الأحد، 10 مارس، 2013


الحقوني ..أنا اتنشلت ..

عندما كنت اسمع عن حوادث النشل لم اكن اتخيل ان اصبح انا الفريسة في يوم من الأيام ..ولكن قدر الله ان اقع الليلة الماضية ضحية لحادث نشل ..أو بمعنى اصح لحادث اختطاف شنطة يدي عنوة وانا اسير لحضور ندوة ادبية في شارع محيي الدين ابو العز ..وفجأة ظهر امامي موتوسيكل يسير بسرعة فائقة وعكس الإتجاه ..وفي ثواني كان ما كان ووجدت نفسي انظر خلفي غير مصدقة ماحدث فقد كنت متخيلة ان يد الشنطة شبكت في الموتوسيكل وفي انتظار ان يقفا ويعتذرا ويردا لي الشنطة ولكن بعد ثواني وجدت نفسي اسير في الشارع اكاد ابكي وانا اقول خطفوا الشنطة ..خطفوا الشنطة ولكن بالطبع لم يكن صوتي يفيد شيئاً بعد ان كان السارق في مجال آخر تماماً..وجاءت بجواري فتاة رأت حيرتي وسمعت همهمتي فسارت معي وهي تحاول جاهدة ان تفعل شيئاً ولكن ماذا تفعل ؟؟اخرجت عشرون جنيهاً من حقيبتها وعرضتهم علي في محاولة منها لمساعدتي ..وبالطبع رفضت لأني كان لزاماً عليّ أن اذهب لتلك الندوة للإعتذار وخاصة ان موبايلي كان من ضمن المسروقات ..وبالفعل أكملت معي الفتاة المسافة المتبقية ولم تكن بالطويلة ..وذهبت لمكان الندوة وشربت قليلاً من الماء ثم حكيت للزميلة التي كانت قد سبقتني عما حدث فقالت لي لقد حدث نفس الشيء معي منذ اسبوعين ..وانتظرت الزميل الفاضل رئيس الندوة حتى اعتذر له عن عدم استكمالها ..وبالفعل نزلت بعد ان اخذت منه نقوداً للعودة ..ومن ستر ربنا أني منذ اسبوع كنت قد صنعت نسخة من مفتاح الشقة واعطيتها لجارتي تحسباً لأي طاريء ..ورغم احساس "الخضة "الذي احسست به ..ورغم ما ينتظرني من مشاوير لعمل البطاقة وغيرها من الكارنيهات الخاصة ..ورغم احساسي بالغصة لفقد الكثير من خصوصياتي وخاصة تلك الأرقام التي كانت على الموبايل ..إلا أنني أحمد الله كثيراً على سلامة اولادي واحفادي فهم  من نعم الله الكثيرة عليً والتي تساوي عندي الدنيا ومافيها  ..ولكني أتساءل إلى متى سيستمر مسلسل ترويع المواطنين الآمنين في الطرقات ؟؟؟ومن سيحاسب على ذلك يوم القيامة ؟؟؟

هناك 29 تعليقًا:

faroukfahmy58 يقول...

الف سلا مة لك يا زينب
للاسف هذا الامر يحدث كثيرا
انتظرى بعض الوقت فمن المحتمل ان يرد لك السارق عن طريق البريد بعض الاوراق الهامة او الموبايل اذا كان عنده شئ من الرحمة
الرحمة التى اصبحت رخمة عند معظم الناس الذين لا يقدرون ابعاد كل فعل مشين

شمس النهار يقول...

سلامتك الف سلامه يازيزي

معلش ربنا يعوض عليكي

مشكلة خطف الشنط دي من زماااان بس كترت اليومين دول من ضمن البلطجه اللي بتحصل

لما تمشي في الشارع خالي الشنطه ناحية الرصيف مش ناحية الشارع
وماتخليش معاكي فلوس كتير والموبايل خاليه في جيبك والبطاقه خالي صورتها بس معاكي والبطاقه نفسها في البيت
وكذلك اي كارنيه

وان شاء الله الغمه تنزاح ونرجع تاني بلد الامن والامان

ربنا يحفظك ويحفظ اولادك واحفادك

فاتيما يقول...

