس كلها تعرف وشكراً ..
باطمنكم مرة تانية على ريماس وهي بخير بس لسة ماتقدرش تمارس نشاطها وقريباً سوف تنزل لينك المدونة بتاعتها الجديدة
على مدونة ريبال حيث أن مدونتها القديمة حذفت بالخطأ..
وريبال يطمئن الجميع وبالطبع هو مشغول بها ومعها وقريباً سيطمئنكم بنفسه..تحياتي وتحيات ريبال وشكراً
باطمنكم مرة تانية على ريماس وهي بخير بس لسة ماتقدرش تمارس نشاطها وقريباً سوف تنزل لينك المدونة بتاعتها الجديدة
على مدونة ريبال حيث أن مدونتها القديمة حذفت بالخطأ..
وريبال يطمئن الجميع وبالطبع هو مشغول بها ومعها وقريباً سيطمئنكم بنفسه..تحياتي وتحيات ريبال وشكراً
هناك 30 تعليقًا:
الحمد لله
اسال الله الشفاء العاجل
ربنا يطمنك يا ماما
وياريت لو ريبال يطمنا عن حالتها
بجد قلقنين عليها جدا
شكرا
الحمدلله يارب
الله يشفيها شفاء كاملاً يارب
السلام عليكم
ربنا يبشرك بالخير يا امى
ويتم شفاها ويرجعها لنا بالسلامة
دومتم بخير
ريماس غاليه علينا كلنا
نسأل الله سبحانه بأن يشفيها ويمنحها الصحة والعافية ويرجعها لنا بقلمها الرائع
وروحها المبدعة
ألف سلامه ويتم شفاها على خير هي وكل مريض
من الفاروق الى زيزى
انا اعلق عليكى من عند كارلو
وهيه كمان فرحت بهذا الخبر المليح المريح
خبرقرب رجوعها بين احضاننا التى اصابها الغربه والفرقه والعزلة فهى كانت وستظل تشعل وقود وجدادنا....... فالتسرع بالرجوع حتى لا نتجمد من صقيع البعاد
ومن الفرحة هغنى واقولوا معايا
بعيد عنك حياتى عذاب
ما تبعدنيش بعيد عنك
وفى انتظار المزيد من الاخ ريبال
الفاروق وكارول
ربنا يا رب يشفيها ويعافيها ويقومها بألف سلامة إن شاء الله
الحمدلله
ربنا يتم نعمته بالشفاء التام
وترجع بألف سلامة
ان مع العسر يسرا
واهى وسط ما هى فيه ربنا بيهمس ف ودنها ان فيه قلوب كتير بتحبها من غير ما تشوفها
وبتدعيلها بالخير
ربنا يردعها بألف سلامة
وشكرا يا ماما
:)
الحمد لله رب العالمين
ربنا يكمل شفائها على خير
وتعود لينا قريبا ان شاء الله
شكرا يا ماما زيزى
دومت بكل الود والحب ..
مع تحياتى الغاليه ..
ان شاء الله خير ...وترجع اختنا وصديقتنا ريماس احسن مما كانت.
ومشاعركم النبيله وادعيتكم الصادقه لن يردها الله خائبه باذنه تعالى.
انشاء الله تعود لنا اميرة النافذة
وزهرة الغاردينيا ريماس
الحمد لله الحمد لله الحمد لله
يا رب يتمم شفاءها على خير
ودلوئتي حروح مدونة ريبال أطمن عليها :)
الحمد لله
ونسأل الله ان يتم شفائها على خير
شكرا يا أمي على الخبر السعيد
ألف حمد و ألف شكر ربنا يرجعهالنا بألف سلامه و عافيه جظاك الله خيراً أمي الحبيبه.
السلام عليكم
جزاك الله خيرا على طمأنتنا...
وربنا يتم شفاها على خير..
تحياتي.
السلام عليكم
دعواتنا و تمنيتنا لها بالشفاء
العاجل
مع خالص تحياتي
الحمد لله رب العالمين
ربنا يتم شفاها على خير
ربنا يبشرك بالخير يا امى
ماما زيزي ..
من يومين كده لقيت مدونة حضرتك قافلة .. مش عارف هو البلوغر ولا النت ولا هيا فعلاً كانت قافلة ..
على كل الأحوال الحمد لله على السلامة ..
وكمان كلنا قلوبنا معلقة عند ريماس بس أنا لسه مش عارف هي بتشكي من إيه .. يا رب يشفيها ويرجعها بالسلامة ..
تأخرت على حضرتك .. معلهش الشغل في الشهر الأول للسنة بيضغط كتير علينا حتى إننا بنشتغل في البيت كمان ..
كل سنة وإنت طيبة يا حنونة .. وألف سلامة على ريماس ..
ان شاء الله يتم شفاها علي خير
وترجع بالسلامة
منتظرينها بفارغ الصبر وان شاء الله يتمم شفائها على خير تيجى بالسلامه لكل محبيها
تحياتى ابوداود
الحمد لله .. على سلامتها المهم أن ترجع لنا بالسلامة يارب ربنا يطمنك ويسعدك
zizi العزيزة الذيذة
يا وش الخير و السعد و الاخبار الحلوة
انا معرفتش التحديث غير من تعليقك لانك لم تذكريه فى العنوان
ربنا يتمم شفاءها على خير يارب
تحياتى و تقديرى و حبى
ربنا يشفيها يارب...
