Powered By Blogger

الجمعة، 12 أبريل 2013

الحب كده



قالوا عن الحب ..فماذا انتم قائلين ؟؟

1-؛الحب في الأرض بعضٌ من تخيلنا ..لو لم نجده عليها لأخترعناه ..

2-؛الحب كده :وداد وخصام ورضا وبعاد..

3-؛وإذا سألوني ما الهوى قلت :ما بيّ

4-حبيب قلبي ياقلبي عليه
باحبه في رضاه وجفاه
اوريه
الملام بالعين وقلبي عالرضا ناوي
بيجرح أد ما يجرح ويعطف تاني ويداوي

ملحوظة:هذا البلوج مستكمل بردودي على التعليقات ليتكم تقرأونهاوخاصة ردي على ليلى الصباحي وعلى رشيد امديون ..في انتظار تواصلكم ..

هناك 19 تعليقًا:

faroukfahmy يقول...

انا اعلم يازيزى ان صوتك جميل وكان من الاجمل ان لا تكتفى بالكتابه وتتفضلين شاكرة باعداد فديو نحتفظ به فى قلوبنا قبل مدوناتنا
وتقبلى احترامى وودى
الفاروق

ليلى الصباحى.. lolocat يقول...

الحب ...!!!كم تشتاق الارض للعشق والحب والجمال

اشعر ان الارض اصابها الجدب والدمار والحب رحل بعيد عنا ...كلماتنا لم تعد كما كانت ومشاعرنا جريحة ...من منا لايشتاق لسحر الحب المطلق... للطبيعة للاحباب للاهل لكل شىء جميل ؟!!!!!

على جبين الدهر مات الحب منا.. كالجنين

قد يسألونك.. كيف مات الحب؟؟

قولي... ... جاء في زمن حزين!!


اسأل الله ان يعود الحب الينا الذى نفى بايدينا ورحل عن عيوننا وقلوبنا وارواحنا واذاننا


مبادرة قيمة ورائعة منك اختى الحبيبة والله كلنا فى حاجة ان نكتب عن الحب وسأفعل ان شاء الله مع الاحتفاظ لك بحقوق المبادرة :)

تحياتى لك بحجم السماء ودمتِ بحـــــب

كريمة سندي يقول...

الله يا ست .. الله ينور على الحب وسنينه

رؤى عليوة يقول...

ياسلاااااااام

ايه الكلام الجميل ده
على فكرة من كام يوم كنت فى القاهرة وخدت معايا كتاب حضرتك
عجبنى جدا انه فيه من الحياة الشخصية حسيت انى عرفت ماما زيزي اكتر

عن الرحلة كنت بفكر اسأل حضرتك وعامله ايه من كتر ما كنت معاكى وكأنها كانت قريب مش من سنتين

عجبنى اوى ان حضرتك تذكرى اسماء كان لها تأثير

الشعر كتير منه لمسنى اوى

يارب يكون فيه كتاب تانى وتالت

دمت بخير

aya mohamed يقول...

الحب هو ان يتتحول كلانا الى الاخر
دون ان يعى اى منا ذلك

رشيد أمديون يقول...

الله، ذكرتيني بكلمات الأغنية الجميلة
ممتعة
شكرا لك أستاذة زينب

zizi يقول...

استاذي الفاضل استاذ فاروق ..ياسلام دا ايه الهنا اللي انا فيه ده ..يعني همّ اللي بيغنوا في الأوبرا صوتهم احسن مني في إيه ..وليه كاسيت ماتخليه لايف على طول عشان اقدر الّيل براحتي ..الله يخليك يا استاذي الفاضل وتحياتي لورداتك العطرات ..

zizi يقول...

ليلى الحبيبة ..الله على كلماتك الرقيقة ..والنبي يا ليلى من خلالك بأوجه فعلاً خطابي للجميع اكتبوا عن الحب ..كفايانا كلام في السياسة ..كفاية نفوسنا تعبت قوي ..انا عايزة كل اللي يعرفكلمات في الحب يكتب وحتى لو كلمات صوفية يكتب ..احنا عايزين شوية نتنفس حب ..الناس ليه بقت مليانة هم وحقد وحسد وخيانة وخداع ..فتشوا احفروا جواكم حاتلاقوا هناااااااااااااااااك في ركن القلب فيه حتة لسة ما اتلوثتش ايوة انا عايزة الحتة دي ارووها وكبروها جواكم وماتكسفوش منها دي ريحتها حلوة قوي جربوا تطلعوهالنا عالهوا ..في انتظاركم

zizi يقول...

ظلالي البيضاء..ايه اللي حصل ..ماكتبتش ليه كل اللي جواك ..انا عارفة جواك ألم ..وجواك سؤال كبير بحجم السما بيقول ليه؟؟؟؟؟ايه اللي احنا فيه ده ؟؟معلش كله حايتحل ونرجع نحكيه زي الحكايات الهزليه ..في انتظار بسمتك انت وكل العرب ..

zizi يقول...

ياللا يا كريمة ..اديني من حبك وحنانك حبة انا محتاجاهم قوي قوليلي حاجة جامدة قوي ..وبعدين صحيح ابقي احكيلي عن الجروب اللي انتي عملتيه وازاي ممكن اعمل زيه ..يعني اشرحيلي الموضوع بالتفصيل في تعليق لوحده ..تحياتي

zizi يقول...

