السبت، 14 مايو، 2011

ومضات روح -----1_العاشق والمعشوق

ومضات روح

عندما يتقد العقل وينبض القلب 
وترتجف    المشاعر

    تجد نفسك قد سمت ولاتجدمن روحك ...              سوى "ومضات روح"

فإلى كل من سمت نفسه أقدم

"ومضات روحي"

1_العاشق والمعشوق

كثيراً ما أحب أن أسمو بذوقي ومشاعري       وأصفوإلى نفسي

    وأذيب فؤادي في معاني بعض الكلمات      

التي قد تمر على الكثيرين مجرد لحن

أو بحكم الوزن والقافية...

   ولا أدري منذ عدة أيام أ لحّت على خاطري   

أغنيةلسيدة الغناء العربي "أم كلثوم"

وتأملت معانيهابل غرقت في بحور              تلك المعاني

ولتتأملوا معي ذلك المعنى الشامل:

عزة جمالك فين 000 من غير ذليل يهواك

وتجيب خضوعي منين 000 ولوعتي في جفاك

    هل يمكن بعد ذلك أن نجد محبوب        بدون.......          حبيب يحبه

    وكيف يمكن أن يقال هذا محبوب إلا           إن كان هناك

حبيب بالفعل وذلك الحبيب كيف يصبح

حبيباًإن لم يكن هناك محبوب؟؟؟؟

  أين هي تلك العزة وذلك التدلل إ ن لم يكن    هناك ذليل يهواك ...
وكيف تخضع(في الهوى)إن لم يكن هناك ذلك

الذي يعطيك هذا الإحساس بالإرتباط به إلى

هذا الحد...

وشدتني هذه المعاني إلى ماهو أرحب:

فنحن نقول في لغة الديكور"عاشق ومعشوق"

عن تلك القطع من الخشب التي تتداخل لتكون

    تصميماًمعيناً...بالله قولوا لي من العاشق       ومن المعشوق في تلك التصاميم؟؟؟؟؟؟

وهل إذا أبعدنا أحدهما عن الآخر يمكن أن

نطلق على أحدهما عاشق والآخر معشوق؟؟؟

أم أن تداخلهمامعاً هو الذي يعطيهما هذا التكوين :"عاشق ومعشوق"

      حتى بين البشر المتحابين على من     نطلق عاشق؟....وعلى من نطلق معشوق؟؟؟    أم   أن الإثنين يكونان معاً
منظومة جميلة يلعب فيها كل منهما
الدورين معاً دور العاشق ودور المعشوق...

    ومرة اخرى وجدت نفسي أنظرإلى          هذين الترسين
    في أي آلة..أو هاتين العجلتين             وما يربطهما من  سير...حقاً أحدهماكبير وألآخرصغير..
    ولكن..هل يمكن لهذا الكبير أن يسخر ...من...           هذا الصغير .. أويستهزيء به وهو يعلم تماماً
أنه لن يدور دورة واحدة إلاوهو يجري             ويلف مع هذا الصغيرفي اطار واحد  ترى من    يزعم انه يحرك الآخر؟!!

بل ولننظر معاًأعمق وأعمق..إلى ذلك الكون  وتلك المخلوقات أليس لها من خالق عظيم قال في محكم آياته :"وما خلقتُ الجن والإنس إلا ليعبدونِ"صدق الله العظيم
أي أن خلق هذا الكون أصلاًقائم على الحركة 
الدائمةبين الخالق والمخلوق
ولو لم يرد الله لهذا الكون البقاء..
    لما خلق هذه المخلوقات التي يكمن ناموس  الكون كله في حركتها في حد ذاتها...
ألا تروا معي أن مجردبيت من الشعر قد أوصلنا إلى أعماق من المعاني لا حصر لها ..
والآن ياصديقي..هل يمكنك أن تميز بين العاشق والمعشوق..أو أن تقول أنا ذلك المعشوق دون أن يكون هناك عاشق لك ..كما أنت عاشق له ؟؟جرب ..ثم اجب ..
وإلى اللقاء في ومضة أخرى من
"ومضات روحي"





هناك 48 تعليقًا:

faroukfahmy58 يقول...

zizi
اننى ابصر هذا العرض بعشق العاشق
وما عجبى موت المحبين فى الهوى ولكن بقاء العاشقين عجيب
عشقت ولو كان قلبى طائعا....
مااخترت غير معشوقى ولا رضيت سواه فى الهوى بدلاّ
سؤالك عن التمييز بين العاشق والمعشوق جوابه بعيد التميّز
فالعاشق والمعشوق واحد وان اختلفت المذاهب
ولكى معى حديث آخر بعد ردكى على جوابى

ابراهيم رزق يقول...