شكرا ليكي استاذتنا
ربنا يجعلك دائما مبشرة خير
تخيتي
الحمد لله
يارب لك الحمد كما ينبغى لجلال وجهك وعظيم سلطانك ولك الحمد حتى ترضى ولك الحمد اذا رضيت ولك الحمد بعد الرضا
ان شاء الله هترجع لكل اللى بيحبوها وهتفتح النافذه من جديد
الحمد لله يا ماما ربنا يشفيها ويعافيها وترجع بالسلامه
بالنسبه لسؤالك يا ماما عن وضع خلفيه موسيقيه الخطوات
فى البدايه تدوسى على get trackاللى هيه تحت الفيديو الموسيقى وبعدين حتظهرلك صفحه فيها شريط اسود من فوق تدوسى على المستطيل المكتوب عليه create playlist
وبعدين حتلاقى مستطيل فاضى مكتوب عايه popular song تمسحى الكلمه دى وتكتبى اسم الاغنيه اللى تحبيها وتعمل searchحتظهرلك الاغنيه تحت المستطيل وجنبها دايره بداخلها مثلث مقلوب ..ودائره تانيه بداخلها علامه + تدوسى على المثلث علشان تسمعى الاغنيه ولو عجبتك تدوسى بعدها على الدايره اللى بداخلها علامه + اللى هى اضافه الاغنيه بعدها تدوسى على كلمه edit skin وديه علشان تحتارى شكل الفيديو وبعدها تدوسى على edit color علشان تختارى اللون واخر خطوه تدوسى على edit setting
حتظهر قدامك autoplay تدوسى على دايره اللى مكتوب جواها yes,وبعدها حتلاقى كلمهPlaylist Title,تكتبى كلمه Classicaوبعدها تنزلى حتلاقى كلمه Playlist Descriptionوتكتبى فيها اى كلمه تحبيها مثلا bad boy
وبعدين تنزلى تحت حتلاقى مربع مكتوب عليه save get cod تدوسى عليه حيظهرلك مربع كبير تحطى اميلك واسمك والباس ورد وبعدين
حيظهرلك مربع عليه الرابط بتاع الاغنيه تعملى كوبى ..وتروحى للتصميم تختارى اضافه اداه وتعملى past ,وبعدها حفظ ودى اخر عمليه ..الموضوع كبير هههههههههه
اما السؤال التانى والله ما اعرف ممكن حضرتك تسألى لولا
واى خدمه يا ماما
تحياتى
الحمد لله إنها بخير حاليًا ،
و بتمنى ترجع قريبًا ، أنا قرأت بوست ريبآل و عرفت الرابط ،
شكرًا جزيلا على كل شيء ماما zizi ...
و الحمد لله إنك ما قفلت المدونة !
تحيآتي لكِ ...
مساء الغاردينياماما زيزي
...والله بقولها بكل حب وحنان بجد أنتي ماما ماما الي بكت وحضنتني
الي ماكانت تنساني في كل دعوة وكل دمعة نزلت من عينك ايوة ياأمي والله أقولها
بسعادة وفرحة اممم صحيح الدموع نزلت بس فداكي ياأمي فداكي كل دمعة من عيون
ريماس بنتك ريماس الي حست بحبك رغم المسافات الي تقول ماما وهي تبتسم الي
لما تدخل مدونتك تحس حالها في حجرك وتحس يدينك على شعرها بحسك تحكي لي
وتقوليلي أنه الدنيا حلوة رغم كل ألم ورغم الوجع فاكرة ياماما اخر تعليق
ليا عندك كنتي بتحكي لنا حكاية حلوة قلت لك يومها انا حاسة اني على حجرك
بتلعبي بشعري وتحكي لي ههههه بجد كنت حاسة كذا وطبعا الحكاية تنتهي حلوة
ماما أنا حسيت بقلبك من زمان وربي ياأمي من زمان كنت عارفة أنه ريماس
أخت لأبنائك وقطعة من قلبك والله مش غرور بس مراسيل القلب توصل لو بيننا بلاد
وحيجي يوم وأشوفك وأزورك وأضمك لصدري وأبوس راسك وخدك وكفك وأقول أحبك
بجد أحبك ياماما ربنا مايحرمني منك ومن طيبة قلبك ..
؛؛
؛
لروحك عبق الغاردينيا
كانت هنا
reemaas
احبائي المخلصين ..صدقوني كنت أحياناً كثيرة اقرر بيني وبين نفسي أن أبعد عن عالم التدوين واتركه لمن هم في سن الزهور أمثالكم ..ولكني عندما رأيت ما أحطتم به ريماس حين ألمت بها هذه الوعكة الصحيةأيقنت أن هذا العالم اوسع بكثير من مجرد كتابات من هنا ومن هناك ..إنه عالم غريب يضم أناساً قد لايرون بعضهم البعض لكنهم كلهم يعيشون كالأسرة الواحدةيحسون ببعضهم البعض ويتعاطفون كالجسد الواحديشد بعضه بعضاً..فمن خلال بيتي هذا اقدم كل ما أملكه من حمد وشكر للمولى العلي القدير الذي من علينا بشفاء زهرة المدونات ريماس وادعوه الا يحرمنا ابداً من تجمعنا هذا والا يرينا أي مكروه لأي فرد من أسرتنا اكبيرة إنه تعالى قريبٌ مجيب الدعاء ..
إرسال تعليق