Powered By Blogger

الاثنين، 3 أكتوبر 2011

شعر..

قافلة الأيام


ملحوظة :منذ فترة لاحظت ان هناك اتجاهاً بين المدونين
لكي يكمل احدهما ما جادت به احاسيس الآخر من أشعار ولعلنا نستمتع بالغالية شيرين سامي وهي تكمل مايبثه السندباد من مشاعر بين حينٍ وآخر..

وها أنذا اليوم اتشارك معكم تجربتي أنا الشخصية
مع زوجي -رحمه الله -فأنقل لكم مشاعر تبادلناها معاً
لكي احيي معكم ذكريات تعز كثيراً على نفسي وأنا متأكدة أنه لو كان حياً لشاركني تحيتي لكم فلتتقبلوا تحيتي وتحيته ..
قافلة الأيام
لو كنت أعلم انها قدري ..
وأن يداً من الأقداس تجمعنا ..
وأن الحب في القلبين منقوشٌ
وأن طريقنا دانٍ ومقتربٍ..
ومنفسحٍ..وبالأزهار مفروشٌ..
وأن الفجر إذ يصحو ليوقظنا ..
سيعجب من تأخره ...ويحسدنا ..
ويمضي آسفاً ..خجِلاً..ويتركنا ..
وأن نهارنا صحوٌ ...ومأتلقٌ..
وأن الشمس قد خلقت ..لتدفينا..
وأن الليل بالأشواق يجمعنا ..
وأن نجومه الغراء قد لمعت..
لتسمعنا ..وتحكي للهوى عناّ..
وأنا قد لمسناها بأيدينا..
وسمرة نيلنا الجاري تطالعنا ..
ونور البدرمخلوقٌ ليهدينا ..
وخمر الحب قد صنعت لتسكرنا ..
وشهد العشق بالشفتين يسقينا ..
وأن البيد خضراءمع اللقيا ..
وأن الحب غياّثٍ...سيروينا ..
وأن ازاهرالدنيا تعطرنا..
وأن بلابل الأغصان تشجينا ..
وأن الدوحُ مزدهرٌ لألفتنا..
نسجل عند ساقيه أمانينا ..
وأن وصالنا الأبدي محتومٌ..
وأن شريعة الخلاق تحمينا ..
وأن وشيجة العشاق تربطنا ..
وأن طهورها العذري ساقينا ..
وأن الغيم مخلوقٌ لنا مهداً..
وعزف الناي يحكي مثلنا وجداً..
وأن الدهر يوماً قد يباعدنا..
ويرهقنا ...بنار الوجد ..يكوينا ..
 وأن الشوق حيرانٌ لغربتنا ..
وأن البين يجرحنا ويؤذينا ..
وأن هديتي منها وريداتٌ ..
مثلثةٌ ..تنور أرض وادينا ..
---------
لو كنت أعلم ذاك من زمنٍ..
لكنت بحثت طفولتي عنها..أجل عنها
وأبعدناالضنى عناّ..
وقربنا الهوى مناّ..
وقلنا للدنا دوماً..
سيبقى الحب يحرسنا ..
ويبقى الشوقُ حادينا ..
جمال ....
----------------
لو كنت أعلم ...!
لو كنت أعلم انك عمري..
وأني يوماً ما سأسلمك أمري ..
وأنك يوماً ما ..ستصبح أبا ولدي ..
وأبو النورين ..الشمس ...والقمر..
--------
لو كنتُ أعلم هذا كله..
وأعلم أكثر منه انك قلبي ..
ووجداني وفكري ...ورضا ربي ...