امى العزيزة

تكتمل الصورة عنما يلعب كل منهما العاشق و المعشوق
و تصبح الصورة باهتة اذا كان العشق من طرف دون الاخر مثل مجانين المشاهير تصبح الصورة اشبه بالكوميديا رغم ان احد الاطراف قد يكون عشقه قويا طاهرا و لكنه كالنهر الذى يصب كل ماءه العذب فى بحر شديد الملوحة
النقطة الثانية تفقد الزهور رونقها اذا لم يسقيها محب ولهان بها
تحياتى و تقديرى و حبى

الجوكر يقول...

سيدة الفكر الراقى

زيزى

تغوصين فى عمق الكلمة

لتخرجى لنا المعانى

بلون الصفاء

وشذى الرياحين

فلكِ لغة منسابة وذات وصف جميل

سيدتى ..

هنا وجدت حرف لهُ إبداع مختلف

لقد كان عطشى لهذا الابداع جآمح

فعندما رأيت غيمتك الحبلى بنقاء المطر

أتيت لأرتشف قطرة مآء حتى يرتوى الظمأ

سيدتى

تشرفت مدونتى بزيارتك الكريمة

فشكراً الف ولن تكغى


تقديرى ومودتى

zizi يقول...

استاذي الفاضل ..استاذ فاروق

تذكرت حالاً بيت من الشعر لأميرة الشعر :

فدوى طوقان
ياحبيبي..انت تحيا لتنادي ...

ياحبيبي انا احيا لألبي

اقولك حاجة تانية فاكر اغنية ليلى مراد

العاشق هو المعشوق والشاغل هو المشغول

والاتنين حالهم حايروق

لوعملوا زي انا ماحاقول

افتكرتها؟؟؟والا اغنيهالك

انت عارف انا عايزة اوصل لحاجة :

ان ما ينفعش اتنين محطوطين في موقف واحد

ان كل واحد فيهم يمثل دور

لأن في الحقيقة الأدوار متشابكة

ولا يمكن لحد انه يعتقد انه صاحب الفضل

في اي علاقة انسانيه..

يعني انا شخصياً لما بادي حاجة لحد غلبان

باشكره انه قبلها

لأنه اداني فرصة اني امارس متعة العطاء

(على فكرة قريب حانزل حاجة كنت كاتباها


عن الموضوع ده )


ودلوقتي يا صديقي العزيز ..متهيألي اننا متفقين ..

اليس كذلك ؟؟

zizi يقول...

ابراهيم....فينك؟؟وحشتنا..النت عندك اتصلح؟؟مبروك علينا احنا عشان افتقدناك كثيراً..

بص يا سيدي ..الإنسان لما يحب حب صحيح..

بتكون المشاعر متبادلة ..

يعني الحب من طرف واحد ده ..

بيكون فيه حاجة غلط من الأول ..

أو حاجة عايزة تقويم

وعشان كده بنعمل سد للنهر عشان

ما يصبش ميته في البحر

والعملية من الأول بتبقى معروفة


وعلى هامش الأحداث الجارية


ما يروحش واحد مسلم يسيب كل


المسلمات اللي خلقهم ربنا


ويروح يحب واحدة مسيحية ..


وماتقوليش ان الواحد بيطب فجأة


لأن الحب مابيجيش فجأة..

الحب بييجي نظرة فإبتسامة فموعد فلقاء


على حد مقولة شاعرنا العظيم


احمد شوقي


يعني الواحد لو لقى اللي قدامه مش مناسب


من الأول يفل (ليس من الفلول)ولكن من الهروب


أما الحب الذي نتكلم عنه فهو الذي يجمع


بين طرفين ومفيش قدامهم حاجة تمنعهم


انهم يحبوا بعض فيصبحوا طرفي معادلة موزونة


أي ان الدواخل في هذه المعادلة تساوي النواتج


واقولك حاجة عالماشي::

انادي عليك ..واعلم ان طريقي اليك يؤدي اليّ


ايه رايك بقى في البق الحلو ده؟؟...تحياتي وشكري

zizi يقول...

عزيزي الجوكر...

إيه يا عم ده ...انا لولا عايزة آجي اشقر على المدونة واشوف الحبايب كاتبين إيه ..ماكنتش سبت

الكلام الجميل ده ابداً ..

وبعدين انا مش قد الكلام الحلو ده يا كماعة...

وانت بالذات ياجوكر مهما كتبت مش حاقدر

اجاريك في اسلوبك الراقي الرقيق ..

وعشان انت منورني خد هذا البيت لك :

فتنت به حلواً مليحاً وإنه...


لأعجب شيئٌ..كيف يحلو ويملحُ؟؟؟


تحياتي وشكري...

الاحلام يقول...

لم تكن هناك كلمات اروع مما قرأت ولم تكن هناك تعبيرات ارق ممن هو موجود بالكلمات تحيه منى لمدونتك الرائعه وتحيه لكلماتك الرقيقه تقبلى مرورى الاول واتمنى ان تقبلى تحياتى الاحـــــــــــــــلام

مصطفى سيف يقول...

