الثلاثاء، 27 سبتمبر، 2011

خواطر حرة

مناجاة قلب

قلبي .....ما بالك....لماذا لاترد....ألم تسمعني
قلبي ....اناديك ثانياً....فلترد عليّ...
مهما كان بك .....رد....وإن لم ترد عليّ...
فعلى من ترد ...وأنا أعلم ما بك ...
ولا أحد يعلم غيري ...فأنت قلبي ...
ماذا دهاك ؟..تراك جرحت ..
وهل هذا هو ما أصمتك هكذا ؟
وأي جرح هذا الذي يجعل منك ذلك القلب الأصم الأبكم ؟
أنت بالذات ياقلبي...أنت بالذات آخر من يسكت له نبض..
مهما جرحت ...لا لم تصمت ..ولن تصمت ..
لماذا خلقت إذن؟لكي تنبض وتنبض وتنبض ...
حتى تتوقف حياتي مع نبضاتك ...
ومهما كان الجرح...بالله قللي...
كم مرة جرحت ؟..وكم مرة ضمدت لك جرحك بنفسي ؟
حقيقة في كل مرة يكون جرحك لايد لك ولايد لي فيه ..
ولكني دائماً معك أليس كذلك ؟
لم ألومك في مرة واحدةعلى لهوك بالنار..
لأنني اعلم تماماًأنك لم تقصداللعب بها
وإنما لعبت بالتمر ولم تدر انه جمر..
معذرة ياقلبي ..لاأقصد انك طفل...
ولكنك طيب...نعم قلب طيب ..وليس في هذا عيب ...
بل لا أستطيع ان الومك عليه..
لكنني الآن اخاف عليك...
أخاف عليك ياقلبي ..لأنك قلبي أخاف عليك من طيبتك ..لأنهم يسمونها الآن سذاجة...ألم تدرِ بهذا الإسم الجديد
الذي يطلقونه علىتلك القلوب الطيبة لدرجة ال ....
قلبي ...إسمعني الآن ..إن لم تستطع الرد فاسمع فقط ..
لقد تعبت كثيراً..
واتعبتني معك كثيراً..
والآن حان الوقت لنستريح ..
أنا وأنت ..
كيف نستريح..لست أدري ..
ولكني أسألك ....فهل تجيبني بالله عليك ؟؟؟
ودلوقتي لكل صحابي واولادي الشباب والشابات انا قلت
الكلام ده وانا في سنكم كده وكان نفسي اقول أنا قلته من كام سنة لكن قلت برضه اسيب لعقولكم فرصة انها تفكر مش كل حاجة تيجي
بالساهل كده..هل يا ترى اتغير كتير تفكير جيلنا عن تفكيركم؟؟

هناك 54 تعليقًا:

ابراهيم رزق يقول...

zizi العزيزة الذيذة

اوعى تكون بتحب يا قلبى.. اوعى تكون بتحب
مالنا و مال الحب يا قلبى مالنا و مال الحب
مالنا و مال النار تكويك النار تكوبك
اوعى تحب الله يخليك الله يخليك
اوعى يا قلبى اوعى يا قلبى اوعى يا قلبى

قولى يا قلبى قاوام و حياتك حبيت قول ايوة يا لا
دقاتك مش دى دقاتك لا و حياتك ناقصين دقة
فين ودتها مين اللى خديتها
اوعى تكون ام عيون زرقا محناش اد الشوق و الفرقا
مالنا يا قلبى لا يلعب بيك يلعب بيك
اوعى تحب الله يخليك الله يخليك
اوعى يا قلبى اوعى يا قلبى اوعى يا قلبى

دايما ساهى و مشغول عنى قولى يا قلبى انها شغلاك
اوعى ياقلبى تخدك منى و تحيرنى ليالى معاك
ابعد عنها سيبك منها
خليك ليا يا قلبى و سيبك مش هتلاقى غيرى حبيبك
كلمات اسماعيل الحبروك
مساء الرومانسية و الجمال

القلب هو القلب لم يختلف
لكن تقدمت جراحته و اصبحت عملية القلب المفتوح منتشرة
اى سهل التغيير
ههههههههههه

تحياتى و تقديرى و حبى

شيرين سامي يقول...