---------------------------
لكنت أبحرتُ إليك من زمنٍ..
وناديت عليك من الأفياء والمزن ..
لعل صوتي يعلو مناجياً قلبك ..
إني ها هنا يا نور القلب والعين ِ
----------------------------
زينب

هناك 31 تعليقًا:

ابراهيم رزق يقول...

zizi العزيزة الذيذة

اللللللللللللله الله
و الله العظيم و حياة ولادى مش عارف اوصف ليكى الحالة اللى انا فيها
ما هذا الجمال
ما هذا الصدق
ما هذا الصفاء
ما هذا الود
ما هذه البلاغة
ما هذا الوفاء
ما هذا الشجن
ما هذا الشعر
ما هذا الحب

رحمه الله و اطال فى عمرك لنا
تصدقى و تؤمنى بالله
انا كنت بحب ذلك الرجل و لن اقول لكى انا لماذا احبه
لكنى الان احبه اكثر و اقدره اكثر و اعشقه اكثر
رحمه الله و اسكنه فسيح جناته
بس تصدقى النيو لوك ده و لا يقدر عليه لا لبنان و لا ايطاليا و لا حتى فرنسا
ده نيو لوك بنكهة مصرية به ريحة طين و ارض مصر الطيبة

تحياتى و تقديرى و حبى

الاحلام يقول...

زيزى الاخت الغاليه
نيولوك جميل وبسيط اعجبنى جدا حقيقى الزوق الرفيع هو ثمة شخصيتك
اما عن الكلمات والاحاسيس التى قرأتها هنا فياروعتها وجمالها فهى نابعه من القلب لهذا فقد دخلت القلب مباشرة بدون استئذان اتمنى ان اراكى هكذا جميله دائما
ولا ننسى الدعاء لزوجك فله نطلب الرحمة والمغفره من الله وان يسكنه فسيح جناته
تحياتى الخالصه ابووووداود

شمس النهار يقول...

:)
ابراهيم اخد كل الكلام كلللللللله

:))))

ماشاء الله عليكي يازيزي
كلامك جميل اوي
الله يرحمه

سواح في ملك اللــــــــــــــــــه- يقول...

ياااااه ياست الكل

الله بجد علي الكلمات الراقية الجميلة

التي ابدعتماها

لست ساعرا ولكني احاول ان اكون

ولكني جاءني احساس اني مهما كبرت

ساظل قزما اما مكما ايها العملاقين

من روعة الكلمات

احس باني مهما علقت لن اوفيها

ماتستحق

تحيتي يااستاذتنا

غير معرف يقول...

لو كنت أعلم ...!
لو كنت أعلم انك عمري..
وأني يوماً ما سأسلمك أمري ..
وأنك يوماً ما ..ستصبح أبا ولدي ..
وأبو النورين ..الشمس ...والقمر..
؛؛
؛
صباح الغاردينيا ماما
لوكنت أملك حرفاً على حرفي
لأهديتكِ كلماتي ولاتكفي
لوكنت أملك ياأمي سوا نبضي
لأهديتكِ عمراً على عمري
أنتِ يامن عجز في كتابتك قلمي
يامن نبضتِ في حنايا الروح أنتِ
يا دفئ الحنان يامعزوفتي ولحني
ياقصيدة شعرية قافيتها قلبي
أماه أنتِ حنان روحي ياهمسي
يامعوزفة حنان نبضها أنتِ "
؛؛
؛
ماما زيزي
ايه الجمال ده ؟
ايه الرقة دي ؟
ايه الحب ده ؟
ايه الشاعرية دي ؟؟
كل ده تخبيه عن رموستك حبيبتك دلوعة مامتها الشقية هههههههه مش دا كلامك عن بنوتك ريماس طب انتي عارفة اني بحب الحب وبحب الي بيحب الحب وبدوب عند كلمات الحب :)
لا ياماما انا بحتج وبصي بقى اما ريماس تحتج تبقى حكاية حتى أسألي ريبال ههههههههه <<< مجنناه المسكين
بصي ياماما انا بقى عاوزة وعد تكتري من الحاجات الحلوة دي عشان اخطف منها كلمتين واهيدها لريبال :) <<< شايفة البنت الشقية ههههه
بجد ياماما اجمل كلمات حب جميل كانت بينك وبين المرحوم ربنا يرحمه ويسكنه فسيح جناته وربنا يخليكي لينا ويديكي الصحة والعافية وتتحفينا بمذكراتك وكلماتك "
؛؛
؛
خارج النص
يارب مايكنش ريبال سبقني اصلي نومتة بدري النهرده اديته حبه مخدره هههههههه كان عنده مغص يارب في بطني ولابطنه بس ياخوفي يكون هو الي لهاني بكلمتين وجالك قبلي :( <<< مستحلفاله هههه "
؛؛
؛
لروحك عبق الغاردينيا
كانت هنا
reemaas