العاشق والمعشوق كلاهما يكمل ما ينقص الآخر
وايضا فان المعشوق يملك كل احاسيس العاشق ويتداخل في كل خواصه لذلك سميت قطع الخشب العاشق والمعشوق فهي تتداخل وتكمل ما بها من نقص
تحياتي لعرضك الراقي وسردك الرائع
سلم قلمك

الموسوعة الحرة يقول...

تحية طيبة...
لا تنتهي الاوصاف الادبية التعبيرية عن العلاقات السامية...
بورك الابداع والوصف...

zizi يقول...

واخيرا ..يابو داود ..جيت ونورت مدونتي..

من ساعة ما دخلت مدونة استاذنا الغالي فاروق فهمي ولقيت تعليقاتك عنده ايقنت انني امام انسان من نوع خاص ..انسانٌ قلبه زي قلب الطفل النقي الطاهر ..ومع انك بتشاركني في حب اخونا الغالي الأستاذ فاروق لكن مسامحاك بس لو رحت قبلي لمدونته ..ماتنساش تحجزلي المركز التاني ..اتفقنا ؟؟اوكيه..

نيجي بقى للخاطرة بتاعتي ...بجد عجبتك ؟؟

بيسعدني انها تعجبك لأني يهمني رأيك قوي ..

وعايزة اقولك حاجة :انا دخلت على مدونتك وعجبتني قوي قصصك الواقعية ولي معاك قعدة حلوة في كل اللي كتبته بس استنى شوية باخلص حاجة وحافضالك ..تحياتي وشكري..

zizi يقول...

د.مصطفى ..نورت المدونة ..

انا فعلاً كل ما بافكر في الموضوع ده بالاقي ان الكون كله سبحانه وتعالى خلقه في علاقات جميلة ومتشابكة..لا تستطيع ان تنحو (حلوة تنحو دي؟؟)بعلاقة عن الأخرى..حتى هو الله سبحانه وتعالى ..رغم قدرته وهو الواحد الأحد أن ينأى بنفسه ..عن البشر..إلا أنه يقول في محكم آياته :(واذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون )صدق الله العظيم

هذا الكون العظيم كله يابُني مبني على فكرة البازل..

كله يكمل بعضه حتى تخرج في النهاية صورة متكاملة جميلة ..كما ارادها الله..

تقبل تحياتي وشكري

zizi يقول...

وبوركت مدونتي بمرورك الكريم..

وتعليقك المختصر المفيد ..

تحياتي وشكري ..

faroukfahmy58 يقول...

zizi
اعود واعود واعوداليك
فمثل خواطرك لا يطمسها غياب ولا تلغيها شواغل ولا تقصيها مغانم
ارض مدونتك ارض جذب
فلما عدت الى ارضك بالرغم من انشغالى بطرح جديد يتناول التحليل النفسى باعتبارى دارسا للتحليل النفسى والعلوم الانسانية لزوج تزوج امرأة شديدة الشبه بامه وما ترتب على ذلك من متابعات اغرب من الخيال ومع ذلك اردت ان استريح ولم اجد غير مدونتك وبدون استئذان وطرقا على الاعتاب فوجدتنى وقد اشرت الى شخصى فى ردك على صديقى وحبيبى ابو داوود الذى تجمعنى به صداقة حميمة ونتبادل وونتحاور ونتداور من خلال الهواتف
وقد ضممت الى صدرى جوار اسمه اسمك الكريم عازما على دوام المواصلة والمداومة على طريق الشروق والابداع
لاتتركينى بغير رد فانا فى وصال ردك انتظر

alzahraaaa يقول...

اشكرك علي مروك علي مدونتي
اولا مدونتك فيه موضوعات مفعمه بالمشاعر...جميله بجد...بتوفيق دائما
ثانيا ومضات روح ...وصف شاعري :)
موفقه ان شاء الله

لـــولا وزهـــراء يقول...

"أعماق من المعاني لا حصر لها ..
والآن ياصديقي..هل يمكنك أن تميز بين العاشق والمعشوق..أو أن تقول أنا ذلك المعشوق دون أن يكون هناك عاشق لك ..كما أنت عاشق له ؟؟جرب ..ثم اجب "

بالنسبة ليا ماما زيزي في نظرتي للعاشق والمعشوق مقدرش اميزهم من بعض لو ميزتهم ميبقاش العاشق والمعشوق كلمة لها وجود

لما اقول عاشق ومعشوق يعني اتنين دابوا في بعض انصهروا في بعض مبقاش لكل واحد ملمح يميزه عن التاني الاتنين ملامحهم صارت واحد ...موضوع راقي جميل زيك ماما زيزي او ماما زينب ...

لولا

zizi يقول...

يا صباح الفل يابو الفواريق...

