خواطر وخلجات
+اضافة الردود المتأخرة
مع خالص الأسف للتأخير
+اضافة الردود المتأخرة
مع خالص الأسف للتأخير
-محمد متولي طلب مني إني أدلو بدلوي في موضوع تطوير التعليم والحقيقة
إني كل يوم وأنا باكتب كنت حاسة اني باحلم بحاجات عمرها ما حا تتحقق والدليل على كده ان واحد زي الدكتور عمرو خالد بيتعامل مع البشر حالياً من علٍ وقس على ذلك من من المسئولين يمكن ان يقرأهذا ويتناقش فيه مجرد مناقشة ولا أقول تنفيذ بعض منه ..ولذلك يا أستاذ محمد فأنا اعتذر عن استكمال هذا الحلم فليس في العمر مايسمح أن اكمله في الأحلام ...
إلا إذا جبتلي جهة معينة ومحددة حانروح نناقش معاها هذا الكلام وحتى هذا الحين فأنا آسفةاني اعتذر واعتزل ..
إلا إذا جبتلي جهة معينة ومحددة حانروح نناقش معاها هذا الكلام وحتى هذا الحين فأنا آسفةاني اعتذر واعتزل ..
--------------------------------
-منذ قليل قرأت على الفيس بوك ما يفيد الآتي :-أن سكر الأسرة به مادة كيميائية تجعله "أكثر بياضاً"وهذه المادة تستخدم في صناعة الصابون وتناولها لمدة يؤدي للإصابة بسرطان القولون ..ويمكنكم للإستزادة الدخول على جوجل والكشف عن "سكر الأسرة "...
------------------------------------------------------------
-هناك مدونة حلوة لبنتين اسمها مدونة آلاءتين alaatenهي مدونة ظريفة ولقيت محمد متولي داخل عليها فدخلت ولقيتها مستواها رفيع ..وبس خلاص
----------------------------------
-لكل أم عندها أطفال ولكل شخص فيكم بيتناولوا شوربة إندومي ...هذه الشوربة بها مادة من المواد التي تضاف لإعطاء نكهة وطعم لهذه الشوربةهي مادة على المدى القريب تسبب البلاهة للأطفال هذه المعلومة سمعتها قبل حوالي سنتين أو أكثر ولأننا لسنا من هواة هذه الشوربةبدرجة كبيرة فلم اعر اهتماماً لهذا التحذير ولكن عندما ارسلته لي قريبتي الدكتورة الصيدلية بالسعودية مؤخراً وجدت من الواجب علي أن أحذركم منها وخاصة الأمهات وياريت نقلل عموماً من الوجبات السريعة لأن سمعتها ما بقتش حلوة ابداً خللوا بالكم..يا شباب هاتو كيلو بطاطس وحمروه ..وجنبه فرخة ماما تحمرها لكم وشوية تومية اعملوها في البيت احسن ميت مرة واضمن وارخص ..اللهم هل بلغت اللهم فاشهد
--------------------------
-واحد مرة دخل البيت متأخر مامته قعدت تزعق معاه قاللها طب بس اسمعيني ..قالتله بلا اسماعيني بلا زمالك ..روح كده
--------------------------
-واحد مرة دخل البيت متأخر مامته قعدت تزعق معاه قاللها طب بس اسمعيني ..قالتله بلا اسماعيني بلا زمالك ..روح كده
وبس خلاص
هناك 19 تعليقًا:
zizi العزيزة الذيذة
1 بالنسبة للتعليم اعرف شعورك هذا و اقدره لان هذه البلد لا تكرم صاحب الافكار و انما تكرم الزمار
الجملة اللى فاتت دى حصرى ليكى
2 سكر الاسرة مش عارف من يوم ظهور سكر الاسرة فى الاسواق و هناك عداء مستحكم بين الناس و بينه
3 ان شاء الله اتابعها
4 شوربة اندومى دى مشكلة و انا كتبت عنها من قبل مش عارف اقول ايه مجرد محاولتى تقليلها و الله العظيم العيال عملوا مظاهرة و يفط و قالوا الشعب يريد اندومى الشعب يريد اسقاط بابا و الله ده حصل مش بهزر
5 انا خايف تكون الام دى ماما زيزى
تحياتى و تقديرى و حبى
هههه بلا اسماعيني بلا زمالك
صباح الفل ياست الكل
صباح الخير
مشكله د/عمرو خالد انه بيركز في اللى بيعمله و بس ، هي ميزة و عيب فى نفس الوقت ، و الاندومي أنا سامعة عنه الكلام دا من زمان و اللى مش مصدق يدخل اليوتيوب و يتفرج ، أما سكر الأسرة فدي معلومة جديده أشكرك عليها ، و المدونه ها أشوفها إن شاء الله ، بس النكته على قد ما ضحكتني حسستني إنك متعصبة ، إبتسمي و لا تفقدى الخط الجديد الذي تعهدتى به من كام تدوينه كدا، طبعا حضرتك فاكرة .
