الجمعة، 20 مايو، 2011

شريف وأريج

شريف ...وأريج

ماذا أقول عن شريف ؟؟؟طفلٌ كبير..أم رجلٌ صغير؟؟

ومن منا لم تكن له قصة حلوة مع شريف ؟؟

ومن منا لم يردد طرفة من طرفاته ؟؟

ومن منا لم يرنو إلى شريف وهو يحنو على 

إبنةخاله (أريج) فتحس في لحظة أنه قد تقمص دور

الأخ الأكبروهو يضحك من تصرفاتها الطفولية

وينسى ..وننسى معه أنه إبن السابعة ..

ولكن ....ألم تصقله الحياة؟؟

ألم يعد تلميذاً كبر الدنيا ؟؟؟

أننكر هذا ؟؟

فعن حبيبي ..حفيدي ..شريف

أكتب هذه الكلمات

فقد يقرأها يوماً بمفرده

ويعلم ...كم أنا احبه

أريج

لو تعلمون عن من أكتب ؟؟؟

لعلمتم أن سنوات عمري كلها قد تختصر في لحظات ..

لن يحس بإحساسي إلا منْ منّ الله عليه بزهرة جميلة مثل (اريج )

تكاد لاترتفع عن الأرض اكثر من شبرين ..

ولا تملأ من حيز المكان اكثر من شبرفي شبرين

ولكن....

ما تملأه هذه الصغيرة من حيز القلب ...

فليس له أبعاد ...

وما تصنعه بي في السويعات القليلة التي

انتظرها لرؤيتها من اسبوعٍ لأسبوع ..

اكبر بكثير من أن أصفه في كلماتٍ على ورق ..

ولكن ...

ما استطيع ُ قوله أني أتحدى أي إنسان مهمومٌ..

أو يحمل على أكتافه بعض مما تصنعه بنا الحياة اليومية


أن يرى أريج ثم لا يرمي همومه كلها وراء ظهره

ويأخذ منحة تفرغ للضحك ..للقهقهة ..ولروقان البال ..

للتسمية بالله سراً وجهراً..أن يحميها ويحفظها ..

وأستميحكم عذراًياأبو أريج وأمها ..

أن أعلن على الملأ أجمع ...

نعم ..احبكم من كل قلبي ..ولكن ....

مين مايحبش (روجي)...

هناك 36 تعليقًا:

محمد الجرايحى يقول...

سيدتى الكريمة
مأروع ماسطرته أناملك الحانية
والممتلئة بفيض من المشاعر العذبة

حفظ الله ( شريف ) وجعله قرة عين لك وللأسرة الطيبة
تقبلى تقديرى واحترامى
بارك الله فيك وأعزك

ابراهيم رزق يقول...

ربنا يحفظهم لكى و لابيهم و امهم و يبارك فيهم

انا باعلن اهو انا حاجزهم

تحياتى و تقديرى و حبى

الاحلام يقول...

اعز من الولد هذا هو حال الجد والجده دائما فهم يحبون الاحفاد كثيرا لانهم يكونوا قرة عين الابناء فحبهم يكون مضاعفا انا احسدهم على حبك لهم فهذا الحب نابع من قلب حنون رقيق عاطفى اتمنى ان يملا كل بيت مصرى هذا الحب حتى تكون مصرنا الحبيبه جنه من الله يملاؤها الحب والحنان
سعيد بوجودى هنا تمنياتى بالساعده دائما تقبلى تحياتى الاحــــــــــــــــــلام

ريــــمــــاس يقول...