ماما زيزي الحبيبه وحشتيني :)
القلب طول عمره تعبان ساعات من الجراح و ساعات من الشوق و الحيره و كتير من الهجر و الحرمان..ده حاله من ساعة من إتخلق آدم و حواء...لا ف يوم هيرتاح و لا هنبطل نناجيه إلا لما يبطل يدق.
بوست جميل و مختلف
تحياتي و كل الود لحضرتك :)

بنت قلبى يقول...

بغض النظر عن الا حضرتك كتباه فى البوست
بس حبا اطمئن عليكى وجايه اسئل عليكى
واقلك خلى بالك من نفسك

ظلالي البيضاء يقول...

ماما زيزي
إن شاء الله تكوني بألف سلامة إنت وقلبك .. وإن شاء الله توصلي لعندي بسرعة .. لو مني أجيك بنفسي علشان آخدك لبيتي الجديد "ظلالي البيضاء" ..
أما قلبي فأولك سر مش تخبيه على الحبايب .. بس هو هيبقى سر ..
قلبي هو هو من 36 سنة ولحد ده الوقت ..
ويمكن بعد 30 سنة هيفضل قلبي نفسه كأنه ولد النهارده .. مهما كبرت فهو مش هيتغير .. وهو اللي تاعبني زي ما كان تاعبك لما كنت بسني .. بس زي ما قولتلك .. السن مالوش تأثير على القلب .. بس بشرط يكون قلب نضيف وأبيض ..
وخليهم يقولوا ساذج .. وعل البركة .. وعلى نياته .. وكل اللي هم عاوزين يقولوه .. بس يوم القيامة مش هينفع إلا القلب السليم .. فليضحكوا قليلاً وليبكوا كثيراً .. قل موتوا بغيظكم إن الله عليمٌ بذات الصدور ..
تحيتي ومحبتي أهديها لك ولجميع أحبتي ..

نسرين شرباتي "أم سما" يقول...

هيا كل مشاكلنا من القلب ده
لو حب يتعب
لو زعل يتعب
لو كره يتعب
والمشكلة انه موجود
ينفع الواحد يشيل قلبه؟
ويحط أحجار مكانه؟

اتوقع الحاجات اللي ليها علاقة بالقلب متتغيرش
بتفضل زي ماهيا

سواح في ملك اللــــــــــــــــــه- يقول...

صباح الفل

ياست الكل فكرتيني بمطلع خاطرة

كتبت بدايتها ولم يتثني لي ان اكملها

هو تقريبا نقس الكلام وكانت بتقول
*****
اصرخ من داخل اعماقي

ويهز صراخي جدار الصمت

يــــــزلـــــزله

هل تسمــــــــعني

ان كنت انت اصم

فانظر لي

فدموعي تملا احداقي
*********

الفرق مش كبير في طريقة التفكير

بين دلوقتي وزمان الي هو مش اوي

يعني هههههه

تحيتي لكي مبسوط بعودتك

( حياتى ) يقول...

السلا عليكم

صباح الخير

بوست رائع سلمت اناملك

ان القلب واحد فى اى زمان فهو

سمى قلب لانه متقلب الاحوال

والحب فى كل وقت واحدلكن اليوم اصبح

اسرع من زمان يعنى فيه حواجز كتير

اتشالت واصبح التعارف سهل

لكن فى النهاية اللى يفرق بين قلب

وقلب هو التقوى اللى اتربى عليها


انا مش بقول ان اللى بيحبوا معندهمش

تقوى لا لكن الخوف من ربنا بيمنع

مصايب كتيرة لان فيه انفتاح فكرى بين

العوالم وبعضها لكن مفيش توعية كافية


اسفة اذا كنت اطلت الحديث لكن

الموضوع ده بجد كبير

وشكرا لصبركم وحسن استماعكم


دمتم بكل ود

زهرة

حميد يقول...

سلمت يداك على المجهود الرائع

وأدعوك لمدونتى
http://mytadwen.blogspot.com/

دعاء العطار يقول...

الالام والجراح واحده مهما تغيرت الازمنه

والقلوب الطيبه فى كل زمان ومكان بتعانى

بس عارفه ماتخافيش ع قلبك حتى لو كان حد مش مقدر قيمته ... لأن مهما كان فيه ناس وحشه اكيد فيه ولو بسيط ناس كويسه

جميله كلماتك يامامتى (:

... سعد الحربي ... يقول...

السلام عليكم ورحمة الله وبركاته

أزيكِ يا ماما زيزي


لي الشرف أني أتكلم بلهجتكم الحلوة.