واي صباح أحلى من ان الواحد يفتح عينه على الكلام

اللي من ذهب ..والمعاني اللي من لؤلؤ ...تصدق يا

فاروقي الأعظم ملك القلوب والعيون ...انا على فكرة عايزاك تطرح عن طريق مدونتك السؤال الأقدم..القلب

والا العين مين السبب في الحب ؟؟وضيف عليهم والفيسبوك كمان هل يكون سبباً من أسباب الحب ؟؟

وانا الأخرى عازمة على دوام التواصل..وعلى فكرة انا ابتديت اقرا في مدونتك كل ما كتبته وسأعلق عليه


واحداً بعد الآخر وانت بالذات تدخل مدونتي من غير احم ..ولادستور ..

اضحكك يا فاروق يا خويا ...مش دخلت على الجوكر؟؟؟

وكله بفضل توجيهاتك يا سيادة المحافظ...


وانا دخلت من هنا ورجلي جت في الغويط ..وانا اصلي كله كوم والرومانسيات دي كوم ...

واقول كده يا فاروق تعمل فيا كده وانا واحدة باربي ايتام صحيح همّ كبروا واتجوزوا وخلفوا ..

بس مفيش مانع ان الواحد من حين لآخر يعمل لهم دورة اعادة تأهيل وتربية حديثة...

وكمان عندي السكر والجوكر نازل رومانسية لغاية ما قولتله يابني انا سكري دايت ...

بس بجد ..بجد..مدونة بتدي روح لمين بالضبط؟؟؟مش حاقولك ...أيوه عمالة افكر هو ايه بالضبط اللي خرجني من مدوناتك القديمة امبارح ؟؟..لقيتك بتدلع

البنية اللي اسمها كارولين فاروق ..ورحت اشوفها ..

ولقيتها قافلة مدونتها قريب ..بس قريت في اللي كاتباه..لقيته ميت فل وعشرة..
وعلى هذا الأساس ..ترقب تعليقاتي على كل ماكتبت ..من اوله لآخره وترد عليه وايه رأيك انا حاتبع معاك طريقة جديدة في الرد يا إما حارد ببيت شعر أو مقطع من غنوة ..ايه رأيك ..اما كان ذلك ابهى؟؟؟

والله والله والله مانا عايزة اسيبك ..بس حارد على الناس التانيين الحلوين زيك وارجع ..باي باي

صحيح ابقى سيبلي ايميلك ضروري ..

zizi يقول...

الزهراء...

المدونة زادت بهاءّ بتشريفك ..وتعليقك وانا بصراحة شايفة الجو كله سياسة قلت اروقكوا شوية بمواضيع انسانية بحتة وما أجمل الإنسانيات ..تحياتي وشكري ..

zizi يقول...

لولا الجميلة ..

ايه رأيك في شوية المعاني العميقة دي وعلى فكرة

لعلمك الحتت دي لو الواحد انغمس فيها بيلاقيها لذيذة قوي وقريب حانزل حاجة تانية من النوع ده ..تحياتي وعلى فكرة فيه اغنية اسمها باحلم منزلاها لك على القلب الأخضراني ..شوفيها وانقليها وغنيها ..ياللا عايزين نسمع الحاجات الحلوة ..

faroukfahmy58 يقول...

zizi
قلبك دليلك ...ايه اللى خللاكى تجيبى سيرة كارولين خريجة الكونسيرفتوار وعازفة البيانو فهى اقرب الاقربين الى قلبى وربنا يجعل كلامى خفيف على هبه فاروق العوادة حريجة كلية التربية الموسيقيةوالدكتورة جيهان فاروق المدرسة بالمعهد العالى للفنون المسرحيةومساعدة شيخ المخرجين جلال الشرقاوى وزوجها المخرج طارق شرف خريج نفس المعهد ومهندسة الديكور المسرحى انجى فاروق خرية نفس المعهد قسم ديكورفكلهن خريجات من صلبى وانت الوحيدة التى تعرفت على هذا الامر وارجو ان يكون سرا ومش عارف بينكروه ليه يقولون يابابا انت لست رجلا قد تقدم به ألسن نراك شبابا ونريد ان نعيش مع شبابك الذى أخذته معك حارج البلاد والبركه فى الهنود الذين يرجع لهم الفضل فى الاحتفلظ بحيويتى وشبابى المقيم ولى معك حديث آخر قريب

faroukfahmy58 يقول...

zizi
سامحينى نسيت طلبك العزيز
اميلى
faroukfahmy58@yahoomail.com
اوعى يساورك الشك فى اسلامنا وان كان اسم كارولين قد رشحته تقديرا لمن استضافوننى اثناء تواجدنى فى بلد الضباب لندن

ريــــمــــاس يقول...