zizi يقول...

ابراهيم العزيز اللذيذ برضه ..انت اخجلت تواضعي ..اللي انت قريته ده حبة كدة لو عجبتكم نقول كمان ..انا باشكرك بجد انت مخليني مش عارفة ارد بس انت عارف يا ابراهيم انا اصلي حاسة لو جوزي الله يرحمه كان عايش كان حايقول ويقول ويقول فأنا باعتبر كل كلمة باكتبها عنه دي بس تحية له وهو عند مليك مقتدر ..اشكرك يا ابراهيم وربنا يخليك

zizi يقول...

الأحلام ..انا قلت اطلعكم شوية من مود الكآبة اللي خدتكوا فيه شوية واروح بيكم على نسيم الكلام ..وعارفة الكل بيحب الرومانسية ويغرق فيها لشوشته فقلت يعني ليه نروح لنزار وانا كان معايا نزاري الخاص ليه ما اكونش انا الناشر الخاص بيه ..واشكرك على كلماتك الرقيقة وان شاء الله مش حاتقل عليكم تاني ابداً ويكفي ما يحمله كل واحد فيكم من همومه اليومية مابقاش انا والحكومة عليكم ..تحياتي وشكري

zizi يقول...

شمس يا حبيبتي ..انتي ماحدش يقدر ياخد منك الكلام ..انتي كفاية تقولي زيزي وانا عارفة كل اللي في قلبك .زوبالمناسبة انتي ليه لغاية دلوقتي ما دخلتيش على "كلمات "ادخلي واعملي زيي انا بادخل واللي بيقدرني عليه ربنا باقوله ..والله حا تتبسطي هي فكرتها جديدة ومجرد ما بتقري الأخوة الأفاضل كاتبين ايه نفسك بتتفتح وبتقولي جربي ومش حاتخسري تحياتي وشكري ليكي ومبسوطة انها عجبتك

zizi يقول...

سواح ..بقى انت لست شاعراً ..دا انت اشعر نفسه بحذافيره ..على فكرة الشعر ليس نظماً فقط ولكن هو مشاعر فما بالك بمن يملك النظم والمشاعر ..انت هذا الرجل ياخالد وبجد بجد انا كل شوية بادخل مدونتك عشان استمتع واطلع ..انا بس حبيت اقولكم اني مش كلي نكد لأ برضه في عندي شوية حب ورومانسية عشان نتبسط سوا ...تحياتي وشكري

zizi يقول...

رموسة ..ماهو يعني اذا كنت انت انت فاحنا برضه احنا ..بس حانروح فين قدام الأعاصير الريماسية والريبالية داحنا غلابة خاااااااااااااااااااالص ..وتصدقي انا كنت حا خلي الرد على التعليقات للصبح لكن قلت بس اطمن البنية ان مفعول المخدر بتاعها قوي وياعيني ريبال اداها نومة للصبح واديني بارد عليكي كمان اهو عشان نثبت المعلومة وتعرفي انك علقتي قبليه بس ايه رأيك في البت زيزي دي مش برضه كانت عليها كلام من اللي بيودي في ..مش عارفة اهو بيودي في البلالم ..يعني ييجي مني بعد كده خمسين سنة ..عشان بس اكون زدت خبرة واقدر اديكم من خبرتي اصل برضه مهما كان كلامي كده وانا شابة مش حايكون متظبط زي كلامي لما اكون ذات خبرة مش انتي برضه معايا في كده عشان بس لما اكلمكم بعد خمسين سنة ما تستغربوش وتقولوا الله يا زيزي فعلاً لكي حق انتي اسلوبك اختلف دلوقتي عن خمسين سنة فاتوا ...شفتي بقى انا ليا نظرة مستقبلية ازاي ..تحياتي وشكري والى لقاء

