الأحد، 13 نوفمبر، 2011

بؤجة الحب ..


بؤجة الحب


لم يكن في بالي أبداً أن احضرتجمع بؤجة الخير

ليس لأني لا أحب هذه التجمعات ..بل احبها ومن مناّ لايحب تجمعاً في الخير ومن اجل الخير ..ولكن

لسبب في نفس يعقوب ..وعند المساء غير الله سبحانه وتعالى بمشيئته ظروفاً خاصة بي فقلت لنفسي مادام الله سبحانه اراد فلماذا لا أذهب ملبية رغبة ملحة في نفوس ابراهيم رزق والأستاذ فاروق وبناته وكذا ملبية رغبة في نفسي لكي ارى الكثيرين والكثيرات ممن اسعدني الحظ من ان ارى تعليقاتهم في مدونتي واعلق عندهم ولكننا لم نر بعضنا البعض قبل ذلك ..وما أجمل أن تكون أول لقاءاتنا في لقاء للخير ..وبالفعل ذهبت واستمتعت رغم قصر الوقت ورغم أنهم كان البعض منهم يستعد للصلاة ثم لإستكمال رحلة العطاء في محطة اخرى من محطاته ..استمتعت بالأستاذ فاروق وطيبته التي تطل من عينيه قبل كلامه وباهتمامه بالجميع وانصاته لهم ..أما عن بناته فحدث ولا حرج فهما قمة في الخلق والذوق والأخلاق واللباقة في الحديث حتى انني كنت  اتمنى ان يطول بنا الوقت لكي استمتع بالحديث معهما لفترة اطول ..ولكنا افترقنا على وعدٍ بلقاء قريب ..وشيرين سامي تلك المبدعة صغيرة السن كبيرة المقام والمكانة ..رفيعة الأدب والذوق ..كم اسعدتني معرفتها ..
أما فاتيما ..تلك الملاك التي ترتدي ثوب البشر فلا أجد في مفرداتي ما أقوله عنها فلقد كانت معرفتي بها للحظات ٍ قليلة في وفاة زوجي رحمه الله ولكنها لحظات ارتسمت في خيالي وتمنيت أن اراها ثانية بل عشت معها لحظاتها الحياتية وما خبأته لها الدنيا حتى اني كنت ومازلت ادعو لها مثلما أدعو لبناتي بالسكينة وراحة البال ومازلت اقول ان الله مازال خيره لاينفد وبحوره ملأى باللآليء..

أما ابراهيم رزق فلا اجد ما أقوله غير أن مازال هذا الزمن فيه من الرجال طالما مازال فيه امثال ابراهيم رزق ..اما باقي الجلسة فلاانسى منى ابو السعود ورقتها ولاانسى داليا قوس قزح وحماسها ولا كيارا وتجربتها في بنك الدم وخوفها المتأجج على مصر وما يحدث فيها ..والشباب كلٌ بإسمه لهم مني كل تحية واحترام ولقد سعدت بكم فأرجو أن اكون قد أسعدتكم والله يكافئنا جميعاً على حسن النيات ..

هناك 37 تعليقًا:

شيرين سامي يقول...

ماما زيزي العزيزه الحبيبه :)
سعدت و تشرفت بمعرفت حضرتك و والله لما شوفتك كأني كنت أعرفك ما حسيتش غير بإنك الحضن الدافئ لكلماتي و إنك ضهر ليه في البلوجر :)
كتير اللي حضرتك وصفتيني بيه بجد أحرجتيني جداً بذوقك بس أنا مش صغيره في السن على فكرة أنا بس شكلي اللي صغير...ناس بيفتكروني لسه في الكليه و أنا متخرجه من 10 سنين :)

أشكرك و سعيده إنك في حياتي و أتمنى دائماً أكون عند حسن ظنك.

أرق تحية و قُبله لكي

حميد يقول...

جميل والله وهذا لطف منك وذوق
أتمنى المشاركة منك يا افندم فى مجلتنا الإلكترونية والتى تصدرأسبوعيا
جهزى لى مقالا يتحدث عن الأسرة أو المرأة أو الطفل
وارسليع على إيميلى بإسمك
وانتظرى أن أرسل لك العدد الأول من المجلة الجمعة القادمة وبه مقالك إن شاء الله
هذا ايميلى
abdomoh99@yahoo.com

faroukfahmy58 يقول...

