Powered By Blogger

الثلاثاء، 10 أبريل 2012

ضوء على ضوء ..

ضوء على ضوء

وقفة مع كتاب :

"ضوء أسود "

د.مصطفى سيف الدين

لم ابتعد عنكم ..بل ذبت فيكم تأخذني الحياة منكم
واعود لأرتشف من ثقافتكم وكلماتكم..

وها أنا ذا معكم ومع ابنٌ من أبنائي..

لنتصفح معاً أول إنتاجٌ قصصي له
"ضوء أسود "للقاص الدكتور

مصطفى سيف الدين ..

فكونوا معنا ..فاصل ونواصل
--------------------------
"قررت يوماًأن أكتب مذكراتي ..ففتحت قوساً..
ثم لم أجد في حياتي شيئاً ذا قيمة أكتبه ..فأغلقت القوس ..
فكانت حياتي فراغاً فيما بين قوسين .."
-------------------------------------

1-ضوء أسود ..
يتساءل الكاتب عن سر خوف صاحب قصته من الظلام

فهل هو حقاً ظلمة أم أن هناك ضوءً أسود تشعه روحه فيملأ المكان ؟
ربما هو بلا روح ..
-----------------------------
2-ما وراء البحر..

هي قصة من وحي الخيال ..عن قصرٍ قُتل صاحبه منذ

أكثر من مائة عام ولكن قصة قتله حيت من جديد ..وكأن البطل

إخترق حاجز الزمن...فكان اقتصاصه من القاتل بأن يعيد الحق

للمقتول ..حتى ولو بعد قرن من الزمن ..
هي إذن قصة صلاح الفارس الذي أخذته قدماه إلى ذلك القصر
المهجورليُبعث أمامه من جديد مشهد قتل جد أبيه "عبد العزيز "
على يد "جودت بك "وليستولى "جودت بك " على ذلك القصر..
بعد أن أخفى أوراق الرهنية وهي الشيء الوحيد الدال على ملكية
الجد "عبد العزيز"للقصر ..فهل ياترى سيستطيع صلاح الفارس
أن يثبت للجميع أنه يتمسك بعقله وأن ما رآه هو بالفعل ماحدث
منذ عشرات السنين ..هذا ما يكشف عنه دكتور "مصطفى "
في حبكة درامية خيالية تأخذنا معها في جو من الإثارة ..
--------------------------------------------

3-تسام

رؤية رومانسية لقلب ٍرق حتى اصبح طيفاً..وحبيبٌ رق حتى إختفى داخل القلب ..

------------------------------------------------------------

4-حمائم داجنة..

تُرى هل يحزن الصياد على حمامة يصيدها ؟؟؟

تُرى هل يمكن أن تستكين الحمامات وتهنأ وهي حبيسة منكسرة

الأجنحة ؟؟؟

تُرى هل يمكن أن تقوم معاهدة حب بين عاشقةوحمامة مكسورة الجناح ؟؟

هذا ما أجاب عنه الكاتب  بحرفة عالية في قصته هذه ..

-----------------------------------------------------------------

أحبائي ..لنا لقاء قريب مع جزءٍ آخر مما أبدع دكتور مصطفى سيف فلتسمحوا لي الآن أن اترك لكم مساحة من الوقت لتستعيدوا قراءة تلك الإبداعات على صفحات مدونة دكتور مصطفى سيف ..تحياتي وشكري للجميع على تواصلهم وتعليقاتهم خلال الفترة السابقة وآسفة إن لم أعلق عندكم في الفترة السابقة ولكني اؤكد لكم أني تابعت تدويناتكم جميعاً بحب واهتمام كما عهدتموني دائماً وسوف أحاول في الفترة القادمة أن اتواصل بقدرٍ ما معكم جميعاً فلتنتظروني ..زينب

هناك 36 تعليقًا:

حنين محمد يقول...