مساء الغاردينيا ماما زيزي
تسمحيلي دلوقتي اندهلك ماما وكمان ( امواااه) دي بقى على جبينك وعلى خدك ياأطعم ام وأحن تيتة طعمة لزيزة عارفة في ردك السابق قولي ريماس ايد الدلع والمياصة المحببة لقلبي طب ايه رأيك اني دلوقتي حدلع بقى طالما انتي ماما حبيبتي يعلم الله بكتب لك وببتسم ماعرفش ليه انما بعرف حاجة وحدة اني بحبك من قلبي يمكن فترة صغيرة الي عرفتك فيها بس وربنا بحب اصدق قلبي وإحساسه ناس بتعتبره عيبي في الدنيا دي وانا بعتبره اجمل إحساس لما قلبي يشدني لناس وابقى اعزهم حتى لو ماكنتش جوا قلوبهم بنفس المكانة طالما قلبي اختار انا راضية بإختيار قلبي :)
نيجي بقى عند شريف اممم من عينيه حاسة انه شقي وهادي وفي نفس الوقت تعتمدي عليه ومبين انه زكي جداً جداً انما قلبي بيقولي انه برضوا حساس قوي وماعرفش ليه رغم صغر سنة حاسة انه مممكن لو توجع يخبي في قلبه ومايجرحش الي حواليه ربنا يخليه ويديكي طولت العمر وتشوفيه عريس اممم منا يمكن لما اجوز اخلف له عروسة دا لو ماعندهوش مانع يجوز سعودية :) شايفة بزاحم ابراهيم رزق في عرضه هههههههههههههه <<<< يارب مايقرأ تعليقي
نجي بقى للطعمة الزيزة وربي سكر اممم تصدقي نفسي العب واتنطط معاها اصلي ساعات بقبى عفريته هههههههههه
ربنا يخليهم ويطرح فيهم الخير والبركة وتشوفيهم عرسان ويخليلك والدهم ووالدتهم ولايحرمهم منك ولايحرمني انا كمان منك :)
تسمحي لي بقى اتمشى بين ضلوعك :)
؛؛
؛
لروحك عبق الغاردينيا
كانت هنا
بنتك ... reemaas

zizi يقول...

اخي العزيز ...محمد ..

المدونة بتزيد إشراقاً بتواجدك ..وعشان انا قررت اني اكتفي بمدونة واحدة واقفل التانيين عشان نركز سوا انا وانتم ..فقلت انقل احلى ماكتبت في المدونتين التانيين قبل ماأقفلهم وطبعاً مش حلاقي احلى من شريف وأريج انقلهم معايا حيثما ذهبت وعشان كمان ماأحليش لوحدي ..لازم تحلوا معايا ..
تحياتي

zizi يقول...

ابني العزيز ابراهيم ..

ماأتحرمش العمر من عطفك عليّ..وعايزة رأيكم في الإخراج الجديد للمدونة ..انا بقى حطيت كل جهدي في مدونة واحدة بناءً على تعليمات السيد الوزير المحافظ ...والله كتر خيره تصدق كل كلامه :كلام جمييييييل وكلام معقول ماأقدرش أقول حاجة عنه ..هو بس فيه مشكلة حصلت دلوقتي شريف بقى عليه عرضين ..واحد منك وواحد من ريماس ...انا عموماً..
تقريباًحانعمل قرعة ..مش عارفة ريماس عارفة يعني ايه قرعة وألا حاتقراها بطريقة مختلفة وتجيبلنا الكلام ..تحياتي ابراهيم باشا ..

zizi يقول...

ابو داوود العزيز ...
اولاً انت ليه ما دخلتش في المتابعون ؟؟

ثانياً:انت ليه مكسل الأيام دي يعني كل ماأدخل ما الاقيش جديد يعني بعد ماندوق الحاجات الحلوة المثيرة تحرمنا منها ؟؟..معقول كده ..وشفت بقى الشجاعة بتاعتي إني اقول اني تيتا للحلوين دول ..عمرك شفت واحدة تعمل كده في نفسها ؟؟اهو انا بقى عملت كده بس ايه رأيك ؟؟بالذمة مش
يستاهلوا اني اقر واعترف إني تيتا ؟؟؟!!

تحياتي وشكري

faroukfahmy58 يقول...

zizi
لايموت من يترك ذرية وراءه
اقوللك على سر فى التحليل النفسى
اذا اصاب اى شخص غم او هم او كرب عظيم
النصيحة ان لايتناول اى عقار مهدئ وما عليه الا ان يضم طفلا من اطفاله الى صدره او ينام فى احضانه ليلة واحدة كفاية وسوف يمتص الطفل كل الم موجود فى الصدر شأنه كشأن نشافة التدوين
انا عاوز بقى ثمن الاستشارة ، كفاية فنجان قهوة من ايديكى مع تحياتى

zizi يقول...