الف مليوووووووووون سلامة عليكى يا ماما
وانشالله مرسى وجماعته وعشيرته واهله كلهم

:)

انا متخيلة الخضة شكلها ازاى
بس زى ما حضرتك قولتى
الحمدلله انك بخير
والولاد والاحفاد
وربنا يسلمك من كل شى
الحل بقى مؤقتا
تمشى ع الرصيف قدر الممكن
وتبعدى عن الشارع الا ف حالة ما بتعدى وبس ..
وتتبتى ع الشنطة

عارفة حضرتك انا لما كنت بنزل التحرير
كنت بحط ف الشنطة أهيف الهيافات
وبحط فلوس ف جيب
والموبايل ف جيى التانى
مع البطاقة
وكدا لو الشنطة اتسرقت او انا جريت وقعت
اى حاجة ...
مفيش حاجة مهمة تضيع

اعملى كدا
الموبايل والفلوس تبقى ف جيبك
وزعى الحاجة يعنى
زى شموسة ما بتقول


والف سلامة عليكى يا حبيبتى

صباح الرضا
وحمدلله ع السلامة
يا ست الكل

:-*

مصطفى سيف الدين يقول...

معلش
الحمد لله ان حضرتك بخير
و كله هيتعوض ان شاء الله و الفلوس الحلال مش بتضيع ابدا هترجعلك بشكل او بآخر
ده بقي حال البلد يا امي مفيش لا امان و لا استقرار و لا اي دولة اصلا

ريهام المرشدي يقول...

السلام عليكم
ألف سلامة عليكي و الله زعلتيني باللى حصل دا :( ، الحمد لله أنك كويسة و غالبا ما سترد إليكي أوراقك كما حدث معي من قبل و الحمد لله أخد المحفظة و رمالي الشنطة في مكان بعيد و ابن الحلال رجعهالي .

ربنا يحفظك إن شاء الله ، أما متى يعود الأمان ؟ سؤال يصعب الإجابة عليه و لكن ثقتنا في الله كبيرة .

ظلالي البيضاء يقول...

ماما زينب ..
أسفت كثيراً لهذه الحادثة ..
وأعلم أنها غالباً تحدث خلال لحظات قليلة تتركنا في ذهول لساعات غير مصدقين أننا تعرضنا لهذه اللحظة ..

نسأل الله لك السلامة ولمصر الأمان والخير والاستقرار ..
ولا تترددي في قول :"اللهم أجرني في مصيبتي واخلفني خيراً منها" كما علمنا الحبيب المصطفى صلى الله عليه وسلم..

كذلك أرجو ان لا تكون خسارتك المادية كبيرة ..

كل التحية والمحبة والتقدير ..

ليلى الصباحى.. lolocat يقول...

لاحول ولاقوة الا بالله

بالأمس زارتنا اخنى وابنها رغم انها كانت متجهه للدقى لانهاء بعض اوراق خاصة بها لكن ماعرفت تمشى بالطريق بسبب بلطجية كانوا بيوقفوا الناس ويسرقوهم فرجعت بسرعة من الطريق وما انجزت مهمتها طبعا
كان شعورنا لايوصف وبابا غضب جدا ..الى هذا الحد وصلت مصر الامنة السالمة الهادئة
لاحول ولاقوة الا بالله

ربى يسلمك دايما اختى الحبيبة ويحفظك واولادك واحفادك دايما يااااااارب ومليون حمد لله على سلامتك فداك اى شىء

دمت بامان الله وتحياتى بحجم السماء

zeze يقول...

الف سلامة عليكي يا ماما زينب
وربنا يعوضك خير ان شاء الله
فعلا موقف صعب الواحد بقي يمشي في الشارع وهو خايف
بارك الله فيكي وفي اهللك يا حبيبتي

رؤى عليوة يقول...