و مش ها أقول حاجة تاني بس خلاص :)
ابراهيم رزق ..وحياة غلاوتك انا بارد عليك وانا في قمة التعب والدوخة وعندي الدوخة بتاعة الأذن الوسطى والحمد لله جزاهم الله خير ناس قرايبي وحبايبي حاياخدوني عندهم كام يوم لحد ما تروح الدوخة من نافوخي ..وعشان كده قلت ادخل ارد على حبايبي وعلى رأيك ماعرفش يموت الزمار وصباعه بيلعب "بس هم نسيوا يقولوا ان صباعه بيلعب على النت "
1- والله يابني انا مش عايزة حد يكرمني انا الحمد لله مستكفية تكريم انا بس عايزة حد يكون له القدرة على التنفيذ ويقول انا اهو واقف مع كل فكر جديد وحا نحاول ننفذه سوا ..
2-سكر الأسرة انا شخصياً حابطله مع اني ما باستخدموش الا نادر لما سكر الدايت يخلص .ز
3- اندومي دي انا باكرهها اصلاً لأن بالصدفة الولاد كانوا عاملينها ليلة باباهم ما اتوفى وشرب منها وتاني يوم بيقوللي انتي ليه ما قعدتيش عشان تشربي من اندومي كانت حلوة قوي وهو اليوم يا حبيبي في آخره كان متوفي طبعاً مش من الشوربة بس كل ما يعملوها افتكر الواقعة دي ..
النكتة دي والله مش انا الأم بس قريتها على الفيس بوك وقلت اضحككم شوية ..
وبس خلاص تحياتي وشكري وطالبة دعواتكم ..
سواح ..شفت بقى الناس اللي فاهمة كل حاجة دي .زبس هي غالباً بتتقال بلا كذا بلا ....مش برضه كدا ...ههههههههههههههههههههتحياتي وابتساماتي
ريهام اولاً اشكرك انك بقيتي من متابعيني الدائمين ..
ثانياً يارب التحذيرات دي اقدر اوصلها عن طريقكم لأكبر عدد من الناس ..بالنسبة لعمرو خالد على فكرة انا من المعجبين بيه بس كان نفسي هو يتولى حاجة زي كده لأنه فعلاً قادر انه ينقل حماسه للآخرين ..اما بالنسبة لحكاية متعصبة لالالا والله انا الكورة دي مجرد اني اتابعها اذا كانت مصر بتلعب مع بلد تانية في بطولة والا حاجة ..لكن غير كده انا باحب الأهلي بحكم ان كل رجالة وشباب الأسرة بيحبوه ...بس النكتة دي عجبتني فنقلتهالكم من على الفيس بوك
وماتخافيش انا زي ما اتعهدت قدامكم انا مازلت هذه الحديقة اللي صورتهالكم وعلى وجهي حاتفضل البسمة على طول طول ما انتم موجودين ..تحياتي وابتساماتي ..
السلام عليكم
شكرا لك امى على ما بذلتيه من جهد اتعبتك فيه فشكرا لك
المدونة فعلا جميلة تستحق المتابعة
باقى المعلومات لك خالص الشكر عليها
دومتى بخير
التعليم سيدتى قضية أمة ولكن يبدو أن الأمة فى حالة توهان ......