مصطفى سيف الدين يقول...

هكذا هي الامهات كل يوم نتعلم على يديها شيئا جديدا عن روعة المشاعر والاحاسيس عن قلوب تنبض بالوفاء
عن حنان يغمر الارض ولا تتسع له الارض
عن شلال من الحب منهمر
هكذا تعلمنا الامهات قلوب وفية حنونة بليغة خبيرة تصنع لنا اشهى الوجبات في بعض الكلمات
رحمة الله عليه واطال الله عمرك
نعم الام انتي فنتمنى ان نكون لكي نعم الابناء

مدونة رحلة حياه يقول...

السلام عليكم
الله عليك يا امى
رحم الله ابى كان رائعا فى كلماته اليك وعنك ومعك
واجتهدتى لتصلى بكلمات بسيطة الى ما قاله لك
دومتى بخير امى

غير معرف يقول...

صباح الفل يا ست الكل

لالالالالا أنا مش قادر على كذا أنتي كنتي مودية الكلام الحلو ده فين ؟؟؟

بجد أنا هاعمل مظاهرة بما أننا واخدينها موضة بس عشان ما تحرميناش من الكلام الجميل ده ...

أرجع للهجتي أحسن تعبت هههههههههه بذمتك هذا كلام يا ست الكل نصوص بالروعة هذي تخبيها ؟
نص جميل جداً وأنا أشكر زوجك اللي خلانا نشوف أحلى كلام هنا واسأل الله الكريم يغفر له ويرحمه ويجعل الجنة مثواه ...

أما البنت العبيطة هذي ريماس >>>> راح أنام في التخشيبة اليوم ههههههه أحنا نمنا سوا هي تسحبت من ورايا وجات لك على طول شفتي قد أيش تحبك ولك مكانة في قلبها صرت أخاف لا تطردني عشان تاخذي المساحة كلها هههههههههههه الله يخليك لنا ولا يحرمنا من طلتك علينا ويارب أشوفك مبسوطة وسعيدة ويضيع الحزن بابك ...

تحياتي ومودتي

ظلالي البيضاء يقول...

ماما زيزي ..
أنا بالفعل امبارح كنت عندك وبكتبلك حاجات حلوة .. لكن هووب انقطع النت ..
جاتله نيله النت بقه .. لو يزبط شوي معانا .. علشان نفضل سهرانين عند حضرتك ..

كلمات كلها رقة وحنية ومشاعر صادقة .. أهو كده
الحب عمره طول العمر ..
طرحة بيضة وقلوب حمر ..
وكلام حلو ونظم وشعر ..

تحيتي لك .. ويارب تفضلي دايماً في فرح وسعادة ...

عازفة الالحان يقول...

نَص يحمل كَثير مِن المَشآعِر ,.
وتزدحِم بدآخله الذكريآتْ .,
ذكريآتْ مآضِيه ولكن قَد لآ تموتْ .,!

لحرفِك عِشقْ خجول ..لآ يزآل حَي .,
رحم الله زوجِكْ

دمتي بخير

رؤى عليوة يقول...

أدام الله عليك الحب والسعادة

كلمات أكثر من رائعه جميله تتحس وتدخل القلب كده علطوووووووووووول

مش عارفه امدح اكتر من اللى اخواتى قالوه

Unknown يقول...

