أنا...وانت
أنا وانت..بسمة الدنيا لنا ..بعد العبوس
أنا وانت نسمة في وسط الهجير ..فاتت تبوس
00000000
أنا وانت..كلمة اتقالت ..من غير كلام
أنا وانت ..لحن وغُنا
تغني إنت اقول بأحبك
وأغني أنا تقول أنغام
00000000
أنا وانت..كنا في الغيب حكاية
كتب القدر بدايتها ...
وكتبنا احنا النهاية
00000000
أنا وانت ...ضحكة اترسمت وسط الدموع
نبضة واتحست بين الضلوع
00000000
أنا وانت ...خطاوي ماشية عالطريق
شايفينه ضي يطفي في قلوبنا الحريق ...
0000000000
انا وانت ..مع كل ضحكة شايفين صورتنا بتترسم
ومع كل دقة قلب حلوة بتبتسم
وحانعوز إيه من الكون دا كله مهما حصل
مادام عيوننا قبل مانمد الإيدين ..قالت قسم
من قلب محب دائماً :زيزي
جئت اليوم من اجلكم ..وغداً اعود من اجلكم ان كان في العمر بقية ...إن شاء الله ..زيزي
هناك 15 تعليقًا:
أنا وانت..كنا في الغيب حكاية
كتب القدر بدايتها ...
وكتبنا احنا النهاية
؛؛
؛
صباح الغاردينيا ماما
ويسلم قلمك واحساسك الجميل
انا بقيت اشك مين فينا الي لو تعصرت
حيخرج منها قنطار رومانسية :)
بجد جميلة ورقيقة وأجمل كلمات في الحب لما نقول انا وانت مع اني دايما بحب اقول انت انا وانا انت
مابحبش تبقى فيه واو عزول واقف في النص هههههههههههه
؛؛
؛
لروحك عبق الغاردينيا
كانت هنا
reemaas
كلمات رومانسية رقيقة حالمة
تحياتي على تلك المعزوفة الرائعة
ريماس الجميلة ..
حبيبتي انت كنتي واقفة عالباب والا إيه ..روح قلبي من جوة ..الحمد لله انها عجبتك ..واضحكك على حاجة بمناسبة انت انا وانا انت ..
زمان لما كنا صغيرين كان فيه لعبة بنلعبها تعتمد على السرعة في الآداء والسرعة في توجيه السؤال للشخص اللي قصادك ..اللي هو غالباً عيل ..تقوله إيه ؟؟انا انت وانت انا مين الحمار فينا ؟؟فطبعاً هو وبمنتهى التلقائية حا يقول للي قدامه -صاحب المقلب- انت يقوم صاحب المقلب يقوله تبقى انت مش انا انت وانت انا؟؟؟اما إذا كان العيل اللي بيلعب ناصح او عارف اللعبة قبل كده يقوم يرد بسرعة على صاحب المقلب ويقوله :انا تبقى انت ...
شفتي بقى حكاية انا انت وانت انا مين الرومانسي فينا ؟؟؟انا ...
واديني اهو قلت لك على سر من اسرار الطفولة البريئة الرقيقة ...تحياتي والى اللقاء ..
مصطفى الغالي ..
الله يجبر بخاطرك ..دايماً جابر بخاطري
وانت استاذ الأساتذة ..واحنا قطرة في محيطك ياباشا ..اشكرك على اولوية مرورك دائماًوتحياتي
امى العزيزة
ايه الجمال
ده احنا رومانسين قوى اهو
ارشح الكلمات دى للموهوبة لولا لكى تلقيها
يا ريت تقرى تعليقى
تحياتى و تقديرى و حبى
ابراهيم الغالي ..من بعض ماعندكم ياهيما ..سعيدة بمرورك وان شاء الله دايماً منورني
دايما نستمتع بكلماتك الرقيقه والرائعه
انت وأنا .. أنا وانت قصة لا تنتهي أبداً
سلمت الأنامل غاليتي
ياسيدى ياسيدى على الرومانسيه والإحساس العالى
الكلمات جميله ... والصور حلوه أوى
(: (:
rack_your minds
تحياتي وشكري لك على مرورك الكريم ..
ومبسوطة قوي انها عجبتك ..
كريمة سندي ..
مرورك يسعدني ورأيك يهمني ..اشكرك..
وجميعاً في انتظار ق.ق.ج...تحياتي
دودو الجميلة ..
عين الرضا ..وعين الحب ...
لاترى إلا كل جميل..وانتِ رأيتي كل حاجة حلوة..عيونك الحلوة
سيدتى الغاليه
زيزى
إستوقفت كثيراً أمام سخاء احساسك
وعذوبة أنفاسك
وجمال معانيك
و نقاء تلك السطور
،،
نص جميل بل وفارِه استمتعت جداً بقراءته
فقولى ما شئتى ياسيدتى وغردى
ونحن لكِ منصتون بكل آذان صاغيه
لكِ باقات محبة وود
يعنى لابتردى على تعليقى ولا تزورى مدونتى
يعنى لازم اعمل مليونيه فى ميدان التحرير ولا ايه
المهم طمنينى عنك
تحياتى
حلوووو
إرسال تعليق