رؤى الجميلة ..تصدقي بالله انا لما فكرت أعمل الكتاب ده عملته عشان كده ..يعني عشان احس اني قاعدة مع اللي بيقراه وباحكيله حكاية وعمري مافكرت ازاي اسوق الكتاب ده والا اروح لمين يعملي دعاية والا الحاجات اللي بيعملوها دي غير لما تيجي معايا بالصدفة البحتة ..وكلامك النهاردة اسعدني قوي وباعتبره شهادة اعتز بيها وان شاء الله قريباً اعمل تجمع صغير كده نتجمع سوا ولو عندكم واحتمال يكون في مناسبة حلوة ..يارب أما الكلام عن الحب بذمتك احنا مش محتاجين من حين لآخر نطلع من الحالة اللي احنا فيها دي واللي انتم فيها ياشباب ..اتكلموا عن المشاعر البريئة الجميلة ..اتكلموا من غير تريقة ولا هزار ..والله المشاعر دي بتشكل فينا زي ما بنشكل حتة الصلصال ..شكلوا حياتنا بشكل القلوب
..ولونوها بألوان البهجة..رؤى سلام خاص لماما وياريتك تكتبيلي موبايلك في تعليق ليس للنشر عشان اكلمك واكلم ماما اذا ماكانش فيه احراج واذا كان فيه قوليلي انا ما بازعلش من الحاجات دي ..

zizi يقول...

آية محمد..بنتي الحبيبةوقديما قالوا الحب ليس ان ينظر كل منا في عين الآخر بل أن ينظر كلانا في نفس الإتجاه..تحياتي

zizi يقول...

ابني العزيز رشيد..أخيراً وليس آخراًوصلت لدرة العقد ..لن احدثك كثيراً فمثلك يكفي ان اقول له قل لنا مما عندك حتى يخرج كل كلامه مغزول بخيوط من حب ..ابني الفاضل وجدت نفسي بالأمس عندي رغبة شديدة ان اتكلم حباً ووجدت نفسي متعبة كثيراً من تلك الأحداث التي نمر بها ..الكل يتكلم في السياسة وضاعت من حياتنا كل المعاني النبيلة الجميلة ..فل أكتب سوى تلك الكلمات التي ترعرعنا عليها ..ولم نكن في يوم نتوقع ان نغني "أحبك يا حمار "ولكن للأسف دخلت اذاننا فسمعنا وقراً ونقراً وقذارة ..فهل لنا ان ننظف تلك الآذان ببعض من كلماتٍ رقيقة نكتبها من حينٍ لآخر حتى ولو ختمنا بها بلوجاتنا..واترك لسيادتك ومن تتوسم فيهم تلك الرومانسية التي مادخلت على شيء إلا زانته أن نستمتع دائما بأكاليل من الكلمات الرقيقة واعتبر هذه دعوة لكل من يريد المشاركة الدائمة معنا ببعض من بلوجات وكلمات هادئة نبعد بها عن صخب الحياة فهل من مجيب ..آمل ذلك

Ramy يقول...

-حبيب قلبي ياقلبي عليه
باحبه في رضاه وجفاه
اوريه
الملام بالعين وقلبي عالرضا ناوي
بيجرح أد ما يجرح ويعطف تاني ويداوي

(:

ازيك يا ماما زيزى

انا مقصر مع الكل صدقينى

معلش

عارف مش هتزعلى منى

zizi يقول...

اقولك ايه بس يا رامي لما انت نفسك عدتها تاني :حبيب قلبي ياقلبي عليه احبه في رضاه وجفاه ..اوريه الملام بالعين وقلبي عالرضا ناوي ..بيجرح أد ما يجرح ويعطف تاني ويداوي ..وانت لا جرحت ولا حاجة انت وحشتني بس ..لكن باحبك في رضاك وجفاك ..قدري بقى اعمل ايه ؟؟..تحياتي

شمس النهار يقول...

الله الله الله

عارفة ان بحب الحته دي اوي
اوريه الملام في العين وقلبي علي الرضا ناوي

لوحه من الاجمل اللوحات

انتي عايزة الناس تكتب عن الحب
!!!!!
مش كل اللي هيقدر في ظل القهره دي
ومع هذا حااااااضر من عينيا ياجميلة

ابراهيم رزق يقول...

zizi العزيزه الذيذه

انا بلوجر بيعمل معايا حاجات وحشه
انا كنت جاى امسى و اقولك منوره بلوجر بتعليقاتك
الاقى البوست الجميل ده
اللى عامل زى قاعدة المسطبة فى الصيف كده و رشين حواليها ميه

اما عن الحب فيقول شكزكو
الحب بهدله خلاتى قندله غيرلى صحتى و لا حول و لا

تحياتى

zizi يقول...

شمس الجميلة الرقيقة ..انتي اصلاً كل اللي بتكتبيه حب في حب لإنك اصلاً بتشعي حب لكل الناس ..ياست الكل باحبك ..

zizi يقول...

وحياة ربنا يا إبراهيم ان انا عارفة انك حاتقلبها مية ورش وكوبايتين شاي في الفيفتي..يابني انا باتكلم عن الحب ...دي حاجة خطيرة مش أي كلام ..ولاحبيبي شغل كايرو ..دا انت مشكلة يا إبراهيم لكن حاقول إيه ما انت لو ماعملتش كده ماتبقاش ابراهيم ..تحياتي