سبب حضوري هنا هو سمعتكم الطيبة في مدونات كثيرة وبجد أحسكِ قلب كبيييييييير جداً وطيبة كثير من كلام المدونين عنكِ ولي الشرف والله بزيارة عالم أختنا الغالية زيزي الله يحفظها ويكفيها كل مكروه.

وهذا الموضوع متميز ولم أكن أستغربه من إنسانة رائعة ومتميزة.

الله يسعدكِ ويديم هذا الحب للناس.

موفقة لكل خير وأعذريني على هذا التفاعل.

مصطفى سيف الدين يقول...

لا يا ماما متغيرش كتير عن جيلكم بالعكس احنا كل يوم بنتعلم من جيلكم وكل يوم بتزرعوا فينا حاجة جديدة وكل يوم هنتعلم حاجة جديدة
احنا صنيعتكم يا امي ومهما كبرنا هنفضل صغيرين جنبكم
كلماتك اليوم جميلة وساحرة
ربنا يسعدك ويهنيكي يا امي ويباركلك في اسرتك ويحفظها من كل سوءويبعد الغربان والبوم عن بيتكم الجميل

ღmemeღ يقول...

مساء الخير
دائما قلوبنا تتحمل الكثير والكثير من الامور
بحلوها ومرها
فهذه هي قلوبنا
..
تقبلي طلتي الأولى
وسلمت يداكي على ماخطت
,,
دمت بخير وسعاده

مدونة رحلة حياه يقول...

السلام عليكم
امى لا نملك سوى ان نسير على خطاكم ويوم نبتعد نضيع ونجد انفسنا تتهاوى منا رغما عنا
دومتى بخير امى

ريــــمــــاس يقول...

مساء الغاردينيا ماما
وهو في غير القلب الي مدهولنا ومجننا ههههههه بس عارفة اجمل احساس هو الي بنعيشه من القلب حتى لو بنتألم أو نتعذب زي الحب مثلاً هو كل ايامه فرح لا ساعات بيقرص لحد ماتعيطي هههههه بس يفضل احساس جميل لانه أجمل احساس يعيشه القلب "
؛؛
؛
ماما وشوشيني ماحدش سامع انتي كتبتي الكلام ده امتى زي عمري مثلاً :)
ربنا يخليكي ويديكي الصحة ونقرأ قديمك وجديدك دايماً والاهم نشوف ابتسامتك :) "
؛؛
؛
يارب اكون سبقت ريبال هنا هههههههههههه
<<< مجرمة بتغار منه عشان بيشاركها قلب ماما زيزي "
؛؛
؛
لروحك عبق الغاردينيا
كانت هنا
reemaas

ريبال بيهس يقول...

مساء الفل يا ست الكل

القلوب هيا نفسها لا تتغير أنما تتغير الأحوال وتبقى القلوب مثلما هي وأكثرها ألم ومعاناة هي الطيبة والتي تتحمل الكثير لأجل من تحب وبكل أسف بالفعل تحول مسمى الطيبة هذا إلى سذاجة وقد يكون خوف وهذا عدم تقدير ولكن لا ننسى المثل أتقي شر الحليم إذا غضب وبالمثل أتقي شر القلوب البيضاء إذا تمردت فهي تخرج كل ألمها دفعة واحدة حتى تستريح ...

أتمنى من قلبي أن تعيشي في راحة بال لا يكدرها ألم أو حزن .

على فكرة يا ست الكل تعليقي بعد ريماس كان صدفة لأني توقعتها نايمة وهي نفس الشيء بس أكيد جمعنا هنا في نفس الوقت قلب كبير يسعنا كلنا .

أتمنى من الله تكوني بأفضل حال

تحياتي وإحترامي

haneen nidal يقول...

مساء الخير لاجمل قلب و اطيب قلب بدنيا

انا رح ابدء من اخر كلمتين . . . التفكير يتغير من جيل لجيل شئ طبيعي و هاد الي قال عليه علي ابن ابي طالب :- ( علموا أولادكم لزمانهم فإنهم خلقوا لزمان غير زمانكم )

الزمن بيتغير و كل شي بيتغير التفكير و الاخلاق بس هناك ثوابت . . . و المعادن تبقى ثابته :) و العرق دساس


هسا ارجع لطيبة القلب الي صارت متل ما أسلفتي انو عيب و سذاجة . . احنا نعمل الي يرضي ربنا و ربنا رب قلوب و الناس ارضائهم صعب فنسيبنا منهم و نستكفي في حب ربنا فهو اذا احب عبدا نادى اهل السماء و قال اني احب فلان فيحبه اهل السماء و ينادون اهل الارض ان الله يحب فلان فاحبوه

ربنا يريح قلبك و اوعي اوعي تتخلي عن طيبه قلبك هادي اجمل ميزة فيكي ربنا ما يحرمنا منك و لا من طيبة قلبك يارب

zizi يقول...