نحن مازلنا شعوباً ينظر إليها حكامها بأنها أقل من أن يحترم حقها فى حياة آدمية.
ههههههههههههه
ايه الام الكرويه دى :D :D
بالنسبه لاندومى .. جربته قبل كده ومش عجبنى قد كده
بالنسبه للتعليم مصر فعلا فيها افكار جديده ورائعه بس مين ينفذ
دمتى بكل الخير :)
صباح الورد يا ست الكل
لا أكبر غلط أن حتى الحلم نقتله لأن الواقع مؤلم بما فيه الكفاية وإذا زيزي تكلمت اليوم يمكن يتأخر تنفيذ الحلم ولكن بالتأكيد راح يتحقق على الأقل في جيل أحفادها فلا تقطعي الطريق وهذه بلدنا من حقنا أن نخطط لها مثلما نراه نحن مناسب لنا وليس مثلما يراه بضعة أفراد إستفردوا بالسلطة ...
بالنسة لسكر الإسرة فللأسف يا ستي بما أنني أعيش جو التعاملات التعاملات التجارية فثقي أن هناك حروب خفية بين الشركات وإطلاق مثل هذه الشائعات يكون سببها تجاري بحت وليس مثلما يشار بسبب مواد ضارة فيها وستجدين الكثير من المنتجات الناجحة التي نستخدمها يكون عليها علامات إستفهام صحية كثيرة ولكن الحقيقة غير ذلك ...
كنت بتمنى تحطي رابط المدونة حتى نتمكن نحن كذلك من زيارتها فدوماً جميل أن يكون بيننا تواصل ثقافي و إجتماعي ...
بصراحة دائماً تتردد حكاية المادة الموجودة في الإندومي وحتى لا أدلي بدلوي دون علم فأنا أحجم عن تصديق أو تكذيب ما يقال عنها حتى تصدر وزارة التجارة أو الصحة معلومات صريحة عنها دون لف أو دوران حتى لا نقع في نفس دائرة التنافس التجاري الذي تحدثت عنه فيما سبق ولكن بشكل عام ابنك من أيام مراهقته وهو بياكل الإندومي والحمد لله صحتي ممتازة ...
هههههههههههههههه واحد عنده الأم الرياضية العسل دي مفروض ما يزعلهاش في يوم ...
كعادتك تمتعينا بكلمات تخرج من القلب لتتلقفها قلوبنا بحب أكبر .
تحياتي ومودتي
مسآئك طُهر ي مآمآ
لآ لآ تحرمينآ من الأندومي دآ هُوآ حيآتي ^ـ^
حلو كلآمك ي جميلة
دمتي بخير
والله قصة التعليم في بلدنا قصة ! ربنا يصلح الحال يارب ..
بالنسبة لسكر الاسرة ، معلومة جديدة وخطيرة .
أما الاندومي فسمعت انها بها مادة مسرطنة وانها ممنوع تداولها في الغرب .. بس ساعات باشعر انه هذه المعلومات غير مؤكدة علشان مش من مصدر مسئول وربما اشاعات تم اطلاقها للنيل من هذه الشركة وذلك من شركة منافسة مثلا ؟؟ صح ولا لأ ؟؟
بالنسبة لعمرو خالد ،، انا بطلت اسمعه واشوفه من زماااااااااان
أما الالاتين .. فعلا مدونتهم جميلة ولي الشرف في التعرف عليهما .
بالنسبة للنكتة حلوة كثير كثير ههههههههه
كوني بخير دائما وابدا .