زينب صادق
اميل الى ان اسميكى باسم مولدك وقت تشرف الوجود باهدائك لنا وكم لاتستسيغه نفسى اسمك الدلالى
حظيت اذنى برؤياك من خلال صوتك الناشد وبحكم ابنتى الدكتورة جيهان الدارسة اجدر منى فى علم الاصوات من خلال معهدها الفنون المسرحية حينماكان اللاتصال بينكما هاتفياووعدتها بزيارتها. حكمتُ على هذه الايام بالقسوة وحكمتْ على بالاعزل وما انا بالاعزل المغترب
اين اخى واختى اين عمىوعمتىوخالى وخالتى اين جارى الذى لا يعرف اسمى ولكن وجدت كل هؤلاء وغيرهم متمثلين فى حمع هذه الصحبة المباركة ... واننى اود ان اعرف صاحبة هذه الفكرة وان كنت اتصورها فى كل واحدمنا اشكر مين والا مين ؟؟فقد فاض الكلام وبقى تحديد موعد لقائنا الدم ان شاء الله
الفاروق

فاتيما يقول...

يا لهوى يا شوشو
متقوليش يا بنتى
خليهم ينخدعووووووا

شوشو دى تبقى شيرين القمررررر


ويا ماما زيزى
يا ست الكل
انا عاجزة عن انى أقول أى حاجة
وأسفة جدا لأنى معرفتش أقعد كفاية معاكى ونقعد نرغى ونحكى
بس ان شاء الله هتيجى اكيد مناسبة تانية
ومش هتكون البؤجة آخر مرة ابدا
وحضرتك هتنورينا تانى وتالت
والغرض اللى ف نفس يعقوب ..أى كان هينتهى اكيد

حضرتك نورتينا الشوية اللى قعدتيهم
ولو كنتى ساكتة شوية
ومقولتيش حاجات كتير
بس ساعات الصمت بيكون بلاغة
وبيقول كتيييييير

واصلا حضرتك من الناس اللى دخلوا قلوبنا بمجرد تواجدهم ف بلوجر لمدة قصيرة ودى علامة خير قوى
زى رامى مثلا
وناس تانية
من الاول وهما ظاهرين وشفافين وداخلين القلب بنفاثة ...
:)


عقبال كل بؤجة
مليانة حب بكل القلوب اللى بتيجى وشايله جواها الخير ....
زى حضرتك
وزى شيرين وابراهيم وكل اللى جه
واللى مقدرش ييجى وشاركنا من بعيد
لكن كان قريب


كل الود والحب لحضرتك
يا ست الكل
الـ :-* دى
على جبينك الطيب

هبة فاروق يقول...

ماما زيزى
ذكرتى الجميع لاوصافهم ونسيت وصف نفسك فدعينا نصفك
انت الام الحنون التى ضمت بجناحيها جمعنا الحبيب
اشكر الظروف وموجة الحب التى جمعتنا

ابراهيم رزق يقول...

ziziالعزيزة الذيذة

حلوين من يومنا و الله و قلوبنا كويسة
و بقدم احلى فرحة و معاها ميت مسا

فعلا اليوم كان جميل بكم و الصحبة الحلوة فاتيما روح القلب الملائكية و شرين سامى و داليا و منى ابو السعود و الفاروق ملكا و اميراته و كيارا و ازهرى و ضياء و ابوحميد و شريف صابر و عمرو يسرى و عمرو فكرى و بكى زيزى العزيزة الذيذة مش عااااايز انسى حد لكن الكل جميل و الصحبة حلوة بكم بجد استمتعت باليوم رغم افتقادى لرامى لكن كان معانا على التليفون
يارب يخلوكوا كلكوا

تحياتى و تقديرى و حبى
الى اجمل ام فى الدنيا

الاحلام يقول...

هنيئا لكى ما رايتى وما استمتعتى هنيئا لكى ما شاهدتى فنحن نحسدك عما رايتى ومع من تحدثتى ولكنى احب ان اقول مثلما استمتعتى بهما فهم ايضا بالتاكيد استمتعوا بمقابلتك الجميله التى نتمناها جميعا
اتمنى من الله عز وجل ان يكتب لنا اللقاء جميعا فى القريب العاجل
تحياتى يا احلى صحبه واحلى اخوات
اتمنى لكم داوم الصحه والعافيه
ابوووووداود

ظلالي البيضاء يقول...

ماما زيزي الحنونة ..
سمعت عن الندوة مؤخراً وتمنيت لو كنت بين كل الحبايب الموجودين ..
يا رب يجمعنا في مناسبات قادمة ..
مع الرائعين والطيبين اللي معظمهم اتجمعوا حوالين حضرتك .. وعرفت معظمهم من خلالك ..
تحيتي ومحبتي ..