رمّوس الجميلة ..الله ريحة الغاردينيا هلّت عليا ..يا فرحتي يا فرحتيني يا تلات فراحيني ....بقى انتي بقى ياستي بتحبيني حتى ولو ماكانش لكي نفس المعزّة

في قلبي ؟؟طيب ايه رأيك انك فعلاً مالكيش نفس المعزةّ..هههههههههههههههه..لأن لكي معزة اكتر بكتير مما تتصوري ..ونرجع للأحفاد الحلوين على فكرة هم لهم صور أحلى من كده بس انا مستنية مامة

شريف لما تيجي عشان نطلعله صورة احلى ..وعموماًانا خلاص اتفقت مع ابراهيم رزق وقلتله حانعمل قُرعة ...عارفة يعني أيه قُرعة ؟؟يعني انتِ وبختك ..

وبعدين أنا حاسة انك لغاية دلوقتي واخدة الموضوع

هزار ..وهو جد الجد انا خلاص بافضيلك ضلفة في دولاب بنتي اللي في اليابان والسرير موجود ..وقلت لك

بُش بُش الحلواني جنبنا ..عايزة ايه تاني ..انتي حاتنهبي والا ايه بالضبط ..وعايزة منك حاجة ..لما تشوفي اريج تجننيها ..يعني مش عايزة اشوفكم قاعدين انتي وهي عايزة التنطيط اللي على اصله وهي البنت مش ناقصة يعني هي اول ما بتسمع موسيقى بتجري فوق اقرب ترابيزة قدام التليفزيون وهات يا رقص ..ياللا بقى عايزة اشوف مين الأكثر مرونة ..تصدقي بالله انا وانا باكتب الكلام ده فرحانة جداً ومتخيلاكي معانا والله لو جيتي سنة مش حا تبطلي تيجي وتشوفي بناتي همّ برض مجانين زيك وحاتكون ان شاء الله بنتي اللي في اليابان نزلت اجازة وياسلام لو قضيتي رمضان والعيد معانا عشان تشوفي الأمسيات الرمضانية الجميلة ..امشي بقى روحي اتمشي بين ضلوعي بس والنبي على مهلك عليّ..باي باي بقى

zizi يقول...

اقولك حاجة يااستاذ فاروق ..انا العيال دول ساعة ما باشوفهم فعلاً بيعملولي تغيير شامل وكامل في حياتي ولو شفتني طول الأسبوع وانا عمالة افكر ايه اللي يحبوه عشان اعمله أو اجيبه والا البنت اريج دي بنت ابني وهي بتجري ترقص على أي موسيقى ولازم تطلع فوق الترابيزة ..انت عارف ياأستاذ فاروق الغنوة اللي بتقول ::لما يجيبوا سيرتك يحلو الكلام ..اهم دول فعلاًكده ....ياللا خليتك تحلي معايا ..وعلى فكرة أنا قهوتي با عملهامضبوطة تماماً..اتفضل ..تحياتي

موجة يقول...

zizi
*****
بل الصعب أن لا أحذف تعليقك لم يكن قد مر بعد من فلتر التعليقات الذي كنت امقته لولا ان اضطررت له منذ شهور
مازلت مصراً انك تقولين عني كلاماً كبيراً
يسعدني جدا كما يسعدني ان تكوني زائرة دائمة لمدونتي
ربنا يشجعني هذا ان اكتب كل يوم بوستاً
خالص تحياتي
أحمد

zizi يقول...

مثلك يا أحمد نحب ان نقرأ لهم دائماً ..شد حيلك وعايزين فعلآً كل يوم جديد ومش عارفة انت داخل على الفيس بوك والا لأ .زياريت تدخل واديني خبر ..تحياتي وشكري ..

ريــــمــــاس يقول...