صباح الغاردينيا ماما
صباحي أنتي ونسمات حنانك التي ملئت بها صفحتك وقلبي حين عودة أنتظرتها منذ عودتي القصيرة لبلوجر فكيف لأمي ألا تكون هنا ..أماه إجازتك طالت وأبنائك في شوق لكِ أتمنى ألا تبتعدي أكثر فلكِ هنا عائلة وأحبه وأبناء ورب السموات أشتقتكِ جداً ..
أما عن إلقاء الضوء على كتاب الرائع والمبدع أستاذ مصطفى سيف فـ شهادتي مجروحة في كاتب رائع وأخ غالي طالما غمرني برقة كلماته ورقي مشاعره وتواضعه الذي طالما أخجلني به حين أناديه أستاذ ويطلب مني أن أكتفي بمناداته " مصطفى " فهل أجمل من تواضعه ورقي روحه التي رفعته لدي درجات ودرجات أضافه لإبداعه الذي لايشبه أحد في أسلوبه القصصي المختلف مدونة أستاذ مصطفى هي أبلغ من كلماتي فهناك نجد كاتب متمكن في حياكة القصص بأسلوب أبداعي يجعلنا نفخر جداً بأننا نجاوره الحرف "
؛؛
؛
لروحك عبق الغاردينيا
كانت هنا
reemaas

faroukfahmy يقول...

زيزى
عشان العيش والملح اللى بيتتا والعلاقة الحميمة التى تربطك بآل الفاروق فانا لم اتردد فى سرعة كتابة تعليق كله لوم اليك عزيزتى
كنت اعذر اغضائك عن التعليق لما نكتب لهجرك بعض الوقت عن مدوناتنا اما وقد رجعت فاننى اغار من سيف حيث احتل شغل فكرك بعد رجوعك ووضعنا فى قائمة المنسيين
كل ما ارجوه يا زيزى ان تضعنى وآل الفاروق فى قائمة المنتظرين
وحمدالله على سلامنك التى صادفت محلها مع عزيز لدينا سيف المدونين

حَنيّـن نِضال يقول...

صباح الخير صاحبة اطيب قلب على الارض


:

اخانا د.مصطفى مبدع و لا احد يناقش في هذا بس الاقتباسات التي جئتنا فيها من بين سطور ضوء اسود تحفة ما شاء الله عليه و يخزي العين ^_^


:

تسلم الايادي و القلب الطيب و الحضن الدافي .. كوني لنا دوما بخير :)

ربنا يديكي القوة و الصحة و البركة و طولة العمر ( اهوو دعوة و بالمصري كمان )) .. اللهم امييييييييين يارب

ابراهيم رزق يقول...

zizi hgu.d.m hg`d`m

لعل اسعد شخص هو الان مصطفى سيف
لانه تسبب فى عودتك
و لانه اسعدنا جميعا
اتمنى الا تنقطعى عنا مرة اخرى
لكى ترفرفى علينا

تحياتى لكى

فاتيما يقول...

صباح الخير

حضرتك بخير يا ماما ؟؟

شمس النهار يقول...

زيزي حبيبتي اين انتي
لما تغيبي بحس ان في شئ ناقص
بماانك رفيقة الدرب والسن هنا في هذا البلوجر اللي كله شباب

مش هتيجي تنقي وزارة من عندي
مستنياكي

:)))
وابننا مصطفي نعم الاديب المثقف المؤدب
ربنا يبارك فيه

غير معرف يقول...

مساء الورد ست الكل

لغيابك وقع أليم في نفوس أحبابك هنا وأتمنى من قلبي أن تخلعي رداء اللاحضور لندفئ بتواجدك بيننا من جديد ...

بدون شك مصطفى مبدع وهذا واضح من تدويناته لذلك لا شك عندي بأن كتابه سيكون تحفة أدبية نستمتع بها مع كل حرف نثره فيها وبإذن الله لن أفوت أي كتاب أو قصة لأدباء بلوجر الجدد جميعهم فهم يستحقون منا وقفة ...