حمدالله على السلامة يا ماما وربنا ستر وجت على اد كده
اما عن المسلسل فشكله طلع تركى له اجزاء كتير

ربنا يعوض ويسترها معاكى يارب وكله يهون

ما دمت بخير

نسرين شرباتي "أم سما" يقول...

المهم إنك بخير يا ماما

رشيد أمديون. أبو حسام الدين يقول...

المهم أستاذة زينت هو سلامتك.
أي نعم هناك أثر سلبي تتركهمثل هذه الحوادث في النفس، لكن نحمد الله على أن الذي ذهب يعوض.
حمدا لله على سلامتك، والله تعالى رقيب على كل شيء.

مع التحية والتقدير

P A S H A يقول...

حمداً لله على السلامة
الحمد لله قدر ولطف
:)

غير معرف يقول...


ثقافة الهزيمة ..أرجوك لا تعطنى هذا السرطان‏


نشرت صحيفة دى برسة النمساوية فى 3 أكتوبر 2012 " تقريبا كل المفاعلات النووية بها نقص" نتيجة أختبار التحمل للمفاعلات النووية فى أوروبا تدعو للقلق، تكلفة الأصلاحات فى 134 مفاعل نووى تم أختباره قد تصل إلى 25 مليار إيرو . فى فرنســـا و طبقا لصحيفة لوفيجارو لا يوجد مفاعل نووى واحد من ال 58 مفاعل نووى فى فرنسا يحقق مستويات أمان الوكالة الدولية للطاقة النووية.

ألمانيا و بلجيكا و سويسرا يقرروا إنهاء الطاقة النووية و أغلاق مفاعلاتهم النووية تدريجيا.

و نشرت صحيفة دير شتاندرد النمساوية فى 15 يونيو 2011 إيطاليا تظل خالية من الطاقة النووية، هو قرار الإيطاليين فى أستفتاء شعبى و الذى صوت بنسبة 95 % ضد الطاقة النووية...

باقى المقال بالرابط التالى

www.ouregypt.us

لماذا الأصرار علي الحرث في البحر ؟!! والمنطقة العربية مشهورة بصحاريها المشمسة فترة طويلة من العام. العالم الغربي يرجونا أن نصدر له الطاقة النظيفة عن طريق الخلايا الشمسية بالصحراء الغربية ، والمسؤلين الكهول المتحجرين الملتصقين بكراسيهم ما زالوا يصرون علي مشروع الضبعة النووي حتي لا يفقدوا عمولات حصلوا علي جزء منها والباقي ما زال في أنتظار التنفيذ ؟! طبعا سيستوردوا مفاعلات منالة أوروبا النووية ولتذهب منطقتنا الي جحيم الذرة ما دامت كروشهم مستمرة في التضخم !!!

Deyaa Ezzat يقول...

ألف سلامة على حضرتك

ويارب دايما بخير

وفي داهية أي حاجة :)

zizi يقول...

استاذي الفاضل استاذ فاروق ..اشكرك على كلماتك الرقيقةوربنا يسترها على الجميع ..

zizi يقول...

شمس الشموس ..اشكرك على سؤالك الكريم والحقيقة إني لما باكون لابسة جاكيت بجيوب فعلاً باحط الموبايل والفكة والمفاتيح في جيبي ..بس اليوم ده كانت جاكيت البدلة من غير جيوب وكنت واخدة كمان كتابين اهداء لناس في الندوة اللي كنت رايحاها ويمكن دول برضه زعلت عليهم قوي لإني عارفة انهم حايترموا مع الشنطة بعد ماياخدوا الموبايل والفلوس ..وحاقول ايه..قدر الله وماشاء فعل ..وفعلاً من قلبي باحمد ربنا انها جت على اد كده وربنا فدا حاجات كتير ..

zizi يقول...