أبو حميد يقول...

سعدنا جميعا برؤية حضرتك
الناس النقية اللى عيونهم حلوة وقلوبهم صافية بس بيشوفوا دايما مميزات الناس حواليهم
تحياتى يافندم وسعيد بمعرفة حضرتك وزيارة مدونتك

سواح في ملك اللــــــــــــــــــه- يقول...

ياست الكل

ربنا يجازيكوا خير

norahaty يقول...

جمعكم الله دائـــما
فى الخير وعمل الخير

ريبال بيهس يقول...

صباح الورد ياست الكل

لا حرمكم الله أجر هذا اللقاء وغبطتك عليها فكثير ما نحادث أشخاص هنا من خلف شاشات المحمول ولا نعرف أشكالهم ولكن نتخيلهم ونحن نمني النفس بلقائهم وأنتم حققتم المعادلة الرائعة في فن التواصل ونقضتم فرضية أنه عالم رقمي إفتراضي لا صداقات أو روح فيه ...

هنيئاً لكم هذا اللقاء وبإذن الله تستمر ولا تتوقف عند حد معين .

تحياتي لجميع الأصدقاء ولك يا ست الكل .

مصري جدا يقول...

صباح الفل

حبيت بس أعدي

محمد الجرايحى يقول...

أدام الله عليكم جميعاً هذه الأخوة الصادقة ودفئها.....

ريــــمــــاس يقول...

مساء الغاردينيا ماما
مساء الحب والحنان والطيبة
مساء يليق بقلبك الحنون العامر بـ الحب أتعلمين ورب السموات أبتسمت لأنكِ وصفتِ الغالية شيرين والغالية جداً منى والغالي أستاذ ابراهيم والرائع الراقي الشامخ أستاذ فاروق وبناته الرائعات بمثل ماكنت أتخيلهم وأجمل وربي رغماً عني غبطتك كما قال الغالي ريبال لأنه رائع وجميل ذلك اللقاء لاحرمكم الله طيب قلوبكم ولا حرمني تواجدكم وإن كان خلف معرفات فقد نلتقي يوماً ولازلت أمني نفسي بـ لقاء "
؛؛
؛
أمي الغالية سامحيني لتأخري فقد كنت مسافرةواليوم عدت لاكون هنا "
؛؛
؛
لروحك عبق الغاردينيا
كانت هنا
reemaas

الجوكر يقول...

ماما زيزى

تجمع مبارك ان شاء الله

فلله در هذا التجمع الذى جمع قلوب بيضاء من اجل عمل نبيل

جزاكم الله كل خير

وجعله فى ميزان حسناتكم

وكم كنت اتمنى ان اكون بين هذه الصحبة الجميلة


لكِ وللجميع تحياتى وكل التقدير

Ms Venus يقول...

ربنا يجمعكم دايما فى الخير يا استاذة

عازفة الالحان يقول...

صًبآأحِك مُزهر مآآمي

مآآشآءالله عليكُم .,
حققتم أمنيتي بأن اتقآبل مع الكثير من المُدونينْ
مآ أجمله من لقآآء

ربي يجمعكم على الخير يآرب

دُمتم بخير

zizi يقول...

شيرين الغالية ..
انا برضه لما شفتك حسيت اني شفتك قبل كده ..وعلى فكرة مهما قلتي متخرجة من كام سنة حاتفضلي في عيوننا البنت الصغنونة بتاعتنا ..وانا سعيدة بيكي واتمنى ان يتكرر اللقاء ..

zizi يقول...

حميد ..انا اشكرك على اهتمامك وآسفة لأن البلوجر واللاب توب كله باظ عندما كنت احدثك وقعد خمسة أيام بره لحد ما اتصلح ...واخبار المجلة الإلكترونية إيه انت قلت الجمعة والنهاردة السبت ..ما تبعتها بقى ..تحياتي وشكري ..

zizi يقول...

الفاروق الأعظم ..فاروقنا ..

مش مشكلة عندي تناديني بأي إسم تحب تناديني بيه ..وانا استمع لأي نداء ..وأنا سعدت جداً بحضرتك وان شاء الله نتقابل في القريب ..اما عن الصوت فأرجو أن تكون الصورة مكملة للصوت ان شاء الله ..اشكر لك كلماتك الرقيقة وتحياتي لك وللبنات ...

zizi يقول...

