الاثنين، 11 فبراير، 2013

اوعوا تكونوا غيرتوا القناة...انا قلتلكم فاصل ونواصل

اوعوا تكونوا غيرتوا القناة..

انا سبق وقلتلكم فاصل ..ونواصل 

حبايبي الحلوين ..انتهينا من احداث يوم الأربعاء ودلوقتي حاكلمكم عن يوم السبت كان حفلة دأحمد خالد توفيق ..ويومها التقيت ببنتي العزيزة أمل زيادة صاحبة "في الخاطر "وكأنها تتحدث عن نفسها لأنها دايما في البال وفي الخاطر..ولفينا شوية وقابلنا رامي يوسف واتبادلنا الكتب مع بعض وهو كتابه اسمه "غواص على الطريق"وبعدين امل قالتلي على الزميل محمد فتحي وهو انسان محترم قوي وجبتله كتاب "مرسي ودموعي وابتسامتي "..وبعدين رحت وقعت كتاب هاستا مانانا من مؤلفه ميشيل حنا وهو كتاب غاية في الروعة وبعدين هو اهداني كتابه الأول "برسيم دوت كوم "وفي نهاية اليوم كان د احمد مشي واهدتله نسخة من الكتاب ولم استطع ان آخد نسخة من كتابه من كتر الزحمة بس خدتها بعدين ..أما يوم الأحد فكان يوم توقيع كتاب صندوق ورق وقدرت التقي مع ابني العزيز محمد الجيزاوي ولقيته واخد بالفعل نسخة من كتابي ومستني لما آجي عشان اوقعها له وكذلك اسعدني الحظ اني اشوف احدث عريس في المدونين اسامة الأزهري بس كان باين عليه الإرهاق قوي وان شاء الله نشوفه تاني وتالت في ظروف حلوة واتصورنا كلنا ابراهيم ومحمدواسامة وانالأن طبعاً كان موجود ابراهيم رزق وكمان شيرين سامي..ومين بقى جت وسعدت بيها قوي ؟؟رحاب صالح وأيضاًاخوها أحمد ..وكان برضه يوم جميل ..ولي مع المعرض ايام اخرى جميلة ..اوعوا تمسكوا الريموت ...شايفاكوا



هناك 21 تعليقًا:

ريـــمـــاس يقول...

صباح الغاردينيا ماما زيزي
صباح دفئ وحنان بدأته هذا اليوم من مدونتك الجميلة لأعود محملة بحقائب الحنين لكِ ولحروفك لقاء رائع وأيام جميلة سطرها نبضك قبل قلمك "
؛؛
؛
لروحك عبق الغاردينيا
كانت هنا
reemaas

zizi يقول...

ريماس عندنا كل شيء اذن حضر ..جمعتنا فأحسنت ساعة تفضل العمر ..ايه يا بنتي انتي الفيس واخدك من بلوجر والا ايه وعواطفك بردت من ناحيتي خالص ...لالالاانتي شفتي بديل لماما زيزي والا إيه ..لأ ارجعي احسن احسن مش حايحصل كويس ..تحياتي وشكري وكان نفسي تكوني معانا ..تحياتي لكي ولفارس ..وفي انتظار اخبار حلوة ياللا شدوا حيلكم والا حاتقضوها كتابة بس ؟؟تحياتي

ظلالي البيضاء يقول...

ههههه ..
الله يديم عليك الروح المرحة يا ست الكل ..
تحيتي لك .

محمد الجرايحى يقول...

بسم الله ماشاء الله
نشاط حافل ورائع
بارك الله فيك وأعزك

الازهرى يقول...

ياااااااه
أنا اسمى فى المحضر ؟؟؟


ربا يخليكى لنا يا رب

واعى لى كده
الامتحانات واكله دماغى جدااااااااا

مصطفى سيف الدين يقول...

ربنا يجعل كل اوقاتك سعيدة يا رب
سعيد اني قابلت حضرتك في المعرض
ربنا يوفقك دايما

ليلى الصباحى.. lolocat يقول...

فيه ناس نحس معاهم بالدفء والود و( اللمة ) الطيبة
حضرتك واستاذ فاروق فهمى لكم حضن الاسرة الجميل دايما تحبوا تجمعونا على الخير وتحضنوا اصحابكم مش عارفة كده احس انكم مثل مصر وحضنها اللى ممكن الواحد يغمض عينه وينام فيه :)

بارك الله فيك اختى الحبيبة و اصلح حياتك كلها و رزقك التقوى والفلاح وسدد خطاك ياااااارب

تحياتى بحجم السماء

zizi يقول...

تعليقي ده خاص برؤى عليوة والأستاذ محمد الجرايحي والأستاذ محمد الذهبي..انتم تعليقاتكم وصلت بس للأسف لم تنشر واتنقلتن عندي في خانة التعليقات اللي اتنشرت فأنا قريتها واستمتعت بيها بس لو حبيتوا تبعتوا تاني يبقى كتر خيركم عشان تظهر للنور ولباقي اصحابنا وانا متأسفة بس الشكوى الأيام دي عامة من مشاكل زي كده ..ودلوقتي حارد على باقي الأخوة والأخوات ..تحياتي

zizi يقول...

