Powered By Blogger

الجمعة، 22 يوليو 2011

اتباعد عنكم فأسافر ليكم ..

خواطر ..وخلجات ..وتليها أجازة ..

احبابي ..فعلاً انا كل ما أتباعد عنكم باسافر فيكم وليكم ..اصبحتم تشكلون لي حياة

مليئة بالإثارة والتشويق وانتظار الغد بما يحمله من اخبار وأحداث ورؤى

من هنا وهناك ..ومعلش انا حا سيبكم على عيني بس هي أجازة في احضان الحبايب

ما قدرتش اقول لأ عشان انا باعشق هوى الحبايب ..ولكم عليا قبيل رمضان حاكون هنا وحاشوف كل واحد فيكم عمل ايه من ورايا وخصوصاً الخلبوص الكبير بتاع المانيا
ده اللي دلوقتي بس  عرفت هو قافل التعليقات ليه ؟؟عيني في عينك كده ..!!!
وكلكم عشان ما انساش حد فيكم والناس اللي لسة ما اتثبتوش في المدونة قوي اوعوا
تروحوا كده والا كده ..عيني عليكم وحا جيبكم تفضلوا لابدين لي في الدرة
لحد ما ارجع ..فاهمين ..اوكي

ودلوقتي حا دلكم على شوية مدونات لذيذة ادخلوا عليها ومش حاتندموا

1-مدونة :تدويني ومقالاتي:my tadwen
وهي مدونة سيستفيد منها الجميع الكثير والحقيقة انا لقيتها في هامش مدونة الأستاذ محمد الجرايحي ولقيتها ظريفة ومفيدة ..جربوا

2-مدونةthe simple life
وهي مدونة باللغة الإنجليزية واللغة الأسبانية
ورابطها:http://andralife.blogspot.com
وصدقوني لو دخلتوها مش حا تطلعوا منها بسهولة
وحاتلاقوا على الجنب بعض البوستات المصورة وفيهم بوست مكون من 227
صفحةوياريت تشوفوا منه قد ماتقدروا وشوفوا كده صفحة 100

والبوست ده اسمه :pixdous
page 100of sweetnai favorite photos

وشوفوا الصور 68،70،60،72،39،وغيرها وعلى فكرة هم مش بالترتيب

وممكن قوي تلاقوا احلى من كده

3-امبارح وانا باتصفح بعض المدونات اللي مشاركة في المسابقة بتاعة ال100 تدوينة

فوجئت بكم رهيب من المدونات وحسيت اني ارقد فوق كنز من كنوز علي بابا والشاطر اللي يخلص دهب وياقوت ومرجان احمدك يارب ..

ومن خلال ما رأيت طبعاً مش حاقدر انقل كله لكن اقولكم

على مدونة لو دخلتوا فيها حاتلاقوا كم رهيب من المدونات والمدونة دي اسمها :

أي حاجة بقى http://anooojy.blogspot.com/
وعلى فكرة عندها 226 من المدونات وعندها كمان صور جميلة جداً
لبنتها الرضيعةحنين ..جربوا تدخلوا واسمع رأيكم لما ارجع ..
4-وانا اتصفح المدونات وجدت بنوتة في منتهى الرقة صاحبة مدونة ms venus
البنت دي عجبتني رقتها وعشان كده مررت اليها التاج اللي انتم بتطلقوا عليه (واجب تدويني )مع بعض الإختلافات ارجو ان تتابعوا مدونتها فهي في منتهى الرقة والشياكة

اخيراً تحياتي والى اللقاء ..

وغداً في القريب نلتقي ان شاء الله وافتكرونا بخير ..زيزي

هناك 25 تعليقًا:

غير معرف يقول...

مساء الغاردينيا ماما زيزي
مش عارفة ليه عيطت اليوم بالذات ماسكني حزن وبكا وكملت في مدونتك يمكن لاني مابحبش افتكروني بتخوفني اوب ومابحب تغيب الناس الي بحبها عني ساعات بحس اني انانية في الحب بس يارب اجازة سعيدة وتكوني مبسوطة وطمنينا عليكي قريب ..على فكرة عمرك ماتغيبي مهما طال بعادك
انا دخلت مدونة سمراء النيل وعجبتني جداً ربنا يسعدها ويخليلها بنوتتها ويخليلك كل أحبابك
عشان خاطر كل الناس الي بتحبك
كوني سعيدة ومبتسمة
ربي يحفظك وين ماتكوني يااغلى ماما "
؛؛
؛
لروحك عبق الغاردينيا
بنتك reemaas

Unknown يقول...