ابراهيم ابو زياد ..

الله يا ابراهيم فكرتني بأيام حلوة قوي كان كل حركة فيها ليها غنوة مخصوصة وما انساش اغنية جواب لعبد الحليم وهو كل ما يكتب جواب يقطعه ويكتب من الأول والا صوت تقطيع الورق لما دخل في اللحن ..كل حاجة زمان كانت واخدة حقها ومحطوطة على نار هادية وعشان كده كل حاجات زمان "مظبوطة"..تحياتي وشكري ..

zizi يقول...

شيرين عندي يا فرحتي يا فرحتي .ايه يا شيري المساجلات بتاعة التبرع والتعارف كانت واخداكي مننا وانا عمالة اصرخ واقول فينك ياشيرين اخواتك كلهم جم زاروني وطيطبوا عليّ
بس سيبك البوستات بتاعتك في منتهى الجمال والرقة وهي دي اللي بتدينا شيء من حب الحياة ..تحياتي وحبي

zizi يقول...

بنت قلبي ..زياه اد ايه اختيارك للأسم ده فيه حنان ما حصلش انا نفسي قوي اخدك في حضني ..انا بخير يابنتي وكفاية كل الناس اللي حلوين اللي زيك حواليّوربنا يخليكم ليّ ..تحياتي وشكري

zizi يقول...

ظلالي البيضاء..كم اسعدتني كلماتك..و
اشكرك على تعليقك الرقيق ..وعلى فكرة انا عرفت طريق مدونتك خلاص واضفتها للمفضلات وحاتلاقيني هناك دايماً وطبق الفروت سلاد يجنن وهو يابني كده الحب في كل زمان ولا يعلم بالقلوب الا الله سبحانه وتعالى ...تحياتي وشكري

zizi يقول...

نسرينا الحبيبة ..هو القلب زي ما بتقولي فيه كل العمليات الحسابية بتاعة البني آدم ...تخيلي انا ماكنتش حاقولانا كتبتها امتى بس خفت تقولوا ايه الست المجنونة دي اللي لسه بتقاسي من لوعة الحب ..انا فعلاً باقاسي من لوعة الحب بس من حبكم انتم كلكم عمالة ادور على قلب اكبر شوية عشان تقدروا تلعبوا فيه براحتكم ..
تحياتي لكي ولسمير وللثري إس وسبحان الله طلع عيد جوازكم نفس اليوم مع عيد جواز شيرين سامي ..تحياتي

zizi يقول...

سواح في ملك الله ...خالد

اكيد المشاعر مش حاتفرق كتير زمان عن دلوقتي بس يمكن ايامنا كانت العملية مزنقة شويتين عن كده ..يعني كان شغل عيون وبس ..وكفاية احنا حاننهب ..وزي ما انت قلت الفرق مش كبير قوي هوبس ابن في سنكم تقريباً واخواته ...مش مشكلة بقى الأحفاد دول يخصوا ابهاتهم مش انا ..شفت بقى الفرق بسيط قوي ازاي واحنا مكبرين العملية ياعم خليك كول ..تحياتي

zizi يقول...

حياتي . كفاية الإسم بس عشان يديني الف سبب للحياة.انتي فعلاً زي ما بتقولي زمان كان فيه اخلاقيات وفيه حدود .لكن دلوقتي خلاص بقى فيه كل حاجة لا أخلاقيةباسم الحب ..كلماتك رقيقة قوي وذات معنىويسعدني تشريفك لي على الإيميل ولكي جزيل الشكر

zizi يقول...

حميد ..اشكرك على متابعتك وان شاء الله اكون من متابعينك وانا بالفعل من متابعينك وكنت عايزة حضرتك تقولي ازاي ممكن احط غنوة والا اغاني ..على مدونتي وتشرحلي بالتفصيل..ولك تحياتي وشكري

zizi يقول...

