Powered By Blogger

الاثنين، 21 مايو 2012


بالحب....!
بالحب انا سلمت قلبي إليك
بالحب وحده مش بغيرتي عليك
فين الحنان فين
فين الأمان فين
لو غيرت فكري الظنون حواليك...؟؟

آه يا ست والف آه على كل من يظن أن الحب بالعافية

يا ناس ياللي لسه مش عارفين تحبوا

الست بتقولكواالحب كده
وتسليم القلب كده
وعمر ما كان تسليم القلب على يد محضر
وعمر ماكان تسليم القلب بصك ملكية
لا..لا..لا
إذا ماكانش الحب لوحده يكفي
يبقى لاحاتنفع معاه غيرة
ولا حاينفع معاه شك ..
قولولي بس إزاي يستقيم الحب بمعناه الراقي

مع الغيرة والشك بمعانيهما الركيكة ..
صدقوني أنا ماعرفش ليه باكتب الكلام ده
بس حسيت بمعاني الكلمات بترن في أذني فقلت
أشرككم معايا في الحوار ..إيه رأيكم ؟؟

هناك 28 تعليقًا:

m.hallawa يقول...

مساء الخير

حمدلله علي السلامة

تحياتي

candy يقول...

هما فين والحب فين ؟؟
ظالمينه ليه دايما معاهم
هما لو حبوا يومين
كان هواهم خلاهم ملايكة

:))

اللى بيغيروا واللى بيتغار عليهم

اللى بيحب بجد مش هايخلى اللى بيحبه يغير عليه لأنه هايبقى مش شايف غيره

واللى بيحب حد بيحبه بجد فى المقابل مش هايلاقى حاجة يغير منه عليها غير "نسمة الجنوب" على رأى الست
وبابا دايما كان يقولى عارفة ليه بتقول نسمة الجنوب ؟؟ علشان الجنوب مابيجيش منه نسيم اصلاً دا فى الاتجاه العكسى :))

دمتى بالحب ماما زيزى :) <3

ahmed said يقول...

" مــامـا زيــزي "
سلامٌ يطيبُ لكـِ ، كمـا تتمنيهـ ،
وأسعد الله أوقاتكِ بكل خير .
:
الحُب هذا الكائن المحسوس دفئاً ،
والملموس طُهراً ..
لا نزاع في قدسيته ،
فهو كالسمـاء متى برقت ..
هاضت واستفاضت على الأرض
مدراراً و سدرا !
شعـور دفين بين قلبين ..
تمازجـا بأوصاله كقوس قزح ،
لا سلطـان عليه ولا مُلك ولا جـاهـ ,
يأتينا فنقدم له فروض الولاء والطاعة
على طبق من زمـرد ..
ويرفعنا إلي سابعها سمـاء ،
تحوم أرواحنا في أفلاكه ومداره !
فهو شعور واحد ، واحساس واحد
ومشاعر واحدة لا تتغير ولا تتبدل ,
ومهمــا دار الزمـان واختلف المكان
يظل متشبسا بحنايا القلوب و الأكبـاد ,
فلا واصي لهيمنته ،ولا مغتصب لسيطرته
ولا بأس لشدته ، ولا ضعف لهوانه ! "
:
" مـاما زينـب "
هذا المخلوق يقبع في مضغة كل منا
ومن المعروف ان صلاح هذه المضغة من صلاح
سائر الأعمال ، وفسادها من فساد سائرها ، فإن ينع اخضوررت حنايا القلوب النابضة بأريج زهوره وعطوره ،
وان عطبت كانت كرمال الفيافي الباحثة
عن قطرة مـاء تطفئ لهيبها !! "
:
مختصر الكلام ..
كل شئ يباع ويشترى إلا الحب
فإنه مخلوق عجيب غريب ..
لا يعرف البيع ولا الشراء ،
لا يعرف العنوة ولا الغصب ,
فسبحان مؤلف القلوب ومقلبها "
:
تحيتي وتقديري
وصباحكِ زهر أبيض .

..
..
..

أحمــ سعيـد ــد

غير معرف يقول...

أنا شخصيا بحب

النبيييييييييييييييييييييييييي

سواح في ملك اللــــــــــــــــــه- يقول...

