Powered By Blogger

الاثنين، 3 أكتوبر 2011

خواطر حرة

انا كده ...
على فكرة اللي يعلق هنا ما ينساش يشوف القصيدة اللي فوقها ويعلق عليها عشان همّ مربوطين ببعض
ايوة انا قررت من النهارده اني اكون كده ...يعني اتحرر من كل
ما يثير حنقي او غضبي او حتى التفكير فيما هو سلبي ..اصل انا بقى بصيت لقيت نفسي شاغلة بالي بحاجات كتير كده وشاغلاكم بيها ..لأ من هنا ورايح لو قدرت على كلمة حلوة فيها فرح وحب وضحك حا قولها ..وحارمي همومي على اللي خالقني هو قادر على حلهاوحاعمل لكم نيو لوك...ههههههههههههههههههههههههه
تحياتي وشكري والى اللقاء

هناك 19 تعليقًا:

Unknown يقول...

سيدتى الفاضلة
قرار سليم ......
بارك الله فيك وأعزك

نسرين شرباتي "أم سما" يقول...

ع فكرة انتي مش مضايقانا ولا حاجة
وبرضه احنا بنفرح لما انتي تفرحي
خلتيني أخرج من مودي وأضحك والله واجي وأرد رغم ان عندي ردود متلتلة في مدونتي :)

Mahmoud Ahmed يقول...

صح كده
وهي دي نظره التفاؤل

لا تقل يا رب لى هم كبير و لكن قل يا هم لي رب كبير

مصطفى سيف الدين يقول...

عيشي الحياة واستمتعي بيها
وزي ما بيقول تيمون وبومبا اضربيها طبنجة :)
هناخد ايه من الزعل وشيل الهم غير ان الهم هيزيد
بتسمي واضحكي يا ماما وكل الامور تتصلح ان شاء الله

ابراهيم رزق يقول...

zizi العزيزة الذيذة

انسى الدنيا و ريح بالك
و اوعى تفكر فى اللى جرالك
ياللى دموعك لحبايبك
قولى ابتسامتك تبفى لمين؟؟
اوعى الالام تجرح قلبك
ده لسه فيه ف العمر سنين

مين الهنا يبقى قصاده
و تشغله عنه همومه
ياعاشق الليل لسواده
فايت لمين عشق نجومه
ليه تغل بالك مين يرحم حالك
كل اللى احبه حواليا
مين زى فى الدنيا اتهنى
حتى النجوم ملك ايديا
ادى تانعيم ادى الجنة
دوق الجمال و اتمتع بيه
من قبل ما يدبل و يزول
و اوعى يفوت يوم تحزن فيه
واسهر ده بكره النوم حيطول
النوم حيطول
ليه تشغل بالك مين يرحم حالك
مامون الشناوى

يا سلام على النيولوك لوك لوك لوك
بس اوعى تسافرى لبنان
احنا فى انتظار النيو لوك الجديد
بجد اجمل حاجة نعيش اللحظة يا ريت كلنا نقدر على كده

بصى حواليكى شوفى عيون و قلوب و ايدين بتحبك و تحضنك و بتحرسك و بتخاف عليكى من نسمة الهوا
تحياتى و تقديرى و حبى

سواح في ملك اللــــــــــــــــــه- يقول...

سيدتي

مساء الفل

ربنا يديكي الصحة

احسنتي صنعا فالله خير سند وخير معين



تحيتي يااستاذتنا

Unknown يقول...

أسعد الله أيامك و حقق لك أحلامك و أزاك كل مشاكلك
:) تقبلي تحياتي .

ظلالي البيضاء يقول...

ماما الحبيبة
إحنا مهما ضعفنا وحزنا لما نلاقي حوالينا الناس الطيبين .. لزوم نقوى ونحب ونفرح ..
أيوه كده الفرح بيطول العمر ..
ربنا يديك طولة العمر يارب .. علشان ما نتحرمش منك ..
تحياتي لك وقبلات شفاهي على يديك ..