دودو الجميلة ..منوراني ودايماً باستنى وجودك عندي عشان لكي لمسة بناتي رقيقة وحلوة..وانا برضه كنت عندك من شوية..ويمكن طولت عليكي شوية بس اهو ممكن تسميها من تجاربي ..تحياتي وشكري

zizi يقول...

سعد الحربي ...معقول فيه حد في الزمان ده لسه بيعتذر انه انفعل حباً لشيء ..ياه يا سعد..اولاً انا مرحبة بيك في مدونتي المتواضعة واحب اشوفك دايماً يعني بعد كده لو نزلت بوست وانت ما علقتش عليه مع كل الناس الحلوة حايبقى فيه حق عرب وحاجي "اتجهوى"عندك اتفقنا ..والله يخليك ويخليهم كل اللي قال حاجة حلوة .زوياريت دايماً اكون عند حسن ظنكم ..تحياتي وشكري واعمل الجهوة وحضر التمر عشان انا جاية اهو ..

الجوكر يقول...

يامساء الأنوار

بس مش مساء انوار مدحت شلبى

ايه الجمال ده ياماما زيزى

حوار جميل بينكِ وبين قلبكِ الذى لاذ بالصمت

شفتى القلوب زمان كانت بتتحمل كتير ازاى

ورغم كدا بتتكسف انها ترد

وكان اى حاجه بسيطه بترضيها وتكون سعيده بيها

...

عموماً الزمن لايتغير

لكن القلوب هي التي تغيرت

فإنسان اليوم صاحب مشاعر متقلبة

والسبب فى ذلك

هى المادة التى طغت على كل شىء

حتى الحب اصبح لهُ ثمن

خلاصة القول .. تغيرت القلوب

فبعد ان كان القلب اخضرانى

اصبح اسمرانى .. ودمه خفيف

..

المهم طمنينى عنك

يارب تكونى بخير



لقلبك السعادة

وفدان ورد .. يلا انشالله محد حوش

zizi يقول...

مصطفى العزيز الغالي ..يسعدني مشركتك ورأيك فيم اكتب لسببين الأول ان ارائك تهمني وتسعدني والسبب الثاني اني اشعر اني عما قريب سوف اشير عليك في البرامج الثقافية والأدبية في التليفزيون والى صورك في الجرائد والمجلات الأدبية بإعتبارك احد اعظم كتاب العصر الحديث و أقول هذا الأديب العظيم ابني حتى شوفوا: واقوم اجيب المدونة بتاعتي واقولهم شايفين صدقتوني ؟
مصطفى العزيز مش عارفة اقولك ايه على وقوفك معنوياً بجانبي ورغم انك على البعد لكني احسست بك قريباً جداً مني ...ويارب يسمع منك ويحمي كل المستضعفين في الأرض من كل الغربان والبوم ...تحياتي وشكري

zizi يقول...

meme

اشكرك على مشاركتك وان شاء الله تتكرر وانا فوراً حاجيلك ارد الزيارة ..وعجبني تعليقك قوي ويا ريتك تدخي على البوستات القريبة اللي قبل كده يهمني رأيك ..
تحياتي وشكري

zizi يقول...

رحلة الحياة ..كم يسعدني تواجدك وتعليقاتك الرقيقة واسعد بكي دائماً..لا تحرمينا ابداً من طلتك ...تحياتي وشكري

محمد الجرايحى يقول...

مناجاة رائعة ..وإن حملت فى طياتها نبرة حزن دفين

zizi يقول...

ريماس عينيكي كلها شقاوة يا بنت اللذينّ ..وياستي انت علقتي قبل ريبال ب 11 دقيقة اتبسطتي كده ..وبعدين انتي عمالة توشوشيني متأكدة ان ما حدش سامعنا طيب بصي حاقولك على انفراد دي بقى ايام الفيوم ..بس قبل ايام الحمار صديقنا ..بس متهيألي كده ما حدش سمع خااااااااااااااااااااااااالص هو يعني المدونات كلها اد ايه ؟؟؟؟؟؟؟؟؟؟؟؟؟؟تحياتي وقبلاتي لك ِ

zizi يقول...