مساء الغاردينيا زيزي
ماأجمل تلك الومضة التي بدأت بكلمات من صوت كوكبة الشرق لنبقى دائماً في حيرة في العشق ذاته فما بالك بتحليل عاشق ومعشوق لا أدري ولكن أظنهما كيان واحد وروح واحد فـ العاشق يعشق والمعشوق من عشق وهما الاثنان يكملان لوحة العشق ..
؛؛
؛
زيزي
أشكرك من أعماق قلبي على تلك الدعوة التي أستشعرتها صادقة بزيارة مصر الحبيبة يشهد الله أنني أحبها وذكرياتها بي ..وزادني شرف دعوتك الغالية واذا ربنا اراد لي بـ السفر لمصر أعدكِ أن ألتقي بكِ وأتشرف بمعرفتك وحتى ذلك اليوم أتشرف بتواجدي في مدونتك ولي الشرف أن نال حرفي البسيط ذائقتك "
؛؛
؛
لروحك عبق الغاردينيا
كانت هنا
reemaas

faroukfahmy58 يقول...

zizi
فتحت ايميلك ارجو الرجوع اليه وستجدين تعليقى فى انتظارك

ويكا يقول...

الحب هو إيثار الخدمة مع وافر الحرمة.
الحب أن لا يكون لك إرادة مع من تحب
تنفعل له ولو كان بضد رغبتك
فالحب هو إيثار المحبوب على المصحوب.
وهو رعاية الحبيب في المشهد والمغيب.

يخط الشوقُ شخصَك في ضميري
على بُعد التزاوُر خَطَّ زوري
ويُوهم منك طول الفكر حتى كأنك عند تفكيري سميري
فلا تبعُد فإنك نورُ عيني إذا ما غبت لم تظفر بنورِ إذا ما كنتَ مسروراً بهجري فإني من سرورك في سرور

هذا هو الحب
هذا هو الخضوع والاستسلام لمن احب ، فأينما يذهب بى فأنا راضٍ مستكين
فأن ارادنى مقتولاً فيا متعة الموت وعشقه
وان ارادنى مهزوماً ، فبرغم ألم الهزيمة فانا راض بلا اى غضاضه


تحياتى

سواح في ملك الله- يقول...

كلمات ذات معان
احييكي عليها
خلق الله عز وجل الدنيا ولها قطبين فقط في كل شئ ترينه
سالب وموجب
واعطي الله للسالب قوة جاذبيه حتي يجتذب اليه الموجب
ويتحدان ويكتمل منظر العاشق والمعشوق
وتكتمل الصورة

zizi يقول...

استاذي العزيز ..فاروق ..كنت في امسية جميلة في دار الأوبرا حضرها وزير الثقافة واحيتها فرقة الواحات البحرية للفنون الشعبية..المهم عندما عدت وجدت خيراً كثيراً في انتظاري وها أناذا أرد عليه ..

بص ياسيدي..أولاًانا رحت ازور كارولين في مدونتها لقيتها قافلة قلت والله مادام جيت لغاية هنا لازم ادخل ..ودخلت ولقيت خير عميم وبرضه ياخويا مش عارفة انتوا بتلموا بعض منين ؟؟الاقي كل الوجوه الجميلة هيّ هيّ..وقريت شوية حاجات حلوة قوي والتعليقات اللي عليها تحفة ..وقررت اني البد لها في الدرة لحد ما ترجع وتفتح على خير ..أما الأختين الحلوين هبة وجيهان فاروق فوالله مش انا يافندم ..والله ماعرف عنهم حاجة الا من سيادتك دلوقتي يافندم ..
ولو اني دلوقتي نفسي اعرف عنهم كل حاجة ..وبكرة مش حارتاح ولا حا يهدالي بال إلا لما اجيب قرارهم..والسلم الموسيقي بتاعهم كله وحياتك ..عارف ليه؟كفاية انك تعرفهم وده سبب كافي عشان اعرفهم ..نيجي بقى لثانياً:الإيميل بتاعي مالقتش عليه حاجة ولذا لزم التنويه ..
ثالثاً:انا لااشكك في اسلام حد ولا بافكر في الحاجات دي اصلاً..بس فعلاً استوقفني إسم كارولين لأنه يمكن اسم ملكة أو قديسة من زمان وانا مافهمتش الحكاية ايه بالضبط ؟يعني حضرتك كنت مع باباها ومامتها في لندن والا ايه بالضبط ارجوك تبقى تشرح الحكاية ..
واخيراً وليس بآخرٍ..انا في انتظار ما يستجد ولسه
حاروح هناك ارد على تعليقك على معطفي وشكراً

zizi يقول...

ريماس الغالية..

لشد ماجذبني الإسم وشدني..ومن ساعتها وانا مشدودة

اليكي وكلما قرأت لكي كلما ازداد تعلقي بيكي ..واليوم زاد شوقي لما اقتربتي ونورتي مدونتي ..وسررت ان اعجبك الموضوع رغم صغر سنك وما دام عجبك فيه عندي شوية مواضيع من هذه النوعية ..
سأنشرها تباعا..
أما عن ادعوة لزيارة مصر فأنا أكيد فاضية واقدر نتفسح سوا وياريت تنوريني ..ياريت ..
تحياتي..وبادعوكي تقريموضوع قيمنا الجميلة وتقولي رأيك وكمان قصة المعطف -15- وبعدين تنقلي على مدونتي التانية :القلب الأخضراني -وعنوانها كhttp://zeinabsadekragab

وتقوليلي رأيك في الجزء 15 ]ب[ من القصة

شفتي بقى عليكي واجب كبير إ..زاي ..ياللا شدي حيلك

ريــــمــــاس يقول...