ماما زيزي الحبيبه..الأم العظيمه و الحبيبه الراقيه و الزوجه الهدية من الله.
مش عارفه أقول لحضرتك قد إيه تأثرت بمشاعركم الرقيقه معتقدش حد دلوقتي كده للأسف.
ربنا يخليكي لينا و تفضلي دائماً متألقه و منوره البلوجر كله :)

أرق تحية لكي

دعاء العطار يقول...

طب أنا أقول ايه طيب قدام الكلام الحلو ده ؟

هو فيه كده ؟ ... لا وكمااان متجوزين .. يعنى المفروض يكتبلها انا زهقت منك وهى ترد وانا مستحملاك بالعافيه هههههههه

ايوه هو ده الحب ولا بلاش مش تقوليلى بقى تيمور وشفيقه والحب بتاعنا احنا الغلابه

ربنا يرحمه يااارب ودايما كده يملى عليكى حياتك بذكرياته وتشاركينا الحب الجميل ده :) :)

sabry abo-omar يقول...

زينب: مأاجمل تلك الكلمات وهذا الإحساس المتدفق الحالم.. إنه الوفاء لمشاعر مازلت تعيشى بداخلها كل لحظة .. أظنها هى الملاذ مما يحدث فى الواقع المرير الذى يحاصرنا من كل اتجاه.. كلماتك أعادتنى لإحدى قصصى التى كتبتها منذ عام تقريبا وقد أنشرها من جديد بمدونتى لأهديها لروحك الجميلة العطرة.. كل إعجاب وتحية لكى ..دومتى لنا بخير وسعادة

نسرين شرباتي "أم سما" يقول...

الله
الله
الله
الله
الله
الله
اللللللله

عملتي جوايا شوية مشاعر :)

فيه كده؟؟؟

ربنا يبارك في عمرك

وع فكرة الحب بيعيش حتى لو واحد مش موجود

لأن أكيد في يوم حنرجع نتلائى فيه

شكلكم كنتوا ثنائي جميل جداً

ربنا يبارك في عمرك ويطولنا فيه يا رب

إنتي بجد رومنسية بدرجة عالية جداً :)

zizi يقول...

مصطفى الغالي العالي ..انت بجد بجد بتديني اكتر من حقي بكتير وبعدين حادلع عليكم ودلع العواجيز دمه تقيل .زانا مش عارفة اشكرك ازاي وانت بتديني دفعة للأمام عشان اطلع كل اللي عندي للغالي الله يرحمه لأنه لو كان عايش كان حايقول كتير ..كتير قوي فأقل ما فيها اقول انا عنه اللي كتبه في حياته ..وده اللي اقدر اعمله تخليداً لذكراه الجميلة ...تحياتي وشكري الجزيل لك

zizi يقول...

رحلة حياة ..حاعمل ايه يا محمد بس ماهو اصله كان قمة في البلاغة والتمكن من اللغة فمهما قلت حاجي جنبه فين فأنا يا دوب اقول كلمتين واجري ..تحياتي وشكري يا محمد وعلى فكرة انا قريت لك بوستاتك كلها وكلها زي الفل بس بعض ما قرأته كنت عايزة ارد عليه بس كنت عند ابني وكان الكي بورد بتاعه بايظ فما كنتش عارفة ارد عليك في وقتها فلو سمحت لو لقيت ردودي على حاجات قديمة من الأسبوع اللي فات تبقى عارف ايه السبب مانبقاش صحاب عالنت وعالفيسبوك وبعدين نقصر كمان سماح يا محمد ..تحياتي وشكري

zizi يقول...

ابني الغالي العالي ريبال ..بذمتك هي تقدر تعمل كده ..طيب قوللي ازاي تطردك لما اصلاً انتم الاتنين جوة قلبي يعني حاتطردك مش من ملكها ..ماتقدرش ...هههههههههبعدين مادام الحاجات دي عجبتكم حابقى اقولكم منهاما يسمح به الرقابة على المصنفات الفنية هههههههههههههههو انتم ناقصين دا انتم خليتوا الناس تتنفس حب ..الله يسعدكم ..تحياتي وشكري

zizi يقول...