فاتيما الغالية ..سألت عليكي العافية ياحبيبتي ..وعلى فكرةانا النهاردة نزلت رحت المكان نفسه عشان ما يجيليش فوبيا محيي الدين ابو العز ..هههه..والحمد لله تجاوزت الأزمة وربنا عوض عليا كتير ..اشكرك..واشكر الجميع ومعلش انا اتأخرت في الرد
عشان كان النت مهنج ..

zizi يقول...

ابني العزيز مصطفى ..اشكرك على سؤالك ..بس حاقولك حاجة لاحظتها الليلادي لما رحت هناك ..لقيت اكتر من عربية شرطة على طول الشارع ..والمنظر ده ما كانش موجود الأسبوع اللي فات ..ويارب تكون بداية خطوات للأمام ..يارب ..

zizi يقول...

ابنتي الغالية ريهام ..والله يا بنتي انا الخضة بس كانت جامدة عليا بس باحمد ربنا اني كنت سليمة عشان في الحالة دي ماكانش معايا اي حاجة تدل على شخصيتي وعشان كده قررت اني بعد كده لما انزل اي حتة زي ما عملت النهاردة اكلم ابني اقوله انا رايحة الحتة الفلانية أو حاقابل الشخص الفلاني عشان اقل ما فيها يبقى عارف يدور فين لو جرالي حاجة ..اشكرك

zizi يقول...

ابني العزيز محمد الذهبي ..تحياتي وشكري لسؤالك عني ..وبالفعل انا اتخضيت كتير بعدها ولو قلتلك يمكن لغاية دلوقتي بابقى خايفة انزل رغم اني في الآونة الأخيرة كنت بانزل اروح الأوبرا واماكن ثقافية اخرى ..حسيت اني مش قادرة اروح بس حاحاول اخرج من الحالة دي ان شاء الله ..اشكرك تاني يا محمد وربنا يطمنا عليكم في سوريا ويطمنكم علينا في مصر ..تحياتي

zizi يقول...

لولا الجميلة ..باشكرك على سؤالك ..وفعلاً انا لما رحت اعمل المحضر في قسم الدقي كان فيه عدة حوادث اقلهم الحادث الخاص بيا وكان فيه واحدة بتبلغ عن خطف ابنها وبنتها من قدام مدرستهم في الدقي بر ضه ..وربنا يستر ..شكراً لكي

zizi يقول...

بنتي الغالية zeze..اشكرك على سؤالك والحمد لله انها جت على اد كده ..وربنا يسترها يابنتي ..شكراً على سؤالك ..

zizi يقول...

ابنتي الغالية رؤى ..ياست الكل اشكرك على السؤال ونحمد ربنا على كل شيء ..وتحية خاصة جداً لماما العزيزة ..

zizi يقول...

نسرينا نسرينا نسرينا ..اهلاً بيكي واحشاني يعني اتسرق كل يوم عشان اشوفك والا إيه ..قبلاتي للثري إس ..

zizi يقول...

اخي العزيز رشيد ..اشكرك على السؤال ..ونحمد الله على جميل ستره ..خالص تحياتي وشكري

zizi يقول...

اشكرك ياشريف "باشا "وكله بيتعوض والحمد لله فعلاً قدر ولطف ..

zizi يقول...

ثقافة الهزيمة ..نشكرك ونشرت رسالتك لعل بعض من يتابعوا المدونة يهمهم ماتعرضه ..تحياتي

zizi يقول...

ابني الغالي ضياء عزت ..أولاً منور المدونة كلها ..ثانياً انا الحمد لله بخير..وانا دلوقتي حاروح ازور مدونتك عشان اسعد بيها ..تحياتي لك واحمد الله كل اللي ربنا يعمله خير..

الجوكر يقول...

متزعليش لأنك إتنشلتِ

فمصر أيضاً إتنشلت ..

عموما سيعوضك الله خيراً من الشنطة ومافيها

تحياتى