صباح الغاردينيا ياأطعم زيزي
ومن عيني دي قبل دي بصي اهو كنت حدخل صباعي في عيني ههههههه تصدقي بالله الساعة تسعة الصبح بتوقيتنا وكنت مواصلة مانمتش من مبارح اصل الويكند بيبقى زحمة انما مش حنام لحد مااروح احل الواجبات الي عليه وربنا يوفقني <<<< دعواتك :)
لو قلت لك حبيتك من قلبي تصدقيني مافيش شاهد غير رب العالمين انما بؤمن انه من القلب للقلب رسول ومتأكدة انه ليا مكان صغنن على قدي جوا قلبك الكبير وصدقيني احلى حاجة في الدنيا انك تلاقي مكان لو صغنن في قلوب الناس الي حوليك ومدونتي بيتي في النت وكل زواري حوليا وبسعد لما بحس بـ قلوبهم وقلبك بقى موجود بينهم وبقيت طماعة فيه :)
شفتي بقى البت ريماس شقية ازاي هههههههههه
يلا بقى انا برغي كتير وورايا واجبات من ميس زيزي :)
لروحك عبق الغاردينيا
كانت هنا
reemaas

zizi يقول...

ويكا ..تحياتي
قوللي بقى الكلام الحلو ده جبته منين ..
اكيد دا من كلام المتصوفين ..شكله كده ..
والا من اقوال ابن القيم الجوزية..

عموماً المعاني قيمة ..واشكرك ..وحالاًحارد لك الزيارة ..عايزة رأيك في قيمنا الجميلة وكمان في قصة المعطف ..وعلى فكرة فيه جزء تاني للمعطف

حا تلاقيه منشور على مدونتي التانية القلب الأخضراني وعنوانها:http://zeinabsadekragab.blogspot.com
عايزة رأيك في كله ..تحياتي

zizi يقول...

سواح في ملك الله ..

اسعدني تعليقك ورؤيتك الشاملة للموضوع ..واطمع في رأيك في موضوع قيمنا الجميلة ..وكذلك قصة المعطف ..وعلى فكرة ..فيه جزء تاني للمعطف حا تلاقيه على مدونتي التانية :القلب الأخضراني وعنوانها:zeinabsadekragab.blogspot.com
عايزة اعرف رأيك ..وعموماًحاستناك تكون من زوار
مدونتي الدائمين ..تحياتي وشكري

zizi يقول...

ريماس الغالية ..صباح الفل مع الغاردينيا بتاعتك

حايعملوا كوكتيل رائع ..شمي كده ..

إيه يابنتي الدلع والمياصة المحببة الى قلبي دي ..

تعرفي انا احب الناس الرايقة قوي ..

وبجد بجد انا متخيلاكي معايا في الصيف واحنا نازلين نشتري العشا سوا ..جنبنا على طول مخبز افرنجي نجيب منه العيش ابو سمسم ..وبعد كده بقى نشوف ايه اللي بتحبيه يكون الحشو ..

على فكرة يا ريماس انا حالياًقاعدة لوحدي عشان اولادي كلهم متجوزين في بيوتهم..وعمالة اتخيلك معايا في اجازتك وتنقي السرير اللي يعجبك..وبعدين يا ستي انت مش بس ليكي حتة صغنونة في قلبي انتي

لكي الأربع اوض (حجرات )كلهم والصالة كمان والشرايين الموصلة للقلب كمان ..بس مش عايزة جري كتير جواه ..وبعدين انتي ناسية ان المدونة دي اسمها :اتمشى بين ضلوعي ..تصدقي من يوم مافتحت المدونة دي وانا كل شوية اسمع صوت جوايا بيعمل:
تشششششششششششش..عارفة دا صوت ايه ؟دا صوت واحد رايح يعلق في المدونة ..بس رجله تقيلة شويتين ..ههههههههههههههههه..اقولك حاجة سر:
باحبببببببببببببببببببببببببببببك..باحبك..

ويكا يقول...

سيدتى الجميله

لم اجد مقال قيمنا الجميله ، الا انى لا ازال ابحث عنه
ان لم اجده اتمنى ان ترسلى لى الرابط الخاص به

اما بخصوص الزياره فانا فى اشد الشوق لها

ولو سمحتيلى ساضع لكى روابط بعض المقالات التى اتتوق لرأيك فيها :

http://besara7aa.blogspot.com/2011/03/blog-post_29.html

http://besara7aa.blogspot.com/2011/03/blog-post_31.html


http://besara7aa.blogspot.com/2011/03/blog-post_10.html


http://besara7aa.blogspot.com/2010/10/blog-post_09.html


http://besara7aa.blogspot.com/2010/09/blog-post_15.html



كل ده ؟؟!!!!