ريبال العالي الغالي ...القلوب بالفعل عند بعضها وادي ريماس برضه قبليك على طول يعني يادوب على بال ما انت ظبطت القعدة .يارب ما يحرمني منكم ابدا ً..وبالفعل القلوب هي ّ هيّ ومشاعرها لا تختلف من وقت لوقت لكن المهم اللي يحس ويعبر.زيارب يسعد قلوبكم دايماً..تحياتي وشكري

zizi يقول...

جوكري العزيز..انا مبسوطة قوي انك جيت بالسرعة دي هو انت جيت في الهيليكوبتربتاعتك والا ايه ..عجبك الكلام ده يا جوكر .زانا كنت حاسيبه من غير التنويه الأخير بس قلت رحمة بيكم عشان كل واحد حايقول ياترى كاتباه لمين لمين..عشان كده انا قلت اريحكم ..هههههههههههههههه..وطبعاالمشاعر واحدة بس طريقة التعبير اتغيرت ..دلوقتي بقى فيه بجاحة شويتين وما بقاش الليمون يسخن زي زمان وكله بقى بالشاليموه...ههههههههههههههههتحياتي وشكري

zizi يقول...

استاذي العزيز استاذ محمد الجرايحي .زاشكرك على متابعتك ومش عارفة ليه بالفعل كان هناك هذا الحزن يمكن عشان زمان ما كانش فيه المتنفس اللي يريح الإنسان شوية فكانت كل التساؤلات تبقى بداخلنا لا نت ولا مدونات .............تحياتي وشكري

بنت قلبى يقول...

يااااااااااااااااه بجد نفسى ام حنونه تحضنى الايام دى
بجد بالزات الايام دى
انتى الوحيده الا رديت عليها الايام دى والوحيده الا حبا اطمئن عليها كل يوم
ولو على الاسم لو ينفع اهدهولك بس انا نفسى اهديلك فرحه تفرحك العمر كله
لانك تستهليها
وحياه ربك تخلى بالك من نفسك
الله يحميكى من متاعب الدنيا ياااارب ويفرح قلبك قريباااا

عازفة الالحان يقول...

صبآح الطُهر .,
نَشعر ان قٌلوبنآ من طِيبتهآ كل من حولنآ يستغلون طبيتهآ ,,إننآ مٌظلومون
تتَشآبَه المشآعِر

دمتي بخير ي غآليه

الاحلام يقول...

يا قلبى يا خالى اجب عن سؤالى مشغول من ايه وشاغلنى ليه ليه ليه ليه ليه يا قلبى ياقلبى ليه
ارسلتى لى نداء فى البوست وها انا ذا اقول لكى نعم
لى سؤال فقط وهل لو طلب منكى ان تكتبى عن القلب الان هل الكلمات ستختلف عن هذا البوست ام ستكون كما هى
سعيد بما تقدمى دائما وسعيد بوجودى هنا ولكن مطلوب منكى اختى الغاليه العزيزه ان تنيرى مدونتى فمدونتى تحتاج لنور مثل نورك الرائع
تحياتى واخلاصى ابوووووووووووووداود

وجع البنفسج يقول...

الرومانسية تبقى هي هي .. لا تتغير مع تغير العمر ، هناك صحيح حب تيك اواي بس الحب الاصيل والمشاعر النبيلة تبقى كما هي ..

قرأت واستمتعت ، ربنا يحفظك يارب ويعطيك الصحة وتمتعينا بكلماتك الجميلة والرقيقة .

كريمة سندي يقول...

والله وحشتيني كتير ماما زيزي .. أنا اشتغلت ولله الحمد فعشان كدا ما بأدخل الانترنت كتير لك بأتابعك دايما خطارة جميلة جدا سم فكرك وقلمك

Tarkieb يقول...

ده انتي طول عمرك كدة بقي هههههههههه....دي طيبة ولا قلة حيلة دي..حظك وحش انك ما قابلتيني زمان كنت قلتلك بلاش الطيبة دي وبلاش تخلى اي حد يكسر خاطرك وقلبك....حلوة طبعا لا من صغرك فنان يا ابو الزيز

موناليزا يقول...

سبحان الله
الانسان هو هو بنفس مشاعره وأحاسيسه مهما اختلفت الأجيال ومهما عدت السنين:)

ريهام المرشدي يقول...

السلام عليكم
لا لم يتغير شيئاً :) هو بالضبط ما كان و مازال و ما سيكون أيضاً ، و يبقى السؤال حائراً دون جواب : كيف نستريح ؟؟؟
استمتعت بالقراءة :) شكرا لكِ

zizi يقول...