رؤى عليوة يقول...

قرار رائع وقدرا إجتمعنا عليه فالأيام لا تخلو من كدر يؤرقنا ويجعل ملامحنا تئن بصمت ولو لم تنطق بالألم كلماتنا

والدنيا ما للفرح خلقت وانما دار بلاء واختبار واعداد لما نحن منه وله

ولأن الشكى لغير الله فعلا مذله وتبعدنا عن كل الناس اللى اكيد هيملونا يبقى قرار حضرتك مية مية صح ومعااااااااااك فيه ربنا يعنا بقى لانه صعب التنفيذ شوية

zizi يقول...

استاذي الفاضل محمد الجرايحي ..اشكرك على مساندتك لي وانا دائماً آنس برأيك ..تحياتي وشكري

zizi يقول...

نسرينا الجميلة..بذمتك مش احسن كده..هو الواحد لازم يعني ينكد على اللي حواليه لأ من هنا ورايح لازم ازقأططكم ..تحياتي وقبلاتي للثري إس

zizi يقول...

يا سبايدر مان بص بقى انت دخلت برجلك اهو ...لو فيه بوست ما علقتش عليه حيكون ليا براد شاي بحاله عندك واجيب كبرات البلوجر ونيجي نعمل حق عرب انت فاكر دخول البلوج زي خروجه ..لا يا مان ....هههههههههههههه

zizi يقول...

بص يا مصطفى انا قررت اخلي الحياة لونها وردي ..اما الألوان التانية دي فكفاية عليا قوي كدة هي كده ومش حاتيجي الا بكده ..تحياتي وشكري ..

zizi يقول...

ابراهيم ..حاكينا ..زعلانة سلينا ...الله يا ابراهيم وانت بتقول ليه تشغل بالك مين يرحم حالك ..بافتكر اللحن السريع بتاعها ..وبعدين :دوق الجمال واتمتع بيه من قبل ما يدبل ويزول واوعى يفوت يوم تحزن فيه واسهر دا بكرة النوم حا يطول ...ياريته يا خويا يطول بس دي حاتبقى النومة اللي هية ..وعشان كده انا قررت اعمل لكم النيو لوك لوك لوك ولا يهمك..واحنا يهمنا لبنان والا الهرم اهو كله حسب اللوك اللي بتديهوله بيطلعلك من الناحية التانية نيو لوك ..تحياتي وشكري ..

zizi يقول...

سواح ..وانا ماشي ليالي سواح م الغربة ياغالي سواح ايه اللي جرالي سواح ..وان لقاكم حبيبي سلمولي عليه طمنوني الاسمراني عاملة ايه الغربة فيه ..معلش يا سواح جت فيك المرادي اصل انا باحب الغنوة دي قوي ..ولكم عليا اخليلكم الليلة كلها اغاني بس كل واحد وظروفه وما تفرجهاش اكتر من كدة يارب ..

zizi يقول...

ريهام الحبيبة ..انا معاكم في كل حاجة حلوة . ويا ريت اقدر اسعدكم زي ما اسعدتوني ..تحياتي وشكري

zizi يقول...

ظلالي ابيضاء ..انا اشكرك لأنك من ضمن اسباب فرحي وسعادتي ..ويارب يسعدك زي ما اسعدتني انت وكل اخواتي واولادي المدونين ..

zizi يقول...

امة الرحمن ..وما ينبئك مثل خبير ..يمكن انتِ حسيتي بيا على البعد لكن انا حسبتها وقلت الله ماهو ربنا اللي في ايده الحل طيب انا اقعد شايلة الهم ليه مادام الحل مش عندي انا عنده هو سبحانه وتعالى وتصدقي اني فعلاً ارتحت جداً.زتحياتي وشكري ..

غير معرف يقول...

يا رب يبعد عنك كل حزن ..
واعملي نييو لوك :)
التغيير بالشكل يجدد النفسية