صباح الغاردينيا ياأطعم ماما
ياهنايا ياهنايا ياهنايا بصي دو ل تلاتة ياهناينيني هههههههههههه مش عارفة بتتكتب ازاي ياهنايا انه ليا مكانة في قلبك بس شايفة الغرورو طب واللهي انا عارفة انك بتحبيني والي قلته من دلع ومياصة بس هههههههههه عشان تعبري اكتر <<<< شايفة شقاوة رموسة
نيجي بقى لحتتة الرقص طب تصدقي بالله بنتك ريماس مجنونة رقص دنا حتى لو قاعده افضل اتهزهز هههههههههه يبقى انا والست روجي حنقلبها رقص وهيصة بس اياكي اشوف حد يقولي احنا كنا في عيلة بقينا في اتنين :)
وبعدين حلواني ايه انتي الظاهر عاوزاني ارجع من مصر متربربة هههههههههه والربربة بقى تعيق المرونة بتاعة الرقص شفتي بقى :)
ماما زيزي والله دعوتك دي اجمل حاجة حصلت عليها من بلوقر وبجد من زمان عاوزة ازور مصر تاني ولينا ناس طيبين لسى بنعرفهم ونتواصل معاهم اصل ماما تموت في المصريين هههههههههه كنت زمان ببقى اهزر معاها ايام حياة بابا الله يرحمه واقولها انا حاسة انك حبيتي واحد مصري قبل بابا وماقدرتيش تنسية كانت تضحك وتقولي عفريتة ومش حتبطلي شقاوة اما بابا كان يبتسم لانه واثق جداً انه الست ام ريماس مش بتحب غيرة بس انا بقى دلوعتهم فكنت استغل الوضع واتغالس عليهم <<< مش حبطل شقاوة
ماما ..
انا ثرثرت جداً وبقى المكان دا احلى مكان بجي احكيلك فيه الي بقلبي طالما انا بين ضلوعك ماتخفيش انا زي النسمة مش حتحسي بمشيي هههههههههههه
واوعدك وربنا لو كتب لي سفرة مصر حجيلك وابوس راسك وابوس روجي الطعمة وحرقص معاها كمان بس فضولنا تربيزة كبيرة بقى ههههههههههههه
صباحك غاردينيا يااحلى ماما زيزي في الدنيا
كانت هنا
reemaas

ريــــمــــاس يقول...

انا نسيت اقولك
طبعاً الواجبات الي عليا لسى ماكملتهاش انما في بالي اوعدك قريب ابص على معطف من قيود والقلب الاخضراني
بحبك من قلبي
ربنا يخليكي ويحفظك من كل شر
بنوتك
ريماس

مصطفى سيف يقول...

ليس هناك اطهر او انقى من قلب ام حانية
هو قلب نوراني رباني يرى بنور الله
فتعرف كل ما يحيط بفلذة كبدها من مخاطر وافراح واتراح دون ان ينطق بحرف
لذلك وقفت هنا عند هذا البوست حانيا راسي انتظر ماذا سيقول قلب ام
اراه اليوم تعدى حدود الصمت ليشركنا معه في ان نطير محلقين في سماء الجمال
جمال طفلين لهما قلبين ملائكيين لم يتلوثا بعد باشعاعات كذب الكبار او فساد الكبار او ظلم الكبار لم يأكلوا طعاما مسرطنا بالحقد والغيرة والحسد وغيرها من امراض الكبار المزمنة والمتوطنة
ارى هنا ثلاث قلوب ملائكية قلب ام وقلب طفلين
وبينهما نحن هنا نتنزه ونستجم لنأخذ نفسا عميقا طاهرا ليس فيه رائة النفاق او الرياء او الغدر او غيرها من روائح مجالس الكبار
بارك الله لكي في شريف واريج وحفظهما لكي ولابائهم

zizi يقول...

ريماس ..ماذا اقول له لو جاء يسألني ان كنت اكرهه او كنت اهواه..ماذا اقول اذا راحت اصابعه تلملم الليل عن شعري وترعاه وكيف اسمح ان يدنو بمقعده وان تنام على خصري ذراعاه ؟؟؟شفتي بقى انا حسمحلك بكل ده وفي الآخر برضه حاقولك إني الف اهواكي (14مرة )لأن نجاة بتقولها كده .....بصي يا حلة بقى وحياة مامتك الغالية مادام بقى والدك _الله يرحمه _يبقى العملية مش حاتبقى انتي لوحدك حاتبقى انتي ومامتك ..واهلاً بيها معاكي ..وعلى فكرة احنا عندنا شاليه صغنن في قرية في مرسى مطروح لو عايزين تقعدوا هناك شوية قولولي وعنية الأتنين ليكوا ..وبرضه حاكون معاكم يعني داخل في العزومة ولا يهمك ..نرجع للمدونة إيه رأيك فيها بعد التعديل مش كده احسن ؟؟وانا مستنية كام يوم وبعدين انقل احلى اللي على القلب الأخضراني هنا عشان مايبقاش فيه تشتت ويبقى كل الحبايب هنا ..
انا عموماً فعلاً ماحستش بيكي وانتي معدية ..زي النسمة ياختي ..بس برضه مايمنعش تخلصي الواجبات اللي عليكي عشان انا احب اسمع رأيك ياحلو انت ياللي ماشي ..اخيراً تحياتي والى لقاء

zizi يقول...

مصطفى ..انا باشكرك على التعليق الجميل ده وفعلاً الأطفال زينة الحياة الدنيا ..ومازالوا هم الشيء الجميل الطاهر في حياتنا ..وعلى فكرة انا كتبت الجزء15]ب[ من المعطف على القلب الأخضراني وياريت تقراه وتقولي رأيك فيه ..وكمان ياريت تقول لشيرين تقراه وعى فكرة انا عايزة مجرد تعليق صغير عشان لسه انا عايزة انقل القصة علي :اتمشى بين ضلوعي عشان عايزة اخليها مدونة واحدة وكلنا نركز فيها ..مش برضه احسن ..تحياتي لك وعنوان القلب الأخضراني :

http://zeinabsadekragab .blogspot .com

وجع البنفسج يقول...

ماشاء الله .. كلمات نابعة من القلب وتصل للقلب بدون استئذان ..

ربنا يحفظ شريف واريج .. ويجعلهم قرة عين لوالديهم ولجدتهم ويجعلهم من الذرية الصالحة ,, وان شاء الله يكبر شريف ويقرأ هذه الكلمات وانت تجلسين بجانبه .. ربنا يعطيك طولة العمر يارب وتشوفي أحفاد أحفاده ..

دمت بخير ..

zizi يقول...

بنفسجتي الغالية ...ماهذه الكلمات الرقيقة التي

تقطر شهداً ..وليس مستغرب منك فالشهد لايقطر إلا شهداً...والبنفسج لانراه إلا بنفسجاً ..

دمتي لي ولحبايبك بخير ..واتمنى اشوف تعليقك على كل مواضيعي حتى أأنس لرأيك ..وشكراً

موناليزا يقول...

ربنا يحميهم
فعلا الأطفال دول نعمة من ربنا

دعاء العطار يقول...

ياعسسسسسسسسل

ربنا يحميهم يارب

فكرتينى ببنت اختى " حبيبه" برغم انها لسه مولوده وبرغم ان لسه مابقاش لها ملامح شخصيه أو روح لكن حسيت بكل كلمه قولتيها

بتوحشنى جدااااً لمجرد انى ابعد عنها يوم واحد

الأطفال النظره فى عيونهم فعلاص بتنسى اى هم

ربنا يحميهم ويحفظهم ويبارك لك فيهم يااارب وياأحلى تيته فى الدنيا (: (:

سواح في ملك الله- يقول...

البراءة
والاحساس الذي يلازمنا
مع ابتسامة طفل برئ تجعلنا نمتلك العالم بها
فهي بريئة وصافية تخلوا من شوائب الدنيا
والمكر الطفولي البرئ يضفي الي ارواحنا السعادة
مع بكاءه تمزقنا نهنهاته ولكنها بريئة وصافية
فنحن نضحك معه ببراءة ونبكي معه ببراءة
حفظهم الله

نادر احمد يقول...

الله يخليلك ياهم يارب ...
زينة الحياة الدنيا ( وما شا الله عنهم دول مش اي زينة)

سعدت جدا بمرورك على مدونتي الذي عرفني على مدونتك الجميلة

كل الود

ماما أمولة يقول...

بسم الله ماشاء الله
ربنا يبارك لك فيهم يارب

مدونتك جميلو وأنا سعيدة جدا بتواصلك وآسفة إني اتأخرت في تواجدي

المرسم لم تغلق ولكني كسلانة وان شاء الله سأعاود التدوين فيها
شكرا لك حبيبتي
بارك الله فيك

شيرين سامي يقول...

ازيك يا أجمل و أحن أم آسفه جداً لتأخري في التعليق بسبب إنشغالي الشديد و الله و لأني مبدخلش المدونه غير كل عدة أيام.
ربنا يخليلك أحفادك الحلوين و أبآهم و يخليكي ليهم دائماً منوراهم و أكيد هما هيبقوا أسعد ناس في الدنيا لما يكبروا ان شاء الله و يقروا كلماتك الدافئه السعيده عليهم.
تحياتي و كل الحب لكي

كريمة سندي يقول...

يارب يحفظهم لكم يارب وتفرحوا بهم يارب تحياتي لمرورك الكريم وشكرا لك

zizi يقول...

دودو الجميلة ..زيارتك ليّ اسعدتني ..والرقة كلها لما تتكلم يبقى يابختي ..ويابخت بنت اختك بيكي ..حاتطلع تلاقي كل الدلع والأحضان الدافئة ...ربنا يخليهاليكم جميعا وانا متخيلة الوضع عندكم دلوقتي وكل واحد عمال يطلع فيها أي حاجة تشبهله حتى لو صباع رجلها الصغير ..صح الكلام وبعدين كله يشيل الصبح ومامتها اللي تقعد بيها طول الليل...عموماً اديكي بتاخدي خبرة ببلاش ..ويارب نفرح بيكي قريب ..

zizi يقول...

نورتني ياسواح ..واشكرك على تعليقك الجميل وفعلاً كل البراءة في الأطفال ..الواحد يلحق ياخد منهم شوية براءة قبل ماتجرفهم الدنيا والناسفي تيار من عدم البراءة ..تحياتي وشكري

zizi يقول...

نادر العزيز ..اسعدتني بسرعة مرورك على مدونتي وعلى فكرة مدونتك حلوة قوي وفكرتها جديدة..وتخلي الواحد يستنى من الأربعاء للأربعاء ..وكان فيه أغنية لفايزة احمد اسمها حبيب الأربعاء ..ياسلام لو حطيتها خلفية للمدونة تبقى هايلة وهي من غير حاجة هايلة ..واشكرك على تعليقك الكريم ..

zizi يقول...

ماما أمولة ...لالالا..انا عايزة المرة الجاية فنجان شاي ..عشان انادخلت مدوناتك انتي وزوجك الكريم ولم اخرج حتى الآن ..يرضيكوا كده والناس اللي مستنية دول اعمل فيهم ايه؟..عموماً اسعدتني زيارتك وارجو ان تتكرر وعايزة رايك في كل المواضيع اللي فاتت وخصوصاً المعطف وقيمنا الجميلة ..تحياتي وشكري ..

zizi يقول...

شيرين الجميلة ..نورتيني واسعدتيني ..وياستي انا مقدرة ظروفك تماماًوعارفة انك مشغولة ..وعشان كده انا عاذراكي..ولسه ما عرفتش رأيك في المعطف التاني ...وباقي المواضيع في انتظار المرور الجميل ..تقبلي تحياتي واشكرك على كلماتك الرقيقة ..

zizi يقول...

كريمة ...حبيبة قلبي ...مدونتك اسعدتني جداً...وتصدقي يا كريمة فعلاً اني بدأت أؤمن بالمقولة الشهيرة ان الطيور على اشكالها تقع ...وبرضه الزهور كلها بتتجمع في بستان واحد وانا من يوم ما دخلت المدونات وانا بالاقي نوعية المدونين اللي بيعلقوا بصفة مستمرة عند بعض واحدة ..ولهم اسلوب واحد واهتمامات متقاربة وعشان كده كلنا مثلاً بندخل نقيم عندك وبنطلب حق اللجوء
لمدونتك ...تحياتي

لـــولا وزهـــراء يقول...

http://belhob.blogspot.com/

لينك المدونة اهوه يا ماما زيزي ... وانا نزلت الشغل يارب يكون عند حسن ظنك ... ربنا يخليك شريف واريج باين على رورو ما شاء الله دمها سكرررررر(:

لولا

zizi يقول...

اشكرك يالولا على تعبك وحالاً حاسمع وارد عليكي في بيتك ..تحيلتي وشكري ...

justaskmee يقول...

سيدتي اي شيء اكتب وإن كلماتك تقتر حنان وعاطفة جياشة لأحفادك بل لأحبابك ....إن الكلمات للتزاحم في رأسي الي اي منها اقتبس فغلب عليها هذ الدعاء"أقر الله عينيك بصلاحهما...وحصدتي بصحتك دائما وابدًا برهما وبر آبائهما..ان الله علي كل شيء قدير وقولي امين يا زيزي
والسلام
http://justaskmee.wordpress.com

zizi يقول...

سيدي الفاضل ...

انا التي لاأدري كيف أشكر سيادتك على زيارتك الكريمة واتمنى دوام المرور الذي يشرفني ويسعدني ..

ولا أملك معك إلا ان ادعو الله لك بدوام الصحة والسعادة ..وأن اؤمن علىدعاءك لي ولأحفادي ..

تحياتي وشكري ..