الثلاثاء، 22 نوفمبر، 2011

حوالة بنكية

في المساء كما تعودت قبيل نومها تحضر الموبايل

لتنظر فيه نظرة عامة فقد تكون لديها missed call

أو ماشابه ..وكانت الساعة حوالي الثانية صباحاً


بعد أن انتهت من كل برامج التوك شو ..وتابعت أخبار المظاهرات

في جميع الميادين ..وذهبت لتخلد للنوم واذا بها تجد على الموبايل

رسالة واضحة الكلمات والمعنى :بنك مصر :عميلنا العزيز..توجه لأقرب فرع

"بنك مصر"لصرف حوالتكم رقم 021227084779..

قولوا لي ياسادةلو حد فيكم جاتله الرسالة دي حايعرف ينام ؟؟

هي بقى نامت بمنتهى الروقان وصحيت صلت الفجر ونامت تاني ..

وقامت وهي جواها إحساس حلو بس ناسية من إيه ..ولما افتكرت


قامت بمنتهى الثقة وطلعت نمرة بنك مصر من الدليل واتصلت ..

ايوة حضرتك انا جاتلي رسالة بتقول كذا قاللها حضرتك متوقعة حوالة من حد بذمتكم تقول ايه قالتله طبعاً متوقعة قاللها نمرة موبايلك كام قالتله كذا

قاللها اسمك بالكامل ايه قالتله كذا قاللها للأسف يا مدام النمرة غلط يعني هي جاية لنمرة تانية بس اتصلنا بيكي غلط .....هيء هيء هيء هيء..

وصحيت من الحلم على الحقيقة المرة ..

هناك 19 تعليقًا:

ظلالي البيضاء يقول...

ماما زيزي ..
الأحلام أحياناً بتبقى ذكريات جميلة برده ..

ابراهيم رزق يقول...

zizi العزيزة الذيزة


هههههههههههههههههه
هى السماء بتحدف كتاكيت

الحمد لله على نعمته ربنا يدوم الستر

تحياتى و تقديرى و حبى

سواح في ملك اللــــــــــــــــــه- يقول...

هههههههههه

هي ارزاق

مدونة رحلة حياه يقول...

السلام عليكم
معلش خيرها فى غيرها
واللى رزقه مبفوتوش
دومتى بخير

مصطفى سيف الدين يقول...

ههههههههههههه
والله ضحكتيني يا ماما
معلش بقى تعيشي وتاخدي غيرها :)

faroukfahmy58 يقول...

عارفه يا زوزو ساعات هناك اشارات بقدوم الخير فيمكن تكون هذه الرسالة وان لم تكن لك فهى اشارة بقدوم خير كبير كما تشير العواصف بسقوط الامطار

بس لو نزل المطر ماتنسناش يا زوزو وبالنص يا حبيبتنا
الفاروق

zizi يقول...

ظلالي البيضاء ...ده مكا كانش حلم والله ..دا كان علم وماكانش فاضل عليه الا أن يكون لي موظف البنك اتفضلي في أي وقت يعجبك ...المهم اهو حلم يفوت ..وفي انتظار ماهو اوقع إن شاء الله ...تحياتي وشكري

zizi يقول...

على رأي المثل يا ابراهيم : جت الحزينة تفرح ما لقتلهاش مطرح ..وسيادتك فرحان قوي يعني هو انا كنت حاسيب حبايبي ومخلصيني ..معلش يا ابراهيم الجايات اكتر من الرايحات ..تحياتي وشكري

zizi يقول...

سواح ..هي فعلاً ارزاق والله هو الرزاق ذو القوة المتين ...تحياتي وشكري

zizi يقول...

محمد متولي ..صحيح خيرها في غيرها وربنا عنده الكثير ..ومازال المؤمن في رزق حتى تحين ساعته ..تحياتي وشكري ..

zizi يقول...

اسكت يامصطفى كنت عايزاك تكون معايا وان باطلب بكل ثقة ...هو يعني معقول البنك حايغلط ؟؟بس للأسف لقيته بيغلط لأجل حظي ...تحياتي وشكري وانا ممكن ارفع عليهم قضية واكسبها مش هم عيشوني في الحلم ده وده يساوي كتير ..

zizi يقول...

ولا يهمك يا فاروقنا المعظم ..بس هي تهطل وانا اقعد الم واوزع ..يارب يسمع منك ربنا ..تحياتي وشكري

ريــــمــــاس يقول...

صباح الغاردينيا ماما
اممم تسمحي لي اضحك اصله عيب تضحك البنت على موقف حصل لمامتها بس بجد حاجة تضحك وان كانت حاجة مزعجة بعض الاغلاط بتعيش في حلم ولما نصحى من الحيلم بنتمنى لو الغلطة ماتتصلحش هههههه
معليش ياماما انا حجي مصر اشتكي البنك وارجع بدافع عن مامتي هههههه"
؛؛
؛
لروحك عبق الغاردينيا
كانت هنا
Reemaas

ريبال بيهس يقول...

مساء الفل يا ست الكل

هههههههههههههههه لا أنا مش زي ريماس

أنا قليل أدب شوية وبصراحة عشان ما

تزعلش ست الكل أنا كمان أمي لو وقعت

في موقف بالشكل دا هضحك فمتزعليش يا

أحلى أم بس يكفي عشتي كام ساعة في

حلم حلو حتى لو صحيتي على كابوس بشع

بيفضل للحلم طعم بقية اليوم ...

هبة فاروق يقول...

حبيبتى ماما زيزى
هى ارزاق طبعا ..بس اتوقع المره الجايه الحظ يكون احسن وتطلع النمره صح
تحياتى لكى ولقلبك الصافى
ملحوظة ..دائما بلوجر بيعاند معايا وكثيير من التدوينات اللى بتابعها مبتظهرش مع الاسف
اتمنى انك تعزرينى على التأخير

الاحلام يقول...

ليت الايام والليالى تعطينا ما نتمناه ونحلم به
بس الحلم الى زى ده متهيالى يجيب الضغط والسكر معا هههههههههههههههههههه
على العموم دائما ما نستمتع ونسعد هنا قانتى فاكهة الزمان وكل زمان
تحياتى الخالصه الرقيقه لكى ابووووووووداود

حميد يقول...

كلماتك جميلة
شكرا لك
صحيح لا تنسى مجلتنا بكتاباتك الرائعة
هذا ايميلى للتواصل
abdomoh99@yahoo.com

راحلة للقصيدة يقول...

السلام عليكم ورحمة الله وبركاته


ههههههههههههههههههه
حصلت والله حصلت فعلا
ومش بنك مصر لا دة بنك أجنبى كمان وخارج مصر ونمرة دولى ونتصل بها يسحب من الرصيد نتصل يسحب من الرصيد
النمرة دية استلمتنا بتاع ثلاث ايام
المهم عملنا شوية اتصالات ههههههههههه
نكتشف أنها نصباية كبيرة .

وبكرة نأخذ غيرها وعجبى.

تسلم يدك يا ماما


وسلامى .

راحلة للقصيدة.

وجع البنفسج يقول...

هههههه عادي بتحصل في احسن العائلات

تعيش وتاخد غيرها ..