بنت قلبي ...الله عايزة افضل اردد الإسم ده كتير ..بنت قلبي بنت قلبي بنت قلبي ..ياحبيبتي انا اللي نفسي احضنك قوي ياريت اقدر اشوفك واحضنك ..كلماتك تسعدني وتطير بي في عالم من الحب والنقاء ...تحياتي وشكري ..

zizi يقول...

haneen nidal

انا آسفة التعليقات اتلخبطت على بعضها وعشان كده راجعت عليها كلها من الأول فلقيت تعليقك لسة ما ردتش عليه اشكرك على متابعتك وتعليقك الرقيق واتمنى ان تشرفيني دائماً..

تحياتي وشكري ..

zizi يقول...

haneen nidal

انا آسفة التعليقات اتلخبطت على بعضها وعشان كده راجعت عليها كلها من الأول فلقيت تعليقك لسة ما ردتش عليه اشكرك على متابعتك وتعليقك الرقيق واتمنى ان تشرفيني دائماً..

تحياتي وشكري ..

zizi يقول...

عازفة الألحان ..اشكرك على هذا الصباح الطاهر مثلك سيدتي وسعيدة ان اجد من يحس معي بتلك المشاعر الصادقة ...تحياتي وشكري

zizi يقول...

ابو داووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووود ..متأسفة جداً للتكاسل الذي اصابني في الفترة الأخيرة وها أنا ذا اعود لأرد على تعليقاتكم الرقيقة التي تؤنسني وتشجعني وقد زرت مدونتك بالفعل وقرأت وواستمتعت ولكني سأعود لها ثانية لأعلق على هذا الجمال الذي قرأته ..اشكرك على تعليقك وبجد مش عارفة يمكن لو كتبت هذا الكلام الآن كان حا يختلف شويتين وما كنتش احب ان يكون قلبي مستسلم قوي كده ..والله اعلم ..تحياتي وشكري

zizi يقول...

وجع البنفسج ..روح قلبي انتصار انا سعيدة ان البوست عجبك لإنك من الأقلام الرقيقة اللي الحاجات دي تقد
ر توزنها كويس اتبسطت انك حسيتي ان المشاعر ما بتتغيرش ويارب تفضل القلوب دايماً عامرة بالحب ..تحياتي وشكري

zizi يقول...

كريمة سندي ..اسعدني مرورك واسعدني اكثر انك ابتديتي تشتغلي احسن حاجة عملتيها ..واشكرك على متابعتك ومرورك الكريم وتعليقك الرقيق ...تحياتي وشكري

zizi يقول...

تصدق يا تراكيب انت ياواد انت بتخليني احس اني اعرفك من زمان وبعدين ايه معنى انتي طول عمرك كده ؟كده ازاي يعني ..انت مكسوف تقولها اقولها انا واشيل عنك خجل الإجابة ..ايوة انا طول عمري عبيطة كده وقلبي ياخد كل هُدر والتاني ويقوم ينفض ركبه زي الأهبل ويكمل ويقع ويقوم ويكمل بذمتك اعمله ايه ده ماهو مش هاين عليا ابوسه واحطه جنب الحيط واجيب قلب تاني بلاستيك والا فوم اهي حاجة تملا الفراغ العاطفشي الي حايسيبه المنيل على عينه قلبي ده وحلوة اوي ابو الزيز دي ياه تصدق ماحدش من زمان دخل الدخلة المهيسة دي ...الله يخليك يابو التراكيب ويجبر بخاطرك زي ما بتجبر بخاطري تحياتي وشكري

zizi يقول...

موناليزا ..اتبسطت قوي انها عجبتك وان لسة المشاعر زي ماهي مع اختلاف الأجيال ..بس انا متهيألي ان القلوب دلوقتي بقت اكتر صلابةمن زمان ...تحياتي وشكري

zizi يقول...

ريهام الجميلة ..حقاً لم يتغير شيء ولكن كيف نعلم قلوبنا الحذر ..كيف نعلم القلوب ان هناك من يلعب ويستهين بمشاعر البشر ...هذا هو السؤال ...تحياتي وشكري

فاطمه مُحمد يقول...

يا قلب فقط اصبر ...
اصمت وتوقف لحظات حتى اعيد ترميمك ...
//
حديث جميل راق لي ...
دمتِ بخير ..