تروحي و ترجعي بألف سلامه ماما زيزي سنفتقدك جداً على فكره أنا نشرت معطف من القيود 2 في المدونه و هو جزء أكتر من رائع تعليقي عليه هناك.

أجازه سعيده ان شاء الله و نحن في الإنتظار

يحيى نور الدينـ يقول...

ترجعي لنا بالسلامه ...
وكل سنه و حضرتك طيبه بمناسبه رمضان اعاده الله علينا و عليكم باليمن و البركات .
لكن انا مش هاقدر البد في الدره لغايه ما حضرتك ترجعي ...الدنيا حر خالص .

يحيى نور الدينـ يقول...

في انتظار عودتكم بسلامه الله .

عبدالحميد خطاب يقول...

تعودى بالسلامة إن شاء الله يا افندم

Unknown يقول...

أدعو الله تعالى أن تكون أجازة طيبة وسعيدة
وفى انتظار عودتك على أحر من الجمر

دعاء العطار يقول...

ترجعى بالف سلامه هفتقدك جداااااً يااحلى ماما فى الدنيا

ماقولكيش كلامك فى التعليق اثر فيا ازاى

ضحكتينى بجد وريحتينى أوووووووى

ربنا يرريح قلبك ويريح قلب بناتك اللى انا واحده منهم (: (:

ويابخت بناتك بيكى (:

ماتتاخريش علينا (:

faroukfahmy يقول...

سيدتى وسيدة المدونات جميعها على الشمول والاطلاق زينب صادق
اننى لست خلبوصا هههههه كما ظننتنى وما سوف يظنه البعض ووقت تكرمك بقراءة الحلقات القادمه سوف تسحبين برقتك العاطفية ما اتهمتنى فيه وماسوف يتهمنى فيه البعض لأنك لم تستكملى قراءة اوراق حيثيات حبى وسوف تتأكدين اننى لم اقض ليالى خمراءبل ليالى خضراء مصطبغة بخضار الفن الموهوب والمرغوب من ذوى النفوس المرهفه بحب الفن ، الفن الذى اشعل جذوة الحب فى دمى
الفن الذى احفزنى الى ان اوجه واحشر بناتى فى احضانه القدسيه فهوارق طريق الى قلوبهم الانثوية الرقيقة واوصلهم الى علوية اعتابه
وانا عندما الغيت النعليقات ، الغيتها عندما عزمت فتح صندوق ذكرياتى على مصراعيه اتناولها بقلمى الطائر خلال رحلاتى الطويلة والعديده حول اركان العالم الرحب والفاتح ذراعيه واحضانه لكل عاشق ولهان
الغيتها لكى اترك حكمها وتعليقها وحسابها لمن اوجدنى فيها للة خالقها وبارئها ورحيمها وغافرهاوعالمها قبل وصولى اليها ولم اتركها الى حكم العبد الذى قد يخدش قدسيتها وعلو شأنها فى نفسى
شممت يا زيزى عطور الشرق والغرب فى ازهى واعطر اوقاته وكما قضاها شاعر الرباعيات وعمر الخيام واغاخان ومستنجيب وسومرست هوم ومغرد باب الشعرية موسيقار كل الاجيال عبد الوهاب وعبقرى كل العصور فيلسوفنا توفيق الحكيم والذى جعل الحمار المطيع طوعا لأفكاره وفلسفته العضيدة والعظيمه ويكفينى ويغنينى فى هذا المقام اشارتك فى بوستك لشانى الذى كان لى شرف تواجدى فيه وذكرك لما قلت وانتظارك لما سأقول
غيابك ستغيب معه ارواحنا فلا تغيبى كثيرا فغيابك سوف يزيد من شعورنا بالوحدة يا مجمعة الشمل
تروحى وترجعى لينا بالف سلامة

zizi يقول...

ريماس الغالية..اشكرك على دخولك عندي وان شاء الله لما ارجع لينا قعدة حلوة ..تحياتي ..

zizi يقول...