اااااه كل ده حضرتك ، اعملك ايه ، ما انتى اللى جيتى متأخر ، وكان المفروض تقريهم من بدرى

بس عموما ملحوقه

هتقريهم ان شاء الله كلهم ورا بعض وهتقوليلى رايك فيهم واحد واحد
واتمنى تاخدى بالك من اللى انا عايزك تاخدى بالك منه :))


سلام

ويكا يقول...

http://besara7aa.blogspot.com/2011/04/blog-post.html

ويكا يقول...

قرأت التعليقات

وعلمت انك اخدتى بالك من اللى كنت عايزك تاخدى بالك منه

وردى هو

فصبر جميل والله المستعان على ما تصفون


الايام لا تنتهى والعمر لا ينقضى الا باكتماله

وما فى الغيب فى الغيب

ولكل امر موقت وميعاد

والاشياء ليست كما نراها بعجز عيننا ، انما هى كما هى

و ستمر الايام والخير قادم ان شاء الله

وما ادرانا ؟!

لعل القادم افضل وانقى وابهى


حر تحياتى

faroukfahmy58 يقول...

zizi
انت لو فريتى تعليقى الاخير كويس هتفهمى علاقتى بكل من
كارولين فاروق
هبه فـــاروق
جيهان فــاروق
انجى فـــــاروق
والحدق يفهم من غير تفسير او تعليق وخلليها فى سرك

zizi يقول...

ويكا ..دخلت مدونتك واسعدتني كل مواضيعها ولكني اراك تميل للحزن ..مين بس اللي مزعلك ..مفيش حاجة في الدنيا تسوى لحظة زعل ومش انا اللي حاقولك كده ..

وهل العمر إلا لحظة ذاهبة ولحظة آتية فهل بالفعل نحن نعيش حاضرنا؟؟

موضوع قيمنا الجميلة حاتلاقيه هنا لما تدخلحاتلاقيه على اليمين في الفهرس ..تحياتي والى اللقاء

القلب الأخضراني ...اللي عمره ما حا تدبل فيه الأغاني..

zizi يقول...

فاروق ...لا لا لا ...ماتقليش انهم بناتك ...الله ..معلش انا ساعات النور بيطفي عندي برهة بس بتشعشع تاني ...طيب قوللي بقى هي كارولين قفلت ليه وحاترجع امتى؟؟؟رد بسرعة لو سمحت ..

zizi يقول...

فاروقي الأعظم..رجعت للرد بتاعك ولما قريته تاني لقيتني كنت فاكرة انهم بيقولولك يابابا تكريما وتقديراً وانها تشابه اسامي ...لا لا لا..بس هي فعلاكانت لحظة غفوة سامحني يا احلى اب ..يا بختك بالوردات دي ربنا يخليهم لك ...تحياتي

ويكا يقول...

امنا العزيزه

ابتسامه حانيه ..... وضمة صدر مبتسمه


تحياتى

موجة يقول...

موضوع رائع ومدنة شديدة الجمال..
فعلاً لقد خلقنا لكون أزواجاً..
لا أحد يطيق الوحدة طويلاً..
ولكن أحياناً تكون الوحدة أفضل..
خالص تحياتي
أحمد

zizi يقول...

شرفتني ياأحمد ونورت المدونة ..

والله يااحمد هي الوحدة مسألة نسبية ..يعني انا وحيدة لكن بيكم بابقى جوة الدنيا وماتتصورش تعليقاتكم بتمثل لي ايه ..بس فعلاً الدنيا كلها قايمة على علاقات متشابكة او بمعنى اصح مبنية على الحركة ..اشكر تشريفك وحالاًحارد لك الزيارة في مدونتك بس قبل ما اروح يسعدني تبص بصة على باقي المواضيع وخصوصاً موضوع قيمنا الجميلة والجزء الأول من قصة المعطف .زأما الجزء التاني من المعطف حتلاقيه في مدونتي التانية وعنوانها :القلب الأخضراني وعنوانها :http://zeinabsadekragab.blogspot.com

تقبل تحياتي

faroukfahmy58 يقول...