ماما
واحشاني أوي أوي على فكرة
مش عارفة حاسة إن الأحلام ملهاش عمر محدد ومحدش عارف عمره حيمد لغاية ايمتى يا ماما :)
مبحبش أسمع منك نبرة اليأس دي :)
،،،،
حلوة النكتة كتير :))
،،،،
شفتها مدونة الآلائتين،، أدبية وفيها كلام حلو
،،،،،
الأندومي،، كنت بتناوله فترة،، بس هلأ كلامك خوفني،، :))
،،،،،،
يعني شو بيستفيدوا لما يخلوا السكر أكثر بياضاً؟؟؟؟؟؟؟؟؟؟
ممكن اقلك كل سنه وانتى طيبه
ممكن اقلك كل سنه وانتى طيبه
الغاليه علينا كلنا ست الكل زيزى العزيزه
اجمل الاحلام هو ما يتحقق وليت احلامك تتحقق مع اننى اعرف انها صعبه بل مستحيله
اتمنى من كل قلبى ان تتحقق امنياتنا واحلامنا التى ستكون لصالح مصرنا الحبيبه
تحياتى الخالصه لكى
ملحوظه هامه احتاج الى رايك فى قصتى الجديده اتمنى هذا
ابووووووووووووووداود
ايشمعني سكر الاسرة ياسكر؟ انت فاتح مصنع سكر وبتحارب سكرة الاسرة....
وبعدين معاكي ياست الكل
افهم غيابك ده ازاي
طمنينا عليكي قلقتينا
تحيتي
الى كل الحبايب :محمد متولي انا بس باخد هدنة يا محمد وراجعة ما تخافش ..تحياتي وشكري
الأستاذ محمد الجرايحي ..لا يعلم متاهات التعليم الا من يعمل به ولاينبئك به مثل خبير مثلك يا أستاذ محمد قولهم والنبي ..
بنتي الغالية دودو ..اشكرك على تعليقك الرقيق وما اتحرمش منك ابداً
ريبال العزيز ..اشكرك على آرائك الرائعة وبالنسبة للحلم في تعليم افضل انا حاحاول اكمل بس بعد ما ارتاح شوية ..واللينك بتاع المدونة هو alateen.blogspot.com
وفعلاً يمكن يكون فيه منافسة في المنتجات الغذائيةواهو احنا اللي علينا ننبه الناس وبعدين بالتأكيدمش كل الناس بتسيب المنتج يعني بمعنى اصح كل منتج بيلاقي اللي بيشتريه وكلها ارزاق ..ومادام انت مجرب الإندومي المدة دي كلهايبقى انت خير دعاية له ..مش باقولك ارزاق ..دمت بخير ..
عازفة الألحان ..ولا يهمك تناولي الإندومي واهو ريبال طمن الكل انه بقاله سنين بيشربها..وانا باشكرك على كلامك الرقيق..
وجع البنفسج ..انا مبسوطة ان اضفت لكم حاجة ممكن تكون مفيدة وعموما ً خير الأمور الوسط..يعني الواحد يكون معتدل في كل حاجة تقوم ما تضرش ..وكويس ان المدونة عجبتك ..اما التعليم ده فحمله تقيل وربنا يسهل واللي يقدر على حاجة يعملها والعبرة بالتنفيذ
نسرين وحشتيني قوي ..ازيك وازي بناتك الأمامير..وانا مش يائسة انا بس عارفة نظام البيروقراطية بيعمل ايه في كل ماهو فيه امل ..وكويس ان المدونة عجبتك ..اما السكر والإندومي فأنا با أنبه بس لكن كل واحد حر في اختياراته ..بس ما دام فيه البديل يبقى ممكن نستخدمه واهو حالياً الواحد بقى خايف من كل حاجة ..
بنت قلبي وكل سنة وانتي بخير وصحة انت والأسرة الكريمة ..
ابو داوووووووووووووووووووود ..انا فعلاً نفسي احلامي تتحقق ..بس هي صعبة المنال ..وانا رحت وشفت القصة بتاعتك وعجبتني قوي ومعلش اتأخرت عليكم في الرد شوية ..تحياتي
تركيب الغالي ..ايوة يا سيدي ده السر اللي مخبياه عنك وعن الناس كلها انا فاتحة مصنع سكر صغير كده اطلع منه بسبوبة ..متهيألي ما حدش سامعنا ..ماتقولش لحد عشان الضرائب ..تحياتي
سواح في ملك الله ..انا با شكرك على سؤالك عني وانا يومين وراجعة ..احسبهم من الإعتيادي زي بعضه ..تحياتي وشكري
شكري للجميع وآسفة للتأخير في الرد
إرسال تعليق