شيرين الغالية اشكرك على تعليقك واتمنى اقابلكم قبل رمضان وانا سايبالك تعليق في مدونتك ان شاء الله يعجبك ..تحياتي ..

zizi يقول...

يحيي نور الدين ..تحياتي وشكري وزي ما قلت لك في مدونتك انت متثبت من اول كلمة ولذلك البد في القصب وبلاش الدرة ..سماح والى اللقاء..تحياتي

zizi يقول...

استاذ حميد مش عارفة اشكرك ازاي على كل المعلومات القيمة اللي اديتهالنا واللي لسة حاتديهالنا في اسرار النت والحقيقة لقيت نفسي عايزة اخد ثواب معاك فكتبت للأخوة المدونين على اللينك بتاعك ..تحياتي وشكري ورأيك فيما اكتب يهمني ...

zizi يقول...

استاذي الفاضل محمد..سأشتاق كثيراً لكتاباتك العميقة المغزى وانا ايضاً سأكون على احر من الجمر حتى القاكم ..

zizi يقول...

دعاء الجميلة ..اسعدني تواجدك واسعدني اكثر ان كلامي اراحك قليلاً ..واهو الواحد لما بيقدر يقول اللي ينفع غيره بيقوله لأن دايماً البعيد عن الموضوع بيشوفه كله على بعضه وبيقدر يقول المفيد ويمكن بناتي اللي انتي بتحسديهم علي يلاقوا الكلام المفيد عند حد تاني عشان دايماً زمار الحي لا يطرب ..لازم يجيبوا واحد من الحي التاني ..تحياتي وشكري

zizi يقول...

عارف يافاروق بك انا باحسد نفسي على الدلع اللي انا فيه على آخر ايامي ..وساعات باخاف من لحظات السعادة اللي باكون فيها في وسطكم ..ياسيد الكل تدويناتك بتسعدنا ولازم احطلك كلمة كده في النص عشان تقول لا والله ماحصلش دا اللي حصل كذا وكذا اقوم ايه بقى اجرجرك في الكلام اللي كلنا عايزين نسمعه بعنينا ونشوفه بوداننا صح كده ..وحاتنقل في الحسد الى اخواني واخواتي المدونين والمدونات اللي حايشوفوا باقي الحكايات قبل مني لكن ملحوقة هي اسبوع وارجع التهم صواني الكنافة والزلابية والجيلي بتاع المانيا وما حولها ..تحياتي وشكري على حسن ظنك بي والله يخليني كما تظنون يارب والى اللقاء حاختم بقى عشان الكل مستني اقفل واحضر شنطتي باي باي

zizi يقول...

عارف يافاروق بك انا باحسد نفسي على الدلع اللي انا فيه على آخر ايامي ..وساعات باخاف من لحظات السعادة اللي باكون فيها في وسطكم ..ياسيد الكل تدويناتك بتسعدنا ولازم احطلك كلمة كده في النص عشان تقول لا والله ماحصلش دا اللي حصل كذا وكذا اقوم ايه بقى اجرجرك في الكلام اللي كلنا عايزين نسمعه بعنينا ونشوفه بوداننا صح كده ..وحاتنقل في الحسد الى اخواني واخواتي المدونين والمدونات اللي حايشوفوا باقي الحكايات قبل مني لكن ملحوقة هي اسبوع وارجع التهم صواني الكنافة والزلابية والجيلي بتاع المانيا وما حولها ..تحياتي وشكري على حسن ظنك بي والله يخليني كما تظنون يارب والى اللقاء حاختم بقى عشان الكل مستني اقفل واحضر شنطتي باي باي

كريمة سندي يقول...

أتمنى لك من كل قلبي إجازة سعيدة جدا ملئية بالغفران والرحمة في شهر الفرقان

راح توحشينا كتير ماما زيزي يا أحلى وأطيب أم ربنا يحفظك لحبايبك ويحفظهم لك اللهم آمين

الاحلام يقول...

سلميلى على الحبايب سلميلى
سلميلى على الحباسي وابعتيلى
على راى صباح
اوعى تنسينا لان الى يلاقى احبابه اكيد هينسى اصحابه
تيجى بالسلامه ومنتظرينك على احرمن الجمر
كل سنه وانتى طيبه
تحياتى ابووووووووووداود

Ms Venus يقول...