وقبل ما أنسى وسام كمان ليها تعليقين مانزلوش ..

ظلالي البيضاء يقول...

ماما زيزي ..
أنا شايف إن تعليقي وتعليق أخي محمد ظاهر ..
بكل الأحوال نعلق مرة ثانية والخير لا يعدم الجزاء ..
كل تحيتي ومودتي لك طبت وطابت أيامك كلها نقاء وسعادة ..

فركشاوي ..ناوي يقول...

السلام عليكم ورحمه الله و بركاته .
وباين كمان انا تعليقاتي مانزلتش مش مهم المهم اني انا هنا ...و كمان من هنا بقول لحبايبي لو ممكن يبعتولي كتبهم اقرأها و اعرضها كمان عندي في معرض بلدي الدولي ...
تحياتي لكم ...ويا ريت زياره لله .

رشيد أمديون. أبو حسام الدين يقول...

تحية طيبة
تقرير ممتع هذا الذي أنا بصدد قراءته، ولأني كنت من متابعي هذا الحدث الجميل الذي يبهج القلب، فقد سرت ما قرأت هنا كذلك أستاذة زيزي.
كما أود شكرك على تشريفك لي بزيارتك بمدونة همسات....، سرتني مبادرتك المفيدة لي، ولا أدري كيف غفلت عن مدونتك رغم أني أقرأ لأغلب المدونين. سأزور المدونة الاخرى إن شاء الله، واستمتع بما دونتِ فيها.
مع تقديري واحترامي.

عصفور مهاجر يقول...

و انا كمان ...جت هنا طران
المعرض بالفعل كان كالبستان
كتب و مؤلفين و دور نشر ..
وزهره منوره ...
ماما زيزي السكره .

zizi يقول...

محمد الذهبي ..ابني الفاضل مانا ما اقصدش التعليقات دي عموماً تعليقاتكم التانية يمكن ربنا عايز كده لإني بالفعل علمت عليهم بالنشر غلط لأنهم فيهم بعش المعلومات اللي مش باحب تكون متاحة للكل عشان يمكن انتم ماتحبوش كده..وكله خير ..تحياتي وشكري ..

zizi يقول...

استاذي الفاضل..محمد الجرايحي..اشكرك على كلماتك الرقيقةوكذا تعليقك الذي لم ينشرلإنه انا كنمت اعتقد انك من الأسكندرية ولذا حاغير الخطة واروح بورسعيد ..تحياتي وشكري

zizi يقول...

ازهري ..ماتتصورش انا فرحت بيك اد ايه وان شاء الله تخلص امتحانات على خير ويكون لينا لقاء معاك ومع خطيبتك ان شاء الله تحياتي وتبريكاتي ..

zizi يقول...

مصطفى ..انا اللي سعيدة اني شفتك وكنت حاكون اسعد لو قدرت آجي حفلتكم انت وشيرين بس ان شاء الله نتقابل في حاجات تانية حلوة برضه ..تحياتي

zizi يقول...

لولا الجميلة الرقيقة مرهفة المشاعر ..دايماً كلامك بينور أي مكان يدخله وطبعاً انا مش حاجيب كلام اد اللي قاله فيكي استاذ فاروق لكن كل اللي اقدر اقوله انك قاعدة مربعة جوة قلبي ..وعمالة اقولك شوفي أي أوضة في قلبي تعجبك اقعدي وحطي رحلك فيها واديكي عمالة رايحة جاية بتعايني كل الأوض وشكلك طمعانة في الأوضة البحري ..خديها مش خسارة فيكي والله..حبيبتي باحبك قوي في الله ونفسي اتمتع برؤيتك يوماً ما ..تحياتي

zizi يقول...

فركشاوي..ناوي ..ازاي تعليقك مانزلش ماتعليقك نزل في البوست اللي فات ورديت عليك ورحت مدونتك وعلقت عندك ..ومدونتك ظريفة جداً وجاذبة ان الواحد يزورها دايماً..تحياتي لك

zizi يقول...

استاذي الفاضل رشيد اماديون ..سعدت بزيارتك ايما سعادة وكذا سعدت بزيارتك لي في مدونتي الثانية"القلب الأخضراني "والحقيقة انني متابعة نشطة لمدونات الكثيرين من الأصدقاء الأعزاءوقريباً سعدت بتعليق لسيادتك عند الأستاذ فاروق فهمي وشغلتني اللغةوالأسلوب الرفيع الذي كُتب به هذا التعليق..ولأني كالنحلة ابحث عن الزهور التي استخرج منها ذاك الرحيق الحلو المذاق ذهبت لمدونتك الغراء ..وخرجت منها بعذب الرحيق وصافي العسل ..وحمدت الله الذي اراد لي ان اتوج قلمي بالتعليق عندك وان اتوج مدونتي بدعوتك لزيارتي ..وهكذا حزت المجد من اطرافه ..فتحياتي لك وشكري ..

zizi يقول...

عصفورمهاجر ..انت يا عم بتضحك عليا وعمال تبعت باسماء مدوناتك والاقيك هو انت الفركشاوي ..وناوي على الخير ..مدوناتك حلوة قوي بس محتاجة منك حبة تفرغ ..وشوية دعاية وسيب الدعاية دي عليا ..