فاتيما الغالية ..دايماً كلامك بينقط شهد وانا باشكرك على مجاملتك الرقيقة وسعدت جداً معاكم وبيكم وإن شاء الله يكون لي معاكم جلسات تانية لأن قعدتكم ما يتشبعش منها ..وحتى نلتقي لك مني اعطر التحيات ..

zizi يقول...

هبة فاروق ..

انا اللي باشكر الظروف اللي جمعتنا وباشكر بابا وماما انهم عرفوا يربوا وباشكرك انت وكارولين انكم جيتوا ويارب نتقابل دايماً على خير ..

zizi يقول...

ابراهيم رزق ..طبعاً انا باشكر من خلالك كل الأسماء اللي ذكرتها ..والقعدة رغم قصرها كانت حلوة قوي بيكم ..وان شاء الله نتقابل في قعدات حلوة كتير جاية ..

zizi يقول...

ابو داووود ..انا باشكرك على مجاملتك الرقيقة وياللا شد حيلك معانا وحاتلاقينا جايينلك اسكندرية ..نقضي اليوم هناك ..تحياتي وشكري لك ونتجمع دائماً على خير ...

zizi يقول...

ظلالي البيضاء ...ان شاء الله يكون لنا نصيب ونشوفك في القاهرة قريب ..واشكرك على كلماتك الرقيقة ..

zizi يقول...

ابو حميد ...
انا اللي سعيدة برؤية مجموعة الشباب اللي يفرحوا القلب ..وفعلاً مصر فيها الكتير بس يدولهم فرصة ..والتجمع ده خير دليل بارك الله فيكم يا اولادي الغاليين ونتقابل دايماً على خير ..

zizi يقول...

سواح ..يا سيد الكل نفسنا نشوفك ..والمرات الجاية كتير ان شاء الله ..

zizi يقول...

نوراهاتي ..اشكرك وان شاء الله تكوني معانا في المرات القادمة ..

zizi يقول...

ريبال الغالي ..حقاً كانت السعادة في كل العيون وخاصة التي ترى بعضها لأول مرة ..وكانت كل العيون تلمع بالحب ..وما أروعه الشباب من الجنسين وما أروعها روح الحماسة التي تخرج من بين كلماتهم وما أطيبه مستقبل مصر بهم ..وياليتك كنت معنا ولكن انت وعدت وان شاء الله تيجي مصر على خير ويومها كلنا نتجمع بإذن الله ..تحياتي وفي انتظارك ....

zizi يقول...

مصري جداً

صباح الفل ...

حبيت بس أصبح ...

zizi يقول...

استاذي الفاضل محمد الجرايحي ..

نشكرك على هذه الدعوة الطيبة وقريباً إن شاء الله نعمل التجمع في الإسكندرية ونشوف حضرتك وكل ناس إسكندرية الأفاضل ..تحياتي وشكري ...

zizi يقول...

ريماس ...ياسلام ياسلام جاية تتسحبي وداخلة كده وانا خاصمالك من مرتبك كل الأيام اللي غبتيها عننا حتى لو كنتي مسافرة مالناش دعوة بتوحشينا هه

عموما سماح عشان انت ريماس حا اعمل ايه بس في قلبي ده الرهيف ...وبعدين يا ستي انت مش وعدتيني انك جاية ووعدتيني بحاجات تانية كتير انتي بتضحكي عليا والا ايه ..انا في انتظارك وكل اخواتك من جماهير مصر حاتلاقينا مستنيينك في المطار انت والحلو بتاعك ومش حاقول اسمه عشان انا "باخشى عليه ضوعة الطيوب ِ"
تحياتي وشكري ..

zizi يقول...

الجوكر ..اشكرك على هذه الكلمات الرقيقة ,,واحنا اللي كان نفسنا نشوف واحد باحساسك ده حايكون شكله ملائكي اكيد ..عموماً في المرات الجاية نشوفك ..تحياتي وشكري

zizi يقول...

حبيبة قلبي فينوس ..والخير حايكمل لما تكوني انت معانا يا بنتي الحبيبة ..المرة الجاية نلاقيكي وسطينا ان شاء الله ..

zizi يقول...

عازفة الألحان ..
اشكرك على ذوقك وياريتك كنتي معانا ..والمرات الجاية نتقابل كلنا ..تحياتي وشكري ...

mohammad nabiel يقول...

أسأل الله أن يبارك فى هذه الصحبة التدوينية الطيبة.