بصراحة انا مش لاقية كلام اقوله

سواء على الكلام الجميل اوى اللى حضرتك كتبتيه عن مدونتى هنا ولا الكلام الاجمل والاجمل اللى كتبتيه فى البوست عندى

صدقينى من كتر ما انا خجلت مش عارفة اعبر اد ايه انا سعيدة جدا جدا

كلمة شكرا مش كفاية

ويارب افضل دايما عن حسن ظنك بيا

التاج بقى او الواجب ده مشكلة ولو انى مبحبش ومبعرفش اكتب عن نفسى بس اوعدك انى هحاول اعمله فى اقرب وقت

تروحى وترجعى يارب بألف سلامة واجازة سعيدة ان شاء الله

وكل سنة وحضرتك بكل خير

ومرة تانية وتالتة ومية الف شكر على كلامك الجميل والرقيق فى حقى

ابراهيم رزق يقول...

ZIZI العزيزة الذيذة

انتى عارفة انا عمال اجىء اقرا التعليقات و ابتسم و لا اعلق

ايه الحب و الجمال ده الكل حبك لان الكل عرف قلبك و عرف تلقائيتك و بساطتك
ما اجمل البساطة و البطاطا ايه ده اللى انا بقوله ايه جاب البطاطا هنا
هههههههه


كل سنة و انتى طيبة و رمضان كريم
على فكرة ايه اخبارك مع الكنافة و القطايف اه صينية بالمكسرات من ايديكى
مش تضحكى علينا و تمشى خطوتين وتجبيلنا من تسيباس او تويكى

كل سنة و انتى طيبة يا احلى ام

Unknown يقول...

ماما زيزي الغاليه بعت لحضرتك e-mail يا ريت تقريه.
كل سنه وحضرتك طيبه و بألف خير

تحياتي و كل الإحترام لكي

zizi يقول...

كريمة بالعسل الأبيض ...نورتي المدونة ولما رجعت يومين حسيت اني ليا اهل هنا ..كريمة مش عارفة ليه قلبي مفتوح لك قوي على البعد ..كريمة ادعيلي ..تحياتي وشكري

zizi يقول...

ابوداووووووووووووووووووووووووووووود ..يسلمولي احبابنا ..اهلاً بغيّابنا ..

داحنا فرحنا فرحنا كتير ..

طلوا وطلوا احبابنا ..الله على الناس الحلوة لما بتسأل على الواحد ...تصدق الأستاذ يحيي نور الدين صدق لما قال ان التعارف فرض ديني ""وجعلناكم شعوباً وقبائل لتعارفوا ""صدق الله العظيم

دي احلى حاجة في الدنيا معرفة الناس وكلمة ازيك ياه حلوة قوي ...طيب اسمع كده..................ازيك

ايه رأيك بذمتك مش حلوة ؟؟؟؟

zizi يقول...

ms venus ..

الحقيقة انا اللي مش لاقية كلام اقوله قدام رقتك ولطفك ده ...انا حاسة اني باكلمحتة مارون جلاسيه مع شوية قشطة ومفيش مانع معاهم طبق جيلي مثلج في عز الحر ..وده كله متهيألي حايبقى قليل قدام رقتك ..تحياتي وشكري لكي حتى اعود واتمتع بكلامك الرائع ..حوشيلي كده شوية كلام من اللي يدوب قلوب العذارى اللي زيي احسن انا في ظروف عايزة اللي يطبطب عليا ..ياللا طبطبي ..الله طبطبتك رقيقة زيك ..تحياتي وشكري والى اللقاء ..

zizi يقول...

ابراهيم ..كل سنة وانت طيب واذا كان فيه ناس حلوين حواليا فإنت كنت الأصل ولا أنسى لك هذا ابداً ..وياريت اشوفكم في رمضان واعملكم احلى صينية كنافة هي مش حاتبقى حلوة عشان انا اللي عاملاها ...هي حاتبقى حلوة عشان انتم اللي حا تدوقوها ..وتحياتي لأحلى ام زياد ولزياد وساليناز وتيتا البركة الجميلة ربنا يخليهالك وكل سنة وانتم طيبين ...