zizi
رجوع كارولين للمدونات سيكون قريبا جداوانا اتحاشى الحديث بشأنها كرغبتها واى اضافة ساضع نفسى فى عتاب انا فى غنى عنه فهذا امر شخصى هى احق بالكلام فيه
اما عن هبه فلظروف صحية ابتعدت بعض الوقت وهى راجعة راجعة لان لها جمهور غفير من المدونين ترتبط معهم بعلاقات الود والمحبة والاعجاب فهى فنانة بطبعها ويكفى عشقها للعود، ومن يضم العود الى صدره يكتسب عشقا كالعشق الذى اشرت اليه فى مدونتك فهى عاشقة للعود والعود معشوقا لها
اما عن حبيبة قلبى الدكتورة جيهان فهى مدرسة للتمثيل والاخراج بمعهد الفنون المسرحية وحبت ان تكرس وقتها فى تخريج من ترينهم من الممثلين حديثى العهد بالمسلسلات التليفزيونية واختارها شيخ المخرجين جلال الشرقاوى والمرحوم سعد اردش والمرحوم كرم مطاوع زوج سهير المرشدى مساعدة لهم وبذلك اهملت التمثيل ويمكن انت شفتيها فى بداية عهدها بالتمثيل فى احدى مسلسلاتها الاكثر شهرة مسلسل ترويض الشرسة مع آثار الحكيم ولى معك احاديث فنية كثيرة وانا اتلغبطت واخلطت فى كتاباتى بين اسفارى وخاصة الهند ومعظم البلاد الاوربية وبين الاحاديث الفنية واسرار الفنانين وكتاباتى فى التحليل النفسى، اما عن الفنانين الذى سيكون لى حديث عنهم فى مدونتى فى المستقبل القريب
اما عن انجى وهى خريجة ايضا الفنون المسرحية ولكن فى قسمها الخاص بالديكور المسرحى.......
اظن انا طولت خالص حديثى وانا حاليا اواصل حكاياتى فى التحليل النفيسى والظاهر انا هترك مدونتى واكتب خواطرى فى مدونتك
وبخصوص الحكايات الفنية العديدة تتناول كبار الفنانين وسوف افرد لها صفحة للاخبار الفنية مستقبلا والبركة فى الدكترة جيهان اظن كفاية كده والا ايه؟؟؟؟؟

zizi يقول...

استاذي الفاضل أستاذ فاروق ...مدونتي نورت واتشرفت بحكاياتك الرقيقة عن ورداتك وباحس وانت بتتكلم عنهم فعلاًبإنك بتتكلم عن مجموعة من الزهور اللي بتخاف عليهم من النسمة..ربنا يخليهم لك يارب ويخليك ليهم اما عن مدونتي فأنا بصراحة دلوقتي لما بادخلها بالاقي ريحتها حلوووووووووووووووة بشكل ..عارف لما تمزج مجموعة من ارقى العطور وتعطر بيهم الجو اهو انااحساسي كدة ..وانا سعيدة جداً بتواجد حضرتك في المدونة والمدونة وصاحبتها تحت امرك في أي وقت..وتحياتي لك ولزهورك الأعزاء

محمد الجرايحى يقول...

سيدتى الكريمة
أشكرلك دعوتك الطيبة
وأسعدنى التواجد هنا فى مدونتك الطيبة والقيمة
وسعدت أيضاً بحديث أستاذنا الجميل: فاروق فهمى
محظوظ أنا بهذا اللقاء
تقبلى سيدتى تقديرى واحترامى
بارك الله فيك وأعزك

zizi يقول...

انا اللي سعيدة بلقاء الأحبة كلهم ..ونورتني بتواجدك يااستاذي العزيز محمد..واتمنى دوام الزيارات فذلك شيء يسعدني ..تحياتي

Ahmed Mustafa - zema يقول...

اتفق معك سيدتي فيما طرحتة و لكن لي اختلاف بسيط معك اتمنى ان يتسع صدرك له
في العشق العاطفي يوجد عاشق و معشوق و يمكن التميز بينهما بسهوله
فهناك من تحب رجلا فقط لانه احبها بطريقة مختلفة او طريقة جذبتها اليه
فهو احبها اولا و عشقها اولا ثم ناتج هذا هو حبها و عشقها له
فهذا هو العاشق و تلك هي المعشوقة و قطعا العكس قد يكون صحيحا ايضا

و بخصوص الثنائيات في الكون فاعتقد ان الله قد جعل لنفسة صفة الواحد الاحد و جعل كل ما خلق ثنائيات لاننا لا نستطيع ان نحيا فرادى

جزاك الله خيرا سيدتي الفاضلة على طرحك الطيب
تقبلي مروري و تحياتي :)

zizi يقول...

مصطفى العزيز ..سبتك شوية واتأخرت عليك في الرد عشان احلي بيك ..اكثر مايسعد الكاتب ان يصل مايكتبه الى الناس في سلاسة ويتجاوبون معه ..

وهذا هو ما يطمح اليه اي انسان غلبان زي حالاتي والحمد لله من يرجع لمدونتي فهو من تفهم مايميل اليه اسلوبي وبالتالي ستقصر المسافات وهذا المبتغى والحمد لله انها اعجبتك ولي معاك وقفات فلسفية كثيرة ..تحياتي وشكري

غير معرف يقول...

هلا بك اختي نور عيني .نفس الشيء لنا كلنا ارتحنا لهذه القرية الصغيرة الهادئة الحالمة الجملية الرقيقة

zizi يقول...

أخي العزيز أو إبني العزيز ..الغيرمعرف..كلماتك رقيقة وواضح انك تتصفح المدونة من بدايتها ..يارب يكون كلامي عجبك .زلكن قوللي ليه انت مش قايل اسمك مع انك انسان مهذب ..هل لي أن اتشرف بإسمك ؟؟ولك جزيل الشكر