الله يخرب بيت النت وعمايله يامحمد ..بس سيبك انت ايه رأيك في شوية المشاعر دي بذمتك مش ماشية مع النيو لوك الجديد ..محمد روح شوف النت زمانه اتصلح ..تحياتي وشكري على مرورك على القلب الأخضراني بس ان شاء الله انا حاكتب لكم هناك حاجة حلوة ..تحياتي وشكري

zizi يقول...

عازفة الألحان ..لك رؤية متخللة للحروف ومحللة لها وهذا شيء يسعدني ويسعدني اكثر ان احرفه واحرفي قد اعجبتك..تحياتي وشكري

zizi يقول...

أمة الرحمن ..اتبسطت قوي انها عجبتك ..واهو با حاول افتكره بأي حاجة ..ويا ريت اقدر اوفيه حقه ..زالله يرحمه ...تحياتي وشكري

zizi يقول...

شيرين الحبيبة انتي اللي عينيكي حلوة وعشان كده بتشوفي كل حاجة حلوة .زوعلى فكرة انتم جيلكم فيه مشاعر حلوة قوي بس الظروف الصعبة بتاعة الحياة بتخلي المشاعر مستخبية شوية لكن مع أي شرارة حب بتلاقيها تطلع منورة ودافية والحب والحنية كلها فيها والدليل على ذلك انتي وجيلك من المدونين والجيل اللي قبليكم بشوية .ابراهيم رزق وجيله ومن بعدكم بشوية.زيعني بصراحة انا بابقى مبهورة بيكم وبارجع كتير عشان اقرا حاجاتكم الرقيقة وباقول سبحان الله ازاي الدكاترة يطلع منهم الأدب الراقي دا كله .انا اللي باحييكم جميعا ..وباعتذرلكم عشان ساعات كلامي ما بيوفيكوش حقكم من الإعجاب .تحياتي وشكري

zizi يقول...

دعاء الجميلة ..ماهو كمان الراجل ما استحملش ياحبة عيني وطب ساكت ..ياريته ياختي كان قال نص الكلام ده وفضل معايا شوية كمان.ولذلك اوصيكم كلكم تخلوا اجوازتكم يقولولكم نص الكلام وتنصحوهم تقولولهم والنبي ياخويا ماتجيش على نفسك قوي شفت جوز فلانة حصله ايه ؟؟خلي بالك ياخويا بلاها لو كنت اعلم ..اديك علمت بدري اهو ..وقد اعذر من انذر اديني قلت لكم جميعا اهو وعلى المتضرر يفضل متضرر لحد ما يبانله صاحب ..وطبعا اللي لسه ما اتأهلتش تحط الكلام ده حلقة في ودنها ..ولكم تحياتي وشكري

zizi يقول...

صبري ..انا اللي باشكر كل ظروف حلوة عرفتني بحضرتك وبمدونتك الشهية وياريت احظى بتلك الزيارة دايماً فذلك شيء يسعدني .زتحياتي وشكري

zizi يقول...

نسرينا ..ما تكسفنيش بقى عشان انا لغاية دلوقتي ما زلت محتفظة بقلبين حمر لعيد الحب 2007 و2008وهو اتوفى يا حبيبي قبل عيد الحب2009 بكام يوم .انتي عارفة يا نسرين الحب مش بالكلام ممكن يكون فيه احياناً خلافات لكن فيه جوة القلوب رصيد يسمح ..انتي فاهماني معلش يا نسرين عشان انا مش قادرة اكمل .تحياتي وشكري

Ahmed demo يقول...

بجد بجد بجد رائعة ... مش قادر اوصفلك هي حلوة جداً اد اية :)