انا في رايي المقدمة اجمل كتييير

ازيك ياست الكل

الهجر اهون من عذابي في قربك

ولا اشوفش يوم اندم عليه وانا جنبك

وكفاية اعيش عالذكريات في بعادك

انا عشت اكتر من حياتي في حبك

تحيتي ليكي

Tarkieb يقول...

كلام جميل وحلو ع الصبح...وانت اجمل واحلى يا ابو الزيز.

كريمة سندي يقول...

والله الحب لا يحتاج لمقدمات ولا لدفاتر ومحاضر أو شك أو غيرة وخلافه بل يحتاج لأحاسيس صادقة ومجردة من الشوائب .. الحب يحتاج لدفء في العلاقة بين الناس .. أياً كانت نوعية الحب سواء حب الأبناء أو الأصدقاء أو المتزوجين وهو مسألة نسبية لكنها هامة ..وحشتيني ماما زيزي المهم إنك بخير وإن شاء الله دائما بخير يارب تحية ود وتقدير

ابراهيم رزق يقول...

zizi العزيزة الذيذة

بالحب وحده ... انت غالى عليا
بالحب وحده ... انت ضى عنيا
بالحب وحده ... وهو وحده شوية
لا يا حبيبى

ايه حالة الشجن الجميلة دى
اللى دخلتينا فيها
حمد الله على السلامة

تحياتى وتقديرى وحبى

ظلالي البيضاء يقول...

ماما زيزي ..
اشتاقت مقلنا لما نسطره أناملك ..
دمت دائماً بحب وخير وعافية ..

مصطفى سيف الدين يقول...

ازيك يا ماما اخبارك ايه وحشتينا و مفتقدينك جدا
و السؤال الذي يطرح نفسه
هل في رومانسية دلوقت و لا خلصت من السوق و المصنع بتاعها اتقفل زي باقي المصانع؟

zizi يقول...

الله يسلمك يا أخي العزيز .زوانا مقصرة معاك لأن كل بوست من بوستاتك عايزله يوم من كتر المواد الدسمة اللي بتنشرها دمت ودامت ابداعاتك ..

zizi يقول...

كاندي دمتي بكل حب ..وكلماتك رائعة بتوصف اللي احنا محتاجينه فعلاً ..وباقولك إيه هو احنا مش كنا اتفقنا حانقضي يوم عندكم في المنيا هو إيه الحكاية نسيان والا كسل ..ماتشدي حيلك واحنا وراكي

zizi يقول...

احمد سعيد ..لا..لا..لا..يا احمد انا مش اد الكلام ده انا بادخل مدونتك لعلمك كل يوم واقعد في الفراندة عندك عشان هواها مريح جداً للنفس اللي عايزة تحس انها عايشة وبتحب وبتتحب ..وكلامك كله راقي وربنا يسعد أيامك انت واللي يتشددلك قول آمين ..آمين

zizi يقول...

وكلنا بنحب النبي جداً وبنغير على ديننا وعلى النبي وهو دا الشخص الوحيد اللي نفد
يه بأرواحنا صلى الله عليه وسلم

zizi يقول...

واللهيا سواح انا كل ما استرجع كلماتها في ودني الاقي كل الكوبليهات اجمل من بعض وبالحب وحده انتم ضي عينيا بالحب وحده وهو وحده شوية ؟؟؟لا يا حبايبي لا..سلمت وسلمت ابداعاتك ..

zizi يقول...

يابو التراكيب مافيش اجمل من قصصك انت ولا تلميحاتك ولا حكاياتك احنا نروح جنبك فين بس ياعم الله يجبر بخاطرك ..

zizi يقول...

كريمتي العزيزة الغالية ..انا باحب الحب من خلال كلماتك الرقيقة الغنية بالحب الخالص النقي ..الله يا كريمة على كل ماتسطره يداكي من معاني جميلة سلمتِ وسلمت يداكي

zizi يقول...

بذمتك يا إبراهيم فيه اجمل من كده شجن احنا عايزيز بس شوية سوداني محمص وقعدة بلكونة ونجيب في سيرة المرشحين كلهم واحدواحد وندخل بعد كده نصلي العشا ونقولهم وعايزنا نرجع زي زمان قول للزمان ارجع يا زمان ..وما اتحرمش من دفء المشاعر ابداً

zizi يقول...

ظلالي البيضاء ..اخبارك ايه والأحوال ازيها عندكم في سوريا .زواشكرك على تذكرك لي عند ريماس الغالية والحمد لله ربنا يجعلنا كلنا اخوة متحابين في الله وإذا اشتكى عضوٌ مناّ تداعى له سائر الأعضاء بالسهر والحمى ..اشكرك

zizi يقول...