تحياتي وإحترامي

Tarkieb يقول...

حمد الله ع السلامة وبرضه لسه مستني مذكراتك في الفيوم يا ابلة الناظرة

رؤى عليوة يقول...

عودا أحمد يا امى
اشتقنا لحروفك

يارب دايما تكونى بخير

د مصطفى وكتابة بجد جميل وموهبة لا تخفى
غوص فى بحور النفس

وتعليق حضرتك جميل
عقبال يارب ما اشوف هنا تعليق على كتابى القادم ان شاء الله


دمت بخير

zizi يقول...

إيه يعني بقى هي كوسة والا إيه طب والله مانا ردة ولا على واحد فيكم إلا لما اكتب انا كمان تعليقي على الست دي ..هي يمكن ست كبيرة شوية بس برضه عندها قدرة تميز وانا بصراحة ربنا كل ما باحط الست دي في موقف "تخلي "يعني "فرران "منكم بالاقيها مش قادرة تبعد طيب اعمل معاها إيه اللزقة الأمريكاني دي واهو بقى ذنبكم على جنبكم وعلى رأي المثل "من الحب ماقتل "..تحياتي وشكري لكم ودلوقتي اديها فرصة ترد عليكم من حقها ..مامتكم اللي بتحبكم كلكم وما تقدرش تعيش من غيركم زيزي

zizi يقول...

ريماس ..صباح الفل يا ست الكل ومش قادرة اقولك انتي واحشاني أد إيه ..اقولك اااااااااااااااااااااااااااد كدهو ..تحياتي وشكري وربنا يطمني عليكي

zizi يقول...

فاروقنا العظيم ..هو انا اقدر اتغاضى عن الفاروق وآله واللي يتشددله وبعدين انا كل يوم في مدونتك حتى بالأمارة كاتب عن الشمس ثم عن البحر الأحمر ..عشان تعرف بس إني تلميذة شطورة ..هو بس شوية تنظيم كده وكل كام مدون حاخدهم شروة في يوم عشان اصل الفاكهة كتير وصعب قوي عليا اختار فسيبوني شوية التقط الأنفاس ..

zizi يقول...

حنين نضال ..بذمتك الكلام الحلو ده كله ليا انا ..ياه دا كتير عليا بجد ..انا فعلاً باشكرك واتمنى اكون عند حسن ظنكم يارب ..أما ابني مصطفى فهو لايكفيه الكلام وانما هي محاولة عشان اقوله والله يامصطفى قريته ييجي تلات مرات وكل مرة اطلع بإبداع شكل ..بجد بجد حاييجي يوم قريب واقول ولو اني باقولها من دلوقتي :النابغة ده إبني .زتحياتي يا نضال

zizi يقول...

ابراهيم رزق ..تصدق خليتني اعمل زي جوجل لما يتلائم علينا ونكتبله انجليزي يترجمه عربي وعرفت كل اللي كاتبه بس مش حاقول عليه عشان ماحدش غيرنا يعرف أأأأ.زتحياتي وشكري وربنا مايحرمنيش منكم ابدأً..

zizi يقول...

ايوه يا فاتيما انا بخير وزي الحصان اهو ماهو انتي المهرة يبقى انا الحصان باقول حصان ماتسمعوش غلط ..كتبتلك في ردي على التعليق اللي في البوست اللي فات "اعتذار" كتبتلك كام بيت شعر يارب تكوني قريتيهم ..واشكرك على كل حاجة حلوة ..ماما زيزي

zizi يقول...

شمس الشموسة ..يازينة الشباب ..أنا باحبك في الله وصدقيني انا حافضالك ولكي معايا قعدة ميقعدهاش إلا الوظاويظ اللي زينا..وصدقيني احنا كلنا بقينا نمثل لبعض زي ما وصفنا الرسول صلى الله عليه وسلم كالجسد الواحد إذا اشتكى منه عضو تداعى له سائر الأعضاء بالسهر والحمى ...الله باحب الحديث ده قوي ..تحياتي وشكري وكذا لمصطفى الذي جمعنا على مأدبته العامرة ..

zizi يقول...

