Powered By Blogger

الاثنين، 19 ديسمبر 2011

رسالة إلى الدنيا






ياسلام عليكي يادنيا يادنية الأعاجيب

بتجمعي وتفرقي ونقول قسم ونصيب

وتدمعي وتغرقي عيون في شجن ونحيب

-----------

وأحبة مالهم ذنب غير انهم حبوا

وحبهم في العيون وفي قلبهم خبوا

يروحوا فين يا زمن خلاص ماهم طبوا

--------------

يا دنيا يا حلوة بالحب والإحساس

أنا حاعملك غنوة حب ووفا واخلاص

وحاقول للي باحبه قول لكل الناس

-------------

أنا لما أقول باحبك احلى من أي كلمة

الحب مش حرام ولاكانش عمره تهمة

ورغم أي شيء إحساس الحب نعمة

-----------------

طب أنهي أجمل وأحلى أحبك وألا أكرهك

ولما تبعد بعيد بأي كلمة اندهك

دانت لو قلت حبيبي من أخر الدنيا اسمعك

------------

حبيبي إوعى في يوم تبعد بعيد وتغيب

لو حتى غاب المكان اوعى تنسى حبيب

جمعك وجمعه زمان دون قصد أو ترتيب

أتاري زمانك زمانه وأتاريك أوفى حبيب

----------------

مع تحياتي ....زينب

هناك 18 تعليقًا:

ظلالي البيضاء يقول...

ماما زيزي ...
إيه الرومانسة المليانة مشاعر صادقة دي ..
إيه إنت عاشق يا جميل ؟؟؟
ده كل كلمة قولتيها بينبض فيها قلبي ..
ده حب بجد ..
لاااا.. أكيد القلب مش بيشيب ..
مبدعة إنت با ماما ..
تحيتي لحضرتك .. وبالتأكيد الحبيب مش هينسى .. مهما طال الزمن ..

مصطفى سيف الدين يقول...

الله على الروعة والجمال
فعلا محتاجين كلمات زي دي دلوقت تورينا الوش الحلو للدنيا
شكرا يا ماما

غير معرف يقول...

صباحك الغاردينيا ماما
ايه الجمال ده
ايه الرومانسية دي
ايه الحنان ده
ايه الرقة دي
بجد بجد ياماما انتي خلاص كسحتي بحرفك رومانسيتي انا وشيرين ههههه اصل ابراهيم رزق مش عاجبينه دايما وعامل رومانسي طيب خليه يجي هنا وهو يرفع رايات الإستسلام قدامك ههههه
بجد ياماما والله رائعة حسيت بجمالها اوي ربنا مايحرمنيش من أجمل كلمات وأرق أم "
؛؛
؛
لروحك عبق الغاردينيا
كانت هنا
reemaas

مدونة رحلة حياه يقول...

السلام عليكم
الله عليك
ربنا يديم سعادتك وبسمتك يا امى
مقطوعات نافست بعضها فى الجمال والمعانى
دومتى رائعة

محمد الجرايحى يقول...

سيدتى الفاضلة
أرجو أن تلتمسى لى عذراً
واعلمى أن تقصيرى نتيجة انشغالى بوليد جديد يحتاج كل الرعاية والاهتمام وهو منتدي المدونون العرب.
واقدم اعتذارى

faroukfahmy يقول...

الفاروق يعتب ويلوم الزيتبه انها :
لم نعط فرصة لظهور اعمالنا
لم تعط فرصة لاثبات وجودنـنا
لم تعط فرصة للغلابه من امثالنا لكى يرنزقوا ولو بازهد التعليقات من اخواننا ضاع جهدنا وعناؤنا وفشلت مساعينا ونظمنا امام هذا السيل الجارف من بدائع النظم والكلم عليه العوض وندعوالله وكلنا رجاء ان ييسر لنا امرنا ويحلل عقدة قلمنا امام هذا المنافس الخطير ليس عليا وحدى بل على الغلابه من اهل االمدونين امثالى
تهنئتى الخالصة لك مع طلبى الاكثار والاستزاده من هذه الحلاوه المسكرة
الفاروق

شمس النهار يقول...

ياسيدي ياسيدي علي الرقة والاحساس

بجد كلام جمييييييييل

وعتاب ورقة للدنيا
عتاب ورقة!!
جامدة يازيزي

وكمان تهديد للحبيب غاية في الرومانسية
تهديد رومانسي
:)

دعاء يقول...

ماما زيزي ...

كلماتك دي غاية في الروعةو الأناقة
حبيت رومانسيتك الرقيقة
و الصادقة و اللي فيها كتير أشياء
مقدرش أوصفها ...
حتى إنها خلتني للمرة الأولى أنجذب
و أتكلم بالعامية المصرية اللي ما بتقنهاشي كتير ...

لكِ كل الحبْ ...

تحيآتي لكِ ...

zizi يقول...

محمد يادهبي ..اشكرك على كل كلامك الجميل ده بس وحياتك لاالقلب شاب ولا الشعر شاب ...ههههههههههههههههههه...تحياتي وشكري

zizi يقول...

ما انا قلت كده يا مصطفى مانخليش الكاس كلها قهوة نحط فيها شوية شربات ورد ..تحياتي وشكري

zizi يقول...

ما انا قلت كده يا مصطفى مانخليش الكاس كلها قهوة نحط فيها شوية شربات ورد ..تحياتي وشكري

zizi يقول...

ريماس الغالية انتي اللي عنيكي حلوة وعشان كده شايفة كل حاجة اكتبها حلوة ..وانا حاجي ايه جنب الرومانسية اللي عن حقاللي بتخرج من القلوب الشابة والعقول المتحررة ..

zizi يقول...

انا اللي باشكرك يا محمد دا انت اللي الأيام دي معيشنا معاك في انتعاش دائم ربنا يخليك لينا يارب ..تحياتي وشكري

zizi يقول...

استاذي الفاضل استاذ محمد انا باشكرك وعارفة انك مشغول بس على فكرة انا نفسي اشترك معاكم ومش عارفة ادخل فلو سمحت حضرتك تبقى تقوللي ازاي ولك جزيل شكري ..

zizi يقول...

استاذي الفاضل استاذ فاروق ..مش عارفة اقولك ايه على كل المدح دهاللي انا مش اده انا آجي ايه جنب كل الأساتذة واولهم الفاروق العزيز ..اشكرك وتحياتي

zizi يقول...

استاذي الفاضل استاذ فاروق ..مش عارفة اقولك ايه على كل المدح دهاللي انا مش اده انا آجي ايه جنب كل الأساتذة واولهم الفاروق العزيز ..اشكرك وتحياتي

zizi يقول...

شمسي وقمري وابتسامتي ..انا باستلهم رومانسيتي منك ياست الكل ..ويارب يخليكيوحانعمل ايه ماهو لازم نهدد بحب برضه عشان العمليه تمشي ..تحياتي وشكري ..

zizi يقول...

dodo the honey >>تحياتي وشكري على كل اللي قلتيه وخلتيني ارجع تاني ابص في القصيدة واحبها اكتر من ساعة ماكتبتها عشان عجبتك للدرجادي ..اسعدتيني واشكرك بجد ..تحياتي وشكري