Powered By Blogger

السبت، 19 نوفمبر 2011


انا....والناس!

انا احب الناس كثيراً ..اشعر اني خلقت لأكون كائن اجتماعي

لا اتوجس منهم خيفة الا بعد أن أُلدغ ...وكثيراً ما أُلدغ

ولكني اعود أدراجي  مسرعة فأنا لا آخذ الجميع بذنب أحدهم..

ومازلت ارى في المجتمع ما يستحق أن يعاش وأن نتعايش معه ..

ومازلت ارى في عيون الناس الكثير من الحب ..

ومنهم بالفعل من هم تربة خصبة

للمشاعر الإنسانية الفياضة....ما أجمل أن ترى

بسمة حلوة في عيون طفل بريء..لاتملك امامها غير أن تحتضنه بعينك..

أو نظرة حب تحتضنك دون كلمة واحدة ..

ولماذا الكلام وقد قالت العيون كل مابداخلنا واكثر ....

صدقوني عندما قالت إحدى الأغاني القديمة :

"القلب والا العين مين السبب في الحب ؟""

من منكم يدلني يا سادتي الأفاضل من منهما السبب في الحب ؟

انا عن نفسي ارى ان العين هي التي تبعث الشرارة

التي يتلقاها القلب فتشعل نيران الحب داخله ..لكن

ماذا يحدث إن وقف لهما العقل في منتصف المسافة ؟؟؟من الأقوى ها هنا ؟

هذا هو السؤال ...!!!


ولاأنسى كلمات نزار التي شدت بها قيثارة الغناء نجاة الصغيرة :


الحب في الأرض بعضٌ من تخيلنا

لو لم نجده عليها لأخترعناه ...

والآن اجيبوني :هل يستطيع أحد مناّ أن يعيش بلا حب ؟؟

هناك 20 تعليقًا:

سواح في ملك اللــــــــــــــــــه- يقول...

اولا بقي حمد الله علي السلامة

ثانيا

ساعتك استنفذتي اجازاتك السنويه

وده انذار اهو

ثالثا

قديما قالوا ((الاذن تعشق قبل العين))

وانا شايف ان الكلام ده صح

لان من الممكن كتر الحديث عن شخص ما

يجعل الانسان يرتبط به قبل ان يراه


تحياتي ياست الكل

مدونة رحلة حياه يقول...

السلام عليكم
لا يا امى
لا احد يستطيع العيش بدون حب
حتى الوحوش المفترسة
دومتى رائعة

faroukfahmy يقول...

اخيرا طلع البدر علينا من ثنيات الوداع
وجب الشكر علينا ما دعا للــــــه داع
اخيرا سمعنا الصوت الشادى وهو يتساءل مين السبب فى الحب القلب والا العين وهل يستطيع الانسان ان يعيش بدون حب
انا اقول بحب شديد ان الاثنين مشتركان فى هذا العرض المفاجئ بدون ميعاد او انذار فلولا العين ما رأى القلب ولو القلب مادقت طبول العين
لولا الحب لما كنت انا ولا كنت انت نكتب فى المدونات فى رحاب الحب
سيبك انت يا زوزو الحب جميـــــــــــل
وتصبحى عاى حــــــــــــــــــــــب
الفاروق

nour alqamar يقول...

مساء الخير ..
بوست رائع .. بالطبع لا يستطيع الانسان بلا حب .. شكرا لك
مع تحياتى
نور

Unknown يقول...

للأسف لأ يا ريت كان في مصل ضد الحب..

Unknown يقول...

السلام عليكم و رحمة الله
اسمحيلى اختلف مع حضرتك ، فهناك من أحبيناهم دون أن نراهم و أزداد حبنا لهم بعد أن فعلنا ، فهنا القلب سبق العين بسنين :) ، تقبلي تحياتي ...

zizi يقول...

سواح ..الرحمة مطلوبة برضه وخللي بالك اللي تعدوا العشرين سنة زيي لهم اجازة اسبوعين زيادة يعني براحتي العب زي ما انا عايزة أولى وكيك عالواطي وكيك عالعالي "اراهن ان حد يعرف انا اقصدايه "..وبعدين بقى حكاية الأذن تعشق قبل القلب احياناً دي بقى مش لو الواحد سمع حد بيحكي عن حد لأ ده لما الواحد يتكلم مع حد في التليفون ويكون صوته حلو ممكن يحبه من قبل ما يشوفه وبعدين لما يشوفه يا إما الرؤية تدعم السمع يا إما تطيح بالمشاعر اللي كانت اتكونت من السمع ...اشكرك على مشاركتك ..

zizi يقول...

محمد متولي ..انا عارفة انك انت كمان رومانسي ومش حا ترضى بغير الحب بديلاً..تحياتي وشكري

zizi يقول...

الفاروق العظيم ..ايوه يا خويا انا عارفة انك حافظ الغنوة دي تماماً ..بس إيه رأيك بذمتك مش سؤال وجيه ؟وانا باشكرك على كل الكلام الحلو ده الله يخليك ..سلامي للزهرات الجميلات ..

zizi يقول...

نور القمر ..شفتي بقى السؤال جي على الوتر الحساس ازاي ..تحياتي وشكري

zizi يقول...

بالعكس ياشيرين ...ياريت فيه مصل يلين القلوب اللي زي الحجر اللي بتعتبر الحب نوع من الضعف..ده الحب بيخلق جو حلو قوي انا متهيألي ان الحب بيعطر الجو اللي حوالين المحبين ..ياه حلوة دي صح يا شيري ؟

zizi يقول...

ريهام الجميلة ..يبقى انتي بقى من جماعة الأذن قبل القلب وقبل العين أحياناً ..عايزاكي فوراً تحدديلي ايه الوسيلة الأولى اللي عملت الشرارة ..تصدقي يا ريهام لو ماكنتيش بعتي النهاردة كنت حازورك اقولك انت غبتي عني كده ليه بس الحمد لله اطمأنيت عليكي ..

ابراهيم رزق يقول...

zizi العزيزة الذيذة


ايه ده بقى ايه ده بقى
هو فى حد جديد هينافسنا فى الرومانسية و لا ايه
ده انا ما صدقت ان شرين و ريماس و منى اعترفوا ان اللى بيقدموه ده مش رومانسية
متخلنيش احطك فى القائمة
و بعدين تعالى هنا
انت بتقولى حب
حب حب حب حب حب
الكلمة دى سمعتها قبل كده
اه كانت زمان
دلوقتى فى حاجات مكانها
دهب و ياقوت و مرجان عند ناس
و كيلوة لحمة و شوية رز عند ناس تانية
و لقمة تسد الجوع عند ناس
و سقف يستر ناس من البرد عند ناس كمان
و سلميلى على كلمة الحب
الحب ليس له مكان فى طاحونة الحياى المادية

تحياتى و تقديرى و حبى ؟؟؟؟؟؟؟؟؟

zizi يقول...

اديك قلتها يا ابراهيم ..تحياتي وتقديري وحبي ...من غير حب نعيش على ايه ..دا اللي ماحبش قلبي عليه ..هو صحيح بعض الناس بيهتموا بالماديات..ودول اللي بندعيلهم ربنا يحنن قلوبهم ويقدروا يحسوا بالحب اللي حواليهم ..بس طبعاً انت مش ضمنهم ..انت بتمثل علينا هذا الدور لكن احنا عارفينك كويس ..وبكرة تخلص مجموعتك وترجع تاني ابراهيم بتاع زمان ..وبرضه تحياتي وشكري ....وحبي

ظلالي البيضاء يقول...

فعلاً هما الاتنين ..
علشان أنا حبيتك بس لسه عيني ما اتكحلت بشوفة حضرتك ..
علشان كده العين ما كانلهاش دور أبداً .. هو القلب اللي بيحس بالحب .. والعين بتصدق القلب ..
وأحياناً بالعكس العين بتبدأ والقلب بيصدق ..
مع التحية والمحبة ..

غير معرف يقول...

مساء الغاردينيا ماما زيزي
والف الحمدالله على سلامتك بلاش تغيبي تاني بتوحشينا اوي اوي
واكيد حتكوني انسانة بتحب الناس واجتماعية لانك ماما زيزي الي قلبها يسع الدنيا كلها الي بتضمنا بحنان وحب ودفئ والقلب الابيض الطاهر بيحب لمة الناس حواليه ازاي ماتبقيش ماما :)
نيجي بقى للسؤالك ياماما ساعات بنحب حتى قبل كلام العيون وحتى قبل مانسمع صوت الي نحبه والدليل عندك الحب الي ممكن يتولد في عالم النت قبل حتى مايحصل اتصال هاتفي او فيديو يعني حب بدأ بـ ارتياح توافق افكار ومشاعر حب كانت تكبر بهدوء الحب لم يعرف له سبب لانه يداهم ارواحنا دون إستئذان وماأجملها من مداهمه "
؛؛
؛
لروحك عبق الغاردينيا
كانت هنا
reemaas

Emtiaz Zourob يقول...

لا يستطيع أحد أن يعيش بدون حب ..

:::::::

اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .

zizi يقول...

ظلالي البيضاء ..اشكرك على التشبيه ده وفعلاً حاتفضل المعادلة صعبة بين القلب والعين والأذن ...مين السبب في الحب ؟؟

zizi يقول...

ريماس الجميلة ..والله لكي حق يا بنتي ما احنا بنحب بعض على النت من غير مانسمع بعض ولا نشوف بعض ..هي بصراحة حاجة بتاعة ربنا ..ما نقدرش نحدد مين السببوزمان شكوكو قال العين تعشق قبل القلب احيانا ...اذا رأت من بعيد أي فستانا ..والله اعلم

zizi يقول...

وجع البنفسج ..دا أحلى دعاء حب سمعته ...كلنا بنشكرك عليه وربنا يستجب ..