ازيك يا صفصف يا رائع ..وحشتني خالص .زولايهمك طول ما الناس اللي زينا موجودين عمر الرومانسية ما حاتشح من السوق لأن احنا زارعينها وسط القصب عشان ماحدش ياخد باله وبنطلعها عند اللزوم ..تحياتي وشكري

ظلالي البيضاء يقول...

ماما زيزي ..
الله يسعدك .. الحمد لله الأوضاع في بلدنا في تصعيد يوماً بعد يوم .. والقمع فيها على قدم وساق وكذلك الكذب الإعلامي .. نسأل الله الفرج القريب ..
أما عن تذكري لك .. فما عرفت فيك إلا كل خير فكيف لا أذكرك .. وكذلك عرفت الخير في كل من شاركتهم كتاباتهم في بلوغر ..

حنين محمد يقول...

مساء الغاردينيا ماما
مساء الحب والدفئ والحنان
مساء يرتضي طهر قلبك ودفئ كفك
وحنانك وقربك ..
مسائي لهفة وإشتياق لإحتضانك
كم أشتقتكِ ياأمي
وصدقيني منذ ظهور تعليقك بمدونتي
شعرت بـ الآمان لوجود أمي بقربي
صدقيني للحظة كنت سـ أتجاوز التعليقات لإرحب بكِ ولكن قلبي من سبق حروفي لإحتضانك ..
أما الحب ياآماه فـ بقدر ماكتبت عنه وبقدر ماكتبني يبقى إحساس دافئ لم تستطع الحروف والكلمات وصفه يوماً ..
هو لايحتاج للشك أو الغيرة فقط يحتاج لصدق ووفاء وآمان ليبقى "
؛؛
؛
لروحك عبق الغاردينيا
كانت هنا
reemaas

غير معرف يقول...

مساء الورد لأغلى أم وصديقة

الحمد لله على عودتك وبإذن الله تكون

تذكرة حضور دون مغادرة لأن بلوجر

فقد الكثير بغيابك الطوعي والذي

ترك بصمة سوداء نوعاً ما على بقية

المدونات فلا حرمنا الله حضورك يا أطهر

وأنقى قلب عرفناه ...

الحب هذا إحساس غريب لايفهم ولا يدرس

والأغرب أنه لا يقبل الاسئلة الغبية

التي تشوه من نقائه فعلينا تقبله

مثلما هو ولا نفنده ولا نحلله فهكذا

نحن بشر خلقنا وفي فطرتنا الحب

ومتى ما تدخلنا فيه لابد أن يتشوه ...

جعل الله ايامك كلها حب وسعادة وفرح

تحياتي الخالصة

;كارولين فاروق يقول...

ماما زيزي
حبيبه الكل
اشتقني لكِ جدا
غيابك اظلم البلوجر كله
ولك محبه والفه غريبه
تتمتعي بها وتجذبينا لكِ
ثم تختفين
اتمني وجودك دائما
تحياتي وتقديري واحترامي

zizi يقول...

ابني الغالي محمدالذهبي ..قعدنا نقول الربيع العربي الربيع العربي لما قلب على خريف وشتا وامطار وزعابيب وربنا يستر ويسلم تحياتي لك ولكل اخواتنا العظام في سورية الحبيبة..

zizi يقول...

مليكة الرومانسية واميرتها ..وكيف لقلمي ان يكتب رومانسيته الا من خلال حبي لكم ومازلت اتزين ليوم لقائي بكم في مطار القاهرة ثم اصطحابكم في زفة سيارات حتى مكان العرس أو بيتي "حسب الظروف "التي ستكونون عليها والجميع معكم وبكم يسعدون ويالدفء كلماتك الرقيقة التي انتظرها من تدوينة للأخرى ..تحياتي

zizi يقول...

ريبال الغالي ..بالحب تركتكم وبالحب اعود اليكم فلنفرح معاً ولنغني بالحب وللحب..والبلوجر حلو بيكم كلكم ياأعز الناس واغلى الناس ..تحياتي

zizi يقول...

كارولين حبيبة القلب والعين ..وحشتوني كلكم وإن شاء الله مانبعدش تاني أبداً..تحياتي لكي ولبابا ولهبة وللجميع