ريبال الغالي العالي .ماذا اقول لك بعد كل ماحظيت به عندك من حب ..أقول انا بينكم وتحت امركم ولن اتخلى عن هذه القلعة من الحب ما حييت ..تحياتي وشكري وما مصطفى سوى لبنة جميلة تصطف بجانبكم جميعاً لتصنعوا لجيلنا بيتٌ من الحب والدفءوالمودة والكلمات الحانية التي نحيا عليها وبها وماهو الأدب إذن إن لم يخاطب الإنسان الذي نحويه داخلنا ..حماكم جميعا يا بُني ودائماً اتنسم عبير اقلامكم جميعاًفهي لي الزاد والمأوى والكساء والماء والدفء والسكينة وعوني على نوائب الدهر ..تحياتي وشكري لك

zizi يقول...

باقولك ايه انت اللي جبتني ورا ..وبعدين انا لسه حاروح اتفرج واعلق بمزاج بقى على شوية الحكايات اللي كاتبها عندك دا انت يا عم طلعت الشيخ من وقاره عشان عود كبريت ..روح بقى لما نشوف مذكراتك انت الأول في المانيا ..مش برضه المانيا والا انا غلطانة ؟؟

zizi يقول...

رؤى عليوة..اشكرك على اسلوبك الرقيق وان شاء الله عن قريب اعلق لك الزينة الأول وبعدين اعلق لك على الكتاب ان شاء الله ..تحياتي وشكري

سواح في ملك اللــــــــــــــــــه- يقول...

سلام عليكم

حمدا لله علي سلامتك

بس ده اخر انذار بالغياب وبعد كده رفد

تحيتي ياست الكل

;كارولين فاروق يقول...

حمدا لله علي سلامتك
ويارب ما تغيبي تاني
تحياتي

مصطفى سيف الدين يقول...

يا لهوي يا ماما
و هوننا عليكِ تغيبي ده كله؟
طمنينا عليكِ اخبارك ايه؟

اما عن البوست كعادتك ليكِ نظرة فاحصة و رؤية ثاقبة و قراءة نافذة
عجبني اوي تعبيرك ده ( رؤية رومانسية لقلب ٍرق حتى اصبح طيفاً..وحبيبٌ رق حتى إختفى داخل القلب .)
اسعدني جدا حسسني اني قدرت اعبر عن الفكرة لدرجة ان توصل فكرة زي دي لحضرتك
شكرا ليكي يا ماما اسعدتيني بالبوست الهايل ده
و متغيبيش تاني علشان بتوحشينا
و بعدين يعني حد يسيب ولاده المدة دي كلها؟ مش خايفة حد فينا يمسك الكبريت ويعوز يولع البوتاجاز؟
ماحدش يسيب ولاده في البيت ده كله لوحدهم
محتاجين قلب ام تراعينا
ربنا يخليكي لينا

Noha Saleh يقول...

مصطفى من الناس اللى بيكتبوا حلو جدا
حمدالله على سلامة حضرتك
وماتطوليش الغيبة

zizi يقول...

سواح ..ايه دا هو انت قاسي كده ليه دي قوانين العمل بتقول الواحد له فرصة يدافع عن نفسه ضد الرئيس الظالم ويقعد يعتذرله لحد ما يسامحه ..وانا عارفة قلبك ابيض ومش حاتقدر على الرفد..وتوبة والنبي توبة

zizi يقول...

كوكي الغالية ..وحشتيني بس معلش انا لسه فيه حاجات بتشغلني ومش قادرة ادخل عند كل الناس الحلوة بس حاقسم وقتي ان شاء الله وقولي لبابا مايزعلش انا حاعمل يوم مخصوص وحياة ابوكي ..

zizi يقول...

ابني الغالي مصطفى ...هو انا سبتكم الا بعد ما وصتكم ماحدش يمسك الكبريت طول ما انا مش موجودة وبعدين اللي زيكم ما يتخافش عليه ومع ذلك ان شاء الله ما اغيبش عنكم تاني ..واتبسطت ان عجبك تحليلي ودلوقتي حاقعد اديها شوية ..ولو ان كتابك نفسه الواحد يحتار في اختيار مايليق به ..تحياتي

zizi يقول...

نهى صلاح ..حاتوليلي على مصطفى هذا القلم اللي يتلف في حرير ..ربنا يحميه هو واللي زيه ..وتحياتي ليكي وان شاء الله مافيش غياب تاني ..

ظلالي البيضاء يقول...

ماما زينب هانم ..
أنا عارف إني مقصصر معاكي .. بس وربنا تعذريني علشان أنا مش باقدر على زعلك ..
اشتقت لك ولكلماتك الرقيقة ..
كوني بألف خير ..

أمير الروح / فارس الأحزان يقول...

صاحبة السمو ..
الأميرة زيزي ..
وبعد عودتي من ترحالي الدائم عن الكنز المفقود ..
آثرت أن أركن إلى إحدى قصورك الملكية الراقية لأستضيف نفسي ولأحظى بما لذ وطاب من جميل المعلومات ..
وبعد تنقلي ما بين قصورك الملكية القلب الأخضراني وإتمشى بين ضلوعي ..
إذ بروحك الطاهرة ترفرف من جديد لتبث روح الأمل وجمال الذات ما بين أركانه ولتركب شعاع النور الساطع من غياهب القدر وتمسك بكل رقة وحنان ذاك الكتاب القيم لتنشر سمو الفكر ومعالي الأدب ما بيننا ..

مولاتي أميرة الإحساس ..
غياب خير بإذن ربي وعودة حميدة لنا جميعا ..
شاركينا ولا تتركينا فإن نسيتينا والله ما نسينا ..
همسة : حروفي عطشى لغيثك المدرار فأينك يا مولاتي منها ..
تقبليني في الجوار دائماً ولروحك الطاهرة أرق وأعذب تحايا الأمير ..

zizi يقول...

ظلالي البيضاء .زبجد بجد آسفة جداً لتأخري في الرد عليك لكن هي حالة كده وحاطلع منها معافاة ان شاء الله ..وحاجيلك عشان مدونتك وحشتني قوي ..

zizi يقول...

فادي بورنو ..ان شاء الله لي زيارة لمدونتك وحاكتب عنها لكل حبايبك ان شاء الله ..

zizi يقول...

فارس العزيز ..ارجو ان تكون بخير وقد آثرت ان انشر تعليقك لأنك غمرتني بكريم مشاعرك فجدت من الواجب عليّ الا امنع الأحباء من رؤية تلك المشاعر الراقية التي احس انها كثيرة علي جداً فلك جزيل الشكر ..وقد حاولت الدخول لك ولم اتمكن عسى ان يكون المانع خير ..عموماً سأحاول ثانية ويا رب تعدي على مدونتي تشوف ردي وتقولي ادخل عندك ازاي ؟؟تحياتي وشكري..

كريمة سندي يقول...

ماما زيزي المهم إنك بخير دائما يارب وحشتينا وربنا يكرمك يارب

شمس النهار يقول...

وصدقيني انا كمان حبيتك في الله من غير مااشوفك
ان شاء الله ربنا يجمعنا مع بعض في الخير

zizi يقول...

كريمةسندي الغالية ..يارب يخليكطوا لي وانتي كمان وحشتيني قوي ..تحياتي

zizi يقول...

يا شمس القلب يعشق قبل العين ..والشمس لما تظهر الدنيا كلها بتنور .زشفتي بقى المدونة كلها منورة